Новости за 06.01.2022

Бостонерчу марафонехь 2013-чу шарахь теракт ярна вен таIзар кхайкхийначу Царнаев ЖовхIарна коронавирусан пандеми бахьана долуш делла федералан компенсаци цуьнгара схьадаккха сацам бина Бостонерчу кхело, Массачусетсан прокуроро хьалхататтарца. Цунна кхачийна $1400  терактехь лазийначарна дIахьажор ду. Лерина ларъечу Колорадо штатерчу набахтехь латтош волу Царнаев а нисвелла пандемино динчу зенашна дуьхьал программехула компенсаци яла вовшахтоьхначу цхьа миллион ахмиллион америкхойн тутмакхашлахь, хаамбо Daily Mail. Читать дальше...

2021-чу шеран Дечкен-баттера Лахьан-батте кхаччалц къаьсттина дукха кегий бераш деллачу Оьрсийчоьнан пхеа регионашлахь билгалъяьлла Дагестан, Ростовн а, Краснодаран а кIошташ а. Росстата далийна и зераш. Билгалъяьккхинчу хеначохь Дагестанехь 332 бер делла (Москва дIаяьккхича шолгIачу меттехь), Краснодаран кIоштахь 219 бер делла (пачхьалкхехь 4-гIа меттиг),  Ростовн кIоштахь 215 (тептарехь 5-гIа меттиг). ГIалгIайчохь а, ГIебарта-Балкхаройчохь а, Къилбаседа ХIирийчохь а бераш кхалхар лахделла къастийна. Читать дальше...

Карарчу 2022-чу шеран зерашца виъ эзар гергга стаг а, компанеш а арахьарачу санкцийн тептаршкахь ю, хаамбина "Интерфаксо". Билгалдоккху, ООН-н а, Американ Цхьаьнатоьхначу Штатийн а, Британин а, Евробертан пачхьалкхийн а, Австралин а, Японин а, Украинан а санкцийн тептарехь ду юкъарчу терахьера оьрсийн бахархойн а, компанийн а цхьа дакъа. Оцу юкъанна, санкцеш дуьхьалъяьхначу Оьрсийчоьнан компанешлахь хIора пхоьалгIа бохург санна цхьаъ арахоьцуш ю. Оьрсийчуьрчу 1 554 предприятех хьакхаделла тоьхна дозанаш. Читать дальше...

ТIаьххьарчу дийнахь-буса пандеми йолаелчхьана дуьненчохь COVID-19 вирусца ши миллион сов стаг хаавелла. Дуьненаюкъарчу могушалла Iалашъяран юкъаралло (ВОЗ) бина и хаам. ВорхI эзар дархо кхелхина цхьана дийнахь. Дечкен-беттан 4-чохь Iуьйранна Американ Цхьаьнатоьхначу Штаташкахь пандеми йолаелчхьана дуьххьара миллион сов коронавирус кхетта стаг къаьстина. Масех де хьалха 24 сахьтехь билгалбаьхначел а шозза сов бу тIаьххьарчу зерашца. Дуьненахь коронавирусан ун чIагIдалар дузу, дуьххьара Къилбан Африкехь гучуяьллачу... Читать дальше...

Казахстанехь йоьлхучу дуьхьалонан протестех лаьцна вистхилла Нохчийчоьнан куьйгалхо Кадыров Рамзан, цо кхайкхамбина урамашка бевллачу нахе машаре хила аьлла. Кадыровна хетарехь, цхьана питано арабаьхна бу протестхой. "Таханалера хьал - Казахстанера газан проблема хилла ца Iа, цхьаммо долийна питана ду, шайн цхьа хеттарш кхочушдархьама", - дIахьедина Кадыровс нохчийн праламентан спикерца Даудов Мохьмадца йоьдучу эфирехь къамел деш. Кхечу Оьрсийчоьнан субъектийн дацахь а, арахьарчу политикан хеттаршна... Читать дальше...