Новости за 06.02.2021

АКШнын Мамлекеттик катчысы Энтони Блинкен Кытайдын тышкы иштер министри Яң Цзечиге АКШ Шинжаң Уйгур автоном району, Тибет жана Гонконгдо адам укуктары жана демократиялык баалуулуктар үчүн күрөштү колдоого ала тургандыгын айтты. Бул тууралуу АКШнын Мамдепартаменти кабарлады. 5-февралда Блинкен Бээжиндеги кесиптешине телефон чалып, Кытай бийлиги Шинжаң аймагындагы уйгур жана башка этностук азчылыктарга, тибеттиктерге жана Гонконгдогу демократия үчүн күрөшүп жаткан калайыкка жасаган катаал мамилесин токтотушу зарыл деген талабын билдирди. Читать дальше...

«Эркин Европа/Азаттык үналгысы» (ЭЕ/АҮ) медиакорпорациясы 5-февралда  өзүнүн орус тилдүү кызматына каршы  Орусияда түзүлгөн администрациялык мыйзам бузуу протоколдору боюнча Москвадагы Тверь райондук сотуна арыз менен кайрылды. «Роскомнадзор» мекемесинин былтыр 30-октябрда күчүнө кирген буйругуна ылайык, Орусияда чет жактан каржыланган маалымат каражаттары веб-сайт же социалдык тармактарга жарыялаган ар бир макала, жаңылык же жарыясына  «чет элдик агент» деген эн белги коюуга милдеттендирилген. Читать дальше...

Ооган полициясынын билдиришинче, баш калаа Кабулдагы ишемби күнкү үч башка жардыруудан кеминде 3 киши өлдү, 4 киши жаракат алды. Жабыр тарткандардын арасында ооганстандык диний азчылык топторунун бири болгон индус жамаатынын өкүлдөрү да бар. Алгачкы жардыруу Кабулдун батышындагы Баг-и-Кази аймагындагы дүкөндүн ичинде 6-февралда эртең менен болгондугун борбор шаардагы полициянын өкүлү Фердоус Фарамарз билдирген болчу. Дүкөндүн чопо жана жыгач менен курулган дубалдары кулап түшкөн. Экинчи жардыруу... Читать дальше...

Кыргызстандын премьер-министри Улукбек Марипов "Almaty digital Forum -  2021" санариптик форумунун «Санариптик кайра жүктөө: жаңы реалдуулуктагы базар» деген аталыштагы жалпы отурумуна катышып, сөз сүйлөдү. Ал санариптик өнөр жайды Еразиялык экономикалык комиссия жана анын мүчөлөрү үчүн пайдаланууну сунуштады. Премьер-министр Марипов Алматы шаарында өткөн Евразия өкмөттөр аралык кеңешинин кезектеги жыйынына да катышты. Кеңешменин жүрүшүндө Евразия экономикалык биримдигине мүчө-өлкөлөрдүн кызматташтыгын... Читать дальше...

Дүйнөнүн чар тарабындагы коронавируска каршы күрөшкө байланыштуу кабарлар топтому. 2021-жылдын 6-февралы.

Эртең, 7-февралда (жекшембиде) Кыргызстандын көпчүлүк аймактарында күн жаайт. Тоолуу жолдорго муз тоңот. Батыштан соккон шамалдын ылдамдыгы 4-9 м/с. Абанын температурасы: Талас, Чүй облустарында түнкүсүн -3...+4, күндүз 7…12, Ош, Баткен, Жалал-Абад облустарында түнкүсүн 1…6, күндүз 11…16; Ысык-Көл дубанында түнкүсүн -1…-6, күндүз 3…8; Нарын облусунда түнкүсүн -7…-12, күндүз -4…+1; Бийик тоолуу райондордо түнкүсүн -24...-19, күндүз -1…-6 суук болот. Борбор калаа Бишкек шаарында мезгили менен жаан жаайт. Читать дальше...

Кыргызстандын Улуттук коопсуздук боюнча мамлекеттик комитетинин (УКМК) мурдагы жетекчиси, 10-январда өткөн президенттик шайлоого талапкер болгон, учурда тергөө абагында жаткан Абдил Сегизбаев 6-февралда бийликке кайрылуу жасады. Ал өзүнүн шайлоо штабында иштеген адамдарды атайын кызматтын суракка алганын "негизсиз" деп эсептейт. Сегизбаев өз кайрылуусун социалдык баракчалары аркылуу таратып, штабында иштегендер шайлоо мыйзамдарына ылайык аракеттенишкенин билдирген. "Мен бийликке кайрылам... Читать дальше...

