Нохчийчоь: дийриг ма де, аьлларг де, ткъа Меликовна кхетта вирус
Карантин цаларъечарна даккхий гIуданаш деттар ду Нохчийчохь; Дагестанан куьйгаллера Меликов дарбан хIусаме виллина коронавирус кхетарца; "Мемориал" центр толла яхана прокуратура юха а
Карантин цаларъечарна даккхий гIуданаш деттар ду Нохчийчохь; Дагестанан куьйгаллера Меликов дарбан хIусаме виллина коронавирус кхетарца; "Мемориал" центр толла яхана прокуратура юха а
Дагестанехь терроран статьяшкаху хьийзош ю пенсионерка, 63 шо длу Нохчийчохь йина Рамазанова ПетIамат. Талламан комитето бехке еш ю иза "Исламан пачхьалкх" экстремистийн тобанна болх борна. Оцу зудчуьн адвокаташа а, гергарчара а тоьшаллаш до, иза Шема яханера, шен йоI а, цуьнан бераш а йийсарера кIелхьардаха, бохуш. Кавказ.Реалиин корреспонденто дуьйцу Рамазанован гIуллакхах а, кхиболу Оьрсийчуьра зударий даймахка цIаберза кхоьруш тахана а Шемахь буьсуш хиларх а лаьцна а. Дагестанан Кизил-юьртан... Читать дальше...
Исламан духар цӀера дийнаташна а оьшу, боху Индонезерчу модельеро. МуцIар а, лергаш а гойтуш арахула лелар оьзда дац. Иштта хетачух тера ду Ява-гIайрин бахархошна – цара дойту шайн цицкашна гIад дIакъовлу духар.
Бакъоларъечу "Мемориал" центран болх талла цуьнан офисе кхаьчна прокуратура, хаам бо "МБХ медиа" портало цхьаьнакхетараллин пресс-секретаран Орлова Юлиян хаамна тIе а тевжаш. Коммерци лелош йоцчу хьукматийн низам лардар ду зуьйш. Орловас дийцарехь, 6 стаг кхаьчна офисе, центр толлур ю берриг а карарчу баттахь. Коммерцехь йоцчу организацех лаьцна долу низам арахецчхьана тIехьажархоша иттаннашкахь протоколаш хIиттийна "Мемориална", цунна бехке дуьллу цо интернет-ресурсашкахь, ша "арахьара агент" хилар хоуьйтуш, "иноагент" йоза цахIоттор. Читать дальше...
Роспотребнадзоро халкъ коронавирусах Iалашдеш дина тIедахкарш лардеш боцчу бахархошна даккхий гIуданаш деттар ду, аьлла мехкан парламентан спикера Даудов Мохьмада. Цо тоьшалла дарехь, COVID-19 цамгар юха а цIеххьана сиха яржайоьлла Нохчийчохь. Шен Инстраграмерчу агIонехь Даудовс боху: "Профилактикан тIедахкарш талхош болучу наха кхерам бохьу гонахарчийн могашаллина, иштачарна, цхьа а озабезам боцуш, деттар ду гIуданаш. Иза хьакхало туьканех а, кхача кечбечу а, садоIучу а меттигех". ГIура-беттан... Читать дальше...
Къилбаседа Кавказерчу дарбан хIусамашкахь тIаьххьарчу дийнахь-буса коронавирусах велла 29 пациент, цамгар кхетта кхин а 1189 вахархочунна, хаам бо Оьрсийчоьнан оперативан штабо. 10 дархо дIаваьлла Дагестанехь, 7 – Ставропол-махкахь, 6 – Краснодар-махкахь, ГIебарта-Балкхаройчохь а, ГIалмакхойчохь а велла кхоккха стаг, Нохчийчохь – 1. Юхьанца дуьйна пандемих белларш бу Къилбаседа Кавказехь 3 786. Дийнахь-буса а, юхьанца схьа а цомгуш хиллачийн официалера статистика иштта ю: • Ставропол-мохк +... Читать дальше...
Ставропол-махкахь бехктакхаман гIуллакх айдина Георгиевск-гIалин куьйгаллехь Iийначу Клетин Максимна дуьхьал. Шегахь кхечу пачхьалкхан паспорт а хилар ца хаийтарна, иза къайладахьарна бехкево иза. Чоьхьарчу гIуллакхийн министраллин миграцехула долчу меттигерчу декъе ша шина пачхьалкхан вахархо вуйла хаийта декхаре вара иза – Оьрсийчохь зулам лору и тайпа информаци къайлаяхьар. Карарчу хенахь кхел ю Клетинан бехк луьстуш. Клетин скандалан декъахь хилира шо хьалха, интернетехь, верзинчу, цунах терачу стеган видео яьржича... Читать дальше...
Ханна Дагестанан куьйгалхо хIоттийначу Меликов Сергейца кIира хьалха хааелла коронавирус, лоьрийн тергонехь вара иза, ткъа хIинца, могашалла эшарца доьзна, виллина дарбан хIусаме. Оцу хьокъехь хаам бина мехкан куьйгалхочун пресс-векалто. Муьлхачу хьолехь ву тахана Меликов пресс-векалто ца хоуьйту, "вон вац иза", яздар доцург. Карарчу ханна 19 209 стагах хьакхаелла Дагестанехь пандеми, велла 968 вахархо, боху официалан терахьаша. "Новое дело" газетин хаамца, уьнах цомгуш хиллачу дагестанхойх леш ву хIора 20-гIаниг.