ГIелонах бевдда зударий лечкъина бехачу бакъоларъярхойн хIусамера дIайигина Тарамова, ша сецочу полицин белхахошна дуьхьалтийсалуш яьккхина видео яьржина интернетехь. Ницкъхоша тIелатар деш оцу проектан координатора дIаязйинчу видео тIехь гуш ду и сурт.
Кадыров Ахьмадан цIарахчу полкан командиро Чалаев Замида дийцина, кхетамах тиллачу нехан хIусамера нохчийн куьйгалхочо араваьккхина, Оьрсийчоьнан турпалхо вина шех аьлла. Халкъан кхоллараллан "Бенойра бIаьсте" фестивалехь, мехкан урхалхочун карара "Дашо седа"(Оьрсийчоьнан Турплахо цIе еллачарна луш долу совгIат) схьаоьцучу заманчохь дина цо ишта дIахьедар. "Тахана кхузахь лаьтташ ву со, хIара совгIат схьа а оьцуш. Ткъа муха кхаьчна со кхуза, муха нисвелла со кху тIегIанехь? Кхетамах тиллачу нехан хIусамера схьавалийра ахь со... Читать дальше...
Оьрсийчоьнан "Проект" интернет-гIирсана дуьхьал пачхьалкхан "Грозный" телеканало чуелла хилла иск юхахьажийна Нохчийчуьрчу арбитражан кхело. Мехкан куьйгалхочун Кадыров Рамзанан зударех лаьцна шаьш бечу талламехь шайн хаамаш юкъара журналисташа йоцца кийсиг эцарна латкъам бинера цара. Динчу дIахьедарехь телехьожийло 20 эзар сом тIедожадар хьехнера "Проектна", шайн интеллектуалан бакъонаш йохорах дIа а хаийтина. Иск талла дуьхьало йина кхелахоша, кхачо йоллу документаш шайга дIа ца кхачорна. Карладоккху... Читать дальше...
Къилбаседа Кавказерчу дарбан хIусамашкахь коронавирусах велла дийнахь-буса 24 пациент, цомгуш хилла кхин а 334. Уьнна дуьхьалоечу оперативан штабан терахьашца, Краснодар-махкахь COVID-19 цамгарх велла 11 стаг, Ставропол-махкахь уьнах кхелхина – 6, Дагестанехь а, Нохчийчохь а, ГIебарта-Балкхаройчохь а шишша стаг велла, ГIалмакхойчохь а - цхьаъ. Пандеми йолаелчхьана схьа Къилбаседа Кавказехь коронавирусах велла лору официало 10 938 стаг. Массанхьачул дукха ду дараш Краснодар-махкахь, уггаре кIезиг Къилбаседа ХIирийчохь а, Адыгейхь а. Читать дальше...
Чохь даккха пхи дей-буьйсий хан тоьхна Магасан вахархочунна Мержоев Элезна, цо дов даьллачу хенахь йишлакхархочунна Гетагазова Iайнаъна тIара тоьхна аьлла. Дийцарехь, инцидент иккхина цхьахйолчу кафе чохь, яздо "Кавуказский узел" ресурсо. Мержоевс дIахьедарехь, дош дашера а даьлла, къовсаме ваьллачохь кьртах хIума тоьхнера цо Гетагазована, хаам бина Магасан кIоштан кхело. "Мержоевна бехк тIечIагIбина административан бакъо йохорца, пхий дей-буьйсий тоьхна цунна чохь даккха", - аьллачу кхелерчу хьостан дешнаш далийна "Интерфаксо". Читать дальше...
Бакъоларъярхойн Дагестанерчу гIелонах бевдда зударий дIалечкъинчу хIусамера лачкъийна йигина Тарамова, ша сецочу полицин белхахошна дуьхьалтийсаелла. Шелтеран координаторо шен аккаунтехь Iораяьккхинчу ницкъхоша тIелатар деш дIаязйинчу видео тIехь гуш ду и. Арахьа лаьттачаьрца шайна бевзачу нахаца санна къамелаш а деш, петар чохь болчу зударша неI схьайоьллуш гуш ду видео тIехь. Масех секунд яьлча бевзаш боцучу наха цхьахйолчу йоIах катуху, тийсало уьш вовшех, видео тIехь хезаш ду хьоькху маьхьарий а. Читать дальше...
Дагестанна, Нохчийчоьнна юкъара доза къастош тIеэца беза сацамаш шина а агIонна товш хир бу ала вуно хала ду – яц пачхьалкхехь ишта барамаш дIакхехьа кхоьллина политикан кепаш. Дагестанан Iедалхоша хаийтина шайн республикан а, Нохчийчоьнан а юкъара доза цхьаццайолчу меттигашкахь билгало йоцуш дисина хиларх лаьцна. Мангал-беттан 2-чохь Дагестанан лаьттанийн а, бахаман а юкъаметтигийн министран гIовса Джанаев Хьабиба шен пресс-конференцехь дIахьедира, Дагестанан тIех яккхий претензеш яц Ставропол-махкаца а... Читать дальше...
Джо Байденан администрацин аьллто ца баьлла, Туркойчоьнца барт бан, цо НАТО-но шен кхерамазаллина кхерам лору Оьрсийчоьнан герзан система эца бинчу сацамца доьзначу хаттарехула. Американ президентан къоман кхерамазаллехула волчу хьехамчо Салливан Джейка журналисташка дийцарехь, хIокху кIиранах НАТО-н штаб-хIусамехь хиллачу дагадовларшкахь, Байдена а, Туркойчоьнан президента Эрдогана а дийцаре дира 20I7-чу шарахь масийтта миллиард долларна Оьрсийчоьнца дина махбар. Стохка ГIуран-баттахь Трампан... Читать дальше...
Баккъалла а долуш санна компьютерца даьхна адамийн сурташ духкуш ду интернетехь эзарнашкахь. Американ Аз корреспонденто Митчел Динас теллина и проблема.
Ша шена дина истанг доцуш нохчийн йоI маре йоьдуш ца хиллийла хаьий шуна? И гIиллакх дицдина лаьттина. Амма хIинца дендеш ду. Бакъду, оьшур ду я дац таханлерчу нускалшна истангаш, хууш дац уьш дечу Гуьмсан кIоштан Ойсхарарчу исбаьхьаллин школехь, ткъа лаам болчунна дан-м Iамадо цигахь. Меттигерчу мехкарша а, зударша а меттахIоттийна и говзалла. Цара истангаш до доггах а, вуно хаза а.
Дагестанехь наркотикаш яржор сацорах жоьпалла Iедалан коьртехь болчарна тIехь ду. Йоьдучу пресс-конференцехь дина оцу кепара дIахьедар UFC-н чемпионо Нурмагомедов Хьабиба. "Ишта муха нисло хууш вац со, Оьрсийчуьра уггар а йорах наркотикаш Дагестанехь хуьлу. Цхьана наха хьекъалца беш болх бу и аьлла хета суна, уггар а йорахниш юкъа а йохуш: буц, молханаш, туьха", - дIахьедина Нурмагомедовс, цхьахволчо деллачу хаттарна жоп луш. Цунна хетарехь, Iедалхоша листа езаш проблема ю иза. Латархо тешна ву... Читать дальше...