Кыргыз Өкмөтүнүн Биринчи вице-премьер-министри Артем Новиков 5-февралда Талас шаарында Жерүй кенин иштетүү маселесин иликтөө боюнча элдик комиссиянын кеңешмесине катышты. Жыйынга 500дөн ашуун жергиликтүү тургундар катышып, кенди иштетүүдө экологиялык маселелерге көңүл бурууну талап кылышты. Артем Новиков экологиялык коопсуздук маселеси өкмөттө өзгөчө көзөмөлдө экенин маалымдап, келээрки жумада тиешелүү мекемелердин, жергиликтүү тургундардын, көз карандысыз адистердин жана экологдордун катышуусу... Читать дальше...

Чехиянын өкмөт башчысы Андрей Бабиш орусиялык “Sputnik V” вакцинасын сатып алуу үчүн Венгрия жасап жаткан кадамдарды иликтей башташканын маалымдады. Бул тууралуу ал 5-февралда Будапештке жасаган иш сапары маалында айтты. Венгрия бийлиги Евробиримдиктин жалпы уруксатын күтүп отурбастан, орусиялык “Sputnik V” вакцинасын колдонууга өз дарыгерерине уруксат кылган болчу. “Эң мыкты вакцина – бул жарандардын саламаттыгы үчүн коопсуз вакцина... Вакцина тууралуу сөз козголгондо, саясат эмес, жарандарыбыздын коопсуздугу жөнүндө сөз жүрөт”... Читать дальше...

Ооган полициясынын билдиришинче, баш калаа Кабулдагы жардыруудан кеминде алты жаран, анын ичинде ооганстандык индус жамаатынын үч мүчөсү жаракат алды. Жардыруу Кабулдун Баг-и-Кази аймагындагы дүкөндүн ичинде 6-февралда эртең менен болгон, деп полиция өкүлү Фердоус Фарамарз билдирди. Жардыруу үчүн жоопкерчиликти азырынча эч ким өзүнө ала элек. Буга чейин “Ислам мамлекети” террордук тобуна тиешеси бар делген жоочулар узак жылдар бою жарандык согуштан жана террорлук чабуулдардан азап чегип келген... Читать дальше...

Бирманын аскердик өкмөтү 6-февралда интернеттеги коомдук тармактарга карата бөгөттүн мөөнөтүн узартты. Бул чаралар “Твиттер” менен “Инстаграмга” бөгөттү да камтууда. Бул аракеттер өлкөдөгү калайык өкмөттүн мурдагы жарандык башчысы Аун Сан Су Чжи айымдын аскердик кутум аркылуу бийликтен кулатылышына карата элдик нааразылык кубаттуу экендигин кыйыр көрсөтүүдө. Бирманын (Мьянманын) ордо шаары Янгондо демонстранттар Су Чжинин Демократия үчүн улуттук лигасы (NLD) партиясынын түсү болгон кызыл желектерди желбиретип... Читать дальше...

Кыргызстандын президенти Садыр Жапаров "Фейсбуктагы" баракчасы аркылуу кыргызстандыктарга кайрылуу жолдоп, өкмөт курамына карата айтылып жаткан айрым сындарга көңүл бурбоого чакырды. Ал мындай сын пикирлердин артында жалган аккаунттар жана ою бузук адамдар турат деп белгилеген: "Социалдык түйүндөрдө фейк аккаунттар ар бир жасалып жаткан иштерди сындап, элдин пикирин тескери бурганга аракет жасап жатышат. Кээ бир ою бузук сайттар, журналисттер да бар. Мисалы, Каржы полициясы Ички иштер министрлигинин... Читать дальше...

Түркиянын саламаттык сактоо министрлиги Кыргызстанга коронавирусту аныктоочу 5000 даана ПЧР тестин гуманитардык жардам катары берди. Бул тууралуу Кыргызстандын саламаттык сактоо жана социалдык өнүктүрүү министри Алымкадыр Бейшеналиев Түркияда иш сапарында жүргөн учурунда маалым кылды. Сапар учурунда министр Түркиянын саламаттык сактоо министринин орун басары Халил Элдемир жана түрк улуттук жыйынынын төрагасынын орун басары Желал Адан менен жолугушту. Алымкадыр Бейшеналиев Түркия бийлигине былтыр... Читать дальше...

