Нохчийчуьра Iедалхоша хIинцачул тIаьхьа комментариш йийр яц махкал арахьа бехачу республикан куьйгалхочун Кадыров Рамзанан критикашна. Цуьнах лаьцна дIахьедар дина хаамийн министро Дудаев Ахьмада. Юьхьанца нохчийн, цул тIаьхьа оьрсийн меттанашкахь къамел дина цо, ша ма-аллара "питанчаш" сийсазбеш. Цхьаннан а цIераш ца ехира хьаькамо.
Нохчийчоьнан куьйгалхочун оппоненташна Iаткъам бар чIагIлуш ду церан жигаралла мел кхуьу – Ичкерин зама дагалоьцуш хIиттон митингаш а, цхьацца деза денош билгадахар а, иштта социалан машанашкахь алсамдуьйлу а, шен чулацамца мел а кеп-кепара хуьлу къамелаш дар а. РогIера "оьгIазалла" меттахъяьккхира Соьлжа-ГIалин, Туркойчоьнан къилбаседа-малхбузерчу жимачу Керфез гIалахь кхин дIоггара тамехь а йоцу парк схьайиллича, Нохчийчоьнан Республикан Ичкерин хиллачу президентан Дудаев Джохаран цIарах. Москвана... Читать дальше...
Оьрсийн бакъоларъярхоша Думан депутатийн этикехула йолчу комиссин куьйгалхочуьнга Терешкова Валентине лерина кхайкхам хьажийна гуш-хезаш депутата Делимханов Адама ЯнгулбаевгIеран доьзална тийсинчу кхерамех дийцаре дар доьхуш. Юьйцург ю Делимхановс шен инстаграмехь йина эфир, цигахь цо, цавашарца бинчу кхайкхамехь билгал ма-даккхара, "хадийна, диг тоьхна йа кхечу агIор ЯнгулбаевгIеран коьртеш церан догIмаш тIерадаха" дош делира. "Радиоактиван гIирсех (масала, полоний-210), йа холинэстеразан ингибиторах ([…]"Новичок")... Читать дальше...
Соьлжа-ГIалара аэропорте шен пассажирна тIехь вахна ГIалгIайчуьрчу Назранан кIоштан Кантышеван эвлара таксин белхало Арсаев Адам тIепаза вайна. "Фортанган" хаамца, Арсаевца зIе хаьдда Чиллан-беттан 6-чу буса. Цуьнан гергарчарна хаьа Соьжа-ГIаларчу аэропортера зудчунна дуьхьал ваха цуьнга заказ кхаьчнийла. Селхана дийнахь Арсаевн машен карийра ГIалгIайчоьнан Сипцой-ГIалахь (Сунжа). Цу чохь дара кехаташ, йиъ мобилан телефон, кхоъ эзар доллар ахча а, зударийн хIуманаш чохь йолу тIоьрмаг а, хаамбо "Ингушетия" газетано. Читать дальше...