Новости за 01.12.2020

Ажьырныҳәа 12 рҟынӡа Аԥсны аҵаратә усҳәарҭақәа рҿы аҵаратә процесс аанкыларазы знапы аҵаҩу аусԥҟа азы лгәаанагара лҳәеит Sputnik аколумнист Елеонора Коӷониаԥҳа.

Аԥсны Зҽаԥсазтәыз артист Зураб Маршьан арадио Sputnik аефир аҟны дигәалаиршәеит Аԥсны Жәлар рартист Вахтанг Возба.

Аԥсны иахьаҵанакуа асезонтә еимҳәазы алаҵаҟаҵара иалагеит абҵара 12 рзы. Асанитартә ҳақьым хада иазгәалҭеит алаҵаҟаҵара ашықәс нҵәаанӡа ишымҩаԥысуа.

Уарчатәи абжьаратә школ аиҵбыратә классқәа рырҵаҩы Алла Ҭориаԥҳа арадио Sputnik арубрика "Раионк аԥсҭазаараҟынтә" аҿы еиҭалҳәеит иахьатәи аамҭазы аҵаҩцәеи лареи реимадара зеиԥшроу.

Аус зымуа акинотеатр аҿы амцакра ҟалеит абҵара 28 рзы. Абылраан аӡәгьы ԥырхага имоуит, амцакра амзызқәа ҭырҵаауеит.

Аԥсны иналукааша Аинтернет-проваидерқәа ируаку Абаза Телеком ахакертә жәылара азуын ҳәа ацәажәарақәа цәырҵит аҭыԥантәи ателеграм-каналқәа рҿы абҵара 30 рзы.

Амшын Еиқәа аҿықә иаԥну адыгаа- ашаԥсыӷцәа рмилаҭ аиҭаҿиара иамшны ирылаҳәан ԥхынҷкәын 1, 1990 шықәса. Афольклорист, аетнолог Цира Габниаԥҳа арадио Sputnik аефир аҟны еиҭалҳәеит иахьазы ашаԥсыӷаа рҭагылазаашьа зеиԥшроу атәы.

Аоперштаб абҵара 30 рзтәи адыррала Аԥсны акоронавирус рыдбалоуп 5970-ҩык. Ргәы бзиахахьеит 3845-ҩык, рыԥсҭазаара иалҵит –84-ҩык.

Вахтанг Возба – аҳәынҭқарратә ансамбль "Шьараҭын" ашьаҭаркыҩцәа дыруаӡәкын, ахәыҷтәы хореографиатә студиа "Иааирума" напхгара аиҭон.

2020 шықәсазы Гәдоуҭа араион аҿы 5 000 тонна рҟынӡа ахәырма рҭааит. Араион аҿы ахәырма ахьеиҭаҳау аҭыԥқәа 185 гектар рҟынӡа инаӡоит.

Аԥсны ԥасатәи ақыҭанхамҩа аминистр Даур Ҭарба арадио Sputnik аефир аҟны еиҭеиҳәеит сынтәа иџьықәреи аҽаҩра зеиԥшроу, ақыҭеи ақалақьи реимадара аҵакы атәы далацәажәеит.

Валериа Адлеиԥҳа – жәларбжьаратә авокалтә шоу "Ты супер!" актәи асезон аҿы аиааиҩы.

Аиԥылараҿы ирылацәажәан атәылаҿ аҭагылазаашьа, аҭыԥантәи абиуџьетқәа рынагӡашьа, аепидемиологиатә ҭагылазаашьа.