АКШнын президенти Жо Байден 5-февралда сыналгыга берген маегинде мурдагы президент Доналд Трампка жашыруун чалгын маалыматын алууга жол бербей тургандыгын белгилеп, Трамптын "туруксуз жүрүм-турумуна" жүйөө катары шилтеме берди. Байден Трамптын жашыруун маалыматты кандайча пайдаланышы мүмкүн экендигин божомолдоодон баш тартты, бирок тарыхта кызматтан кетип жаткан президенттерге ыйгарылып келген сыпайылык түрү болгон чалгындык кыска маалыматтарды Трамптын алышынын “кажети жок” деди. Байден “Си-Би-Эс” (CBS) сыналгы каналына курган маегинде... Читать дальше...

Кыргызстандын Баш прокурору Курманкул Зулушев азыркы учурда жүрүп жаткан конституциялык реформанын алкагында прокуратурага тергөө укугу бериле турган болсо, анда Дача-СУ каргашасы, Түштүк-Түндүк атаандаш автоунаа жолу, Ысык-Көлдөгү ат майдан, Датка-Кемин электр чубалгысы жана башка он чакты тергөөсү аяктабаган жазык иштери жыйынтыктала тургандыгын билдирди. Ал конституциялык реформанын жыйынтыгы менен прокуратура тергөөнү жүргүзүүгө укук алат деген ишеничин да кошумчалады. Баш прокурор бул тууралуу... Читать дальше...

Волейбол федерациясынын башкы катчысы Кылыч Сарбагишев кыздар арасында аталган спортко кызыгуу жыл сайын күчөп, учурда түрдүү жаш куракта өлкөдө 200гө чукул команда түптөлгөнүн маалымдады.

Кыргызстандын Коронавируска каршы күрөш боюнча республикалык штабынын 6-февралдагы маалыматына караганда, соңку бир сутка ичинде оорудан Бишкекте бир, Чүй облусунда эки киши каза болду. Вирус дагы 72 кишиге жукканы лабораториялык жактан аныкталды. Илдет жуктургандардын ичинде Бишкек шаары алдыда - 27 адам. Чүй облусунда - 16, Нарын облусунда - 2, Жалал-Абад облусунда -5, Ош облусунда - 4, Ысык-Көлдө - 3, Ош шаарында жана Баткен облусунда экиден, Талас облусунда бир кишиге коронавирус жукканы тастыкталды. Читать дальше...

Нооруз мелдешине карата чет жактан команда чакыруу чечими федерациянын 2021-жылга карата каралган календарлык планында кабыл алынган.

Коронавирус пандемиясына байланыштуу бир катар турнирлер жылдырылып, август айынан тарта стипендия алган спортчулардын саны азайганы белгиленди.

Бишкекте "BURANA FASHION WEEK 2021" деп аталган мода жумалыгы өтүп жатат. 4-февралда иш-чаранын ачылуу аземи өтүп, анда жаш модельер-дизайнерлер өз коллекцияларын тартуулады. Мода көргөзмөcү - “жаңылануу” деп аталат жана -анда ачык түстөгү, ошол эле учурда заманбап, кыргыздын оймо-чиймелери менен кооздолгон күнүмдүк жана көчөдө кийип жүрүүгө ылайыкташкан кийимдер көрсөтүлдү.

Жогорку сот президент Садыр Жапаровдун бир тууган эжеси Райкүл Жапарованы күнөөлүү деп тапкан сот чечимдерин жокко чыгарды.

Орусиядагы оппозициячыл саясатчы Алексей Навальныйга каршы 5-февралда башталган экинчи сот иши 12-февралда улантылат. Эми ал согуш ардагерине жалаа жапкан деген доого кабылды. Бул доону ал ойлоп табылган жарамсыз катары четке кагууда.

Кыргызстандын Жогорку сотунун төрайымы Гүлбара Калиева кызмат абалынан кыянаттык менен пайдаланган деп УКМК тарабынан шек саналууда. Жогорку соттун пикирине караганда, УКМК өзүнүн учкай маалыматында иштин өзөгүн бурмалап бергенин жана мындай маалымат коомчулукта сотторго карата туура эмес мамилени жарата турганын көрсөттү. Кыргызстандын Улуттук коопсуздук боюнча мамлекеттик комитети (УКМК) өлкөнүн Жогорку сотунун төрайымы Гүлбара Калиева кызмат абалынан кыянаттык менен пайдаланган деген доого... Читать дальше...