Новости за 08.02.2021

Германия, Швеция жана Польша бийликтери Москвага жооп чара катары бирден орус дипломатын өз өлкөлөрүнөн чыгарарын 8-февралда жарыялашты. Өткөн аптада Москва Кремлдин башкы сынчысы «Алексей Навальныйды колдогон демонстрацияларга катышкан» деген шылтоо менен Евробиримдиктин үч өлкөсүнүн дипломаттарын чыгарган. Германиянын Тышкы иштер министрлиги тараткан билдирүүдө «Бүгүн Тышкы иштер министрлиги Берлиндеги Орусия элчилигинин кызматкерин «персона нон-грата» катары жарыялады», - деп жазылат. Ошондой... Читать дальше...

8-февралда Орусиянын Санкт-Петербург шаарынан Түркиянын Стамбул шаарына учуп келген кыргызстандык Шахсанам Кабылжандын аба майдандын транзит бөлүмүндө толгоосу келген. Ага Стамбул аба майданынын дарыгерлер тобу ыкчам келип, келинди төрөтүшкөн. 26 жаштагы кыргызстандык келин көз жаргандан кийин, үй-бүлөсү менен шаардын мамлекеттик ооруканасына которулган. Учурда Шахсанам Кабылжан жана ымыркайы оорукананын кайра жандандыруу бөлүмүндө жатышат. Оорукананын дарыгерлери экөөнүн абалы туруктуу экенин билдиришкен. Читать дальше...

Бейшенбай Мураталиевдин өмүр жолу көпчүлүк партиялык кызматкерлерге окшош. Бирок анын тагдырында достору гана айтып калган өзгөчө барактар да болгон.

Кошмо Штаттар Бириккен Улуттар Уюмунун Адам укуктары боюнча кеңешине кайрадан кирет. «Кеңештин кемчиликтерин моюнга алуу менен бул мекеме дүйнөдөгү зулумдук жана адилетсиздик үчүн күрөшкөндөрдүн маанилүү форуму боло аларын билебиз»,-деди 8-февралда АКШнын элчиси Марк Кассайр 47 мамлекет мүчө Адам укуктары боюнча кеңеште сүйлөп жатып. Американын мурдагы президенти Дональд Трамптын администрациясы 2018-жылдын июнь айында Адам укуктары боюнча кеңештен баш тартарын жарыялаган. Вашингтон мындай чечимине... Читать дальше...

Президент Садыр Жапаров кол койгон жарлыкка ылайык, Искандер Гайпкулов президенттик аппараттын стратегиялык өнүктүрүү, экономика жана финансы саясаты бөлүмүнүн башчысы болуп дайындалды. Бул тууралуу президенттик аппарат кабарлады. Буга чейин бул кызматты Иманалиев Данияр Шаршенбекович ээлеп келген. Ал башка кызматка өткөндүгүнө байланыштуу ордунан бошотулду. Искандер Гайпкулов 2017-жылдан бери Жогорку Кеңеште “Ата Мекен” саясий партиясынын тизмеси боюнча депутат болуп келген. Ага чейин Эсеп палатасынын төрагалыгын аркалаган. Читать дальше...

Москвадагы «Мемориал» укук коргоо уюму абаккка камалган оппозициячыл саясатчы Алексей Навальныйды жана анын тарапташтын саясий туткун катары тааныды. Бул тууралуу уюм 8-февралда тараткан билдирүүсүндө билдирди. «Мемориалдын» тизмесине Навальныйдын бир тууганы Олег Навальный, «Коррупцияга каршы күрөшүү фондунун» юристи Любовь Соболь, «Дарыгерлер альянсы» коомдук уюмунун жетекчиси Анастасия Васильева, "Pussy Riot" тобунун мүчөсү Мария Алехина, Навальныйдын басма сөз катчысы Кира Ярмыш жана башкалар бар. Читать дальше...

2020-жылдын февраль айында Казакстандын Жамбыл облусунун Кордой районунда болгон этностор аралык жаңжалда 11 киши каза болуп, ондогон кишилер жаракат алышкан. Эркин Европа / Азаттык үналгысынын кабарчысы Пётр Троценко үрөй учурган окуядан бир жыл өткөндөн кийин Кордой ооданына кайтып келди. Сыртынан гүлдөп-өскөндөй көрүнгөнү менен иш жүзүндө Түндүк Кореянын чакан өрнөгүндөй таасир калтырган жергиликтүү айылдардын учурдагы абалы бул сүрөт менен тастыкталган баянда чагылдырылган. 2020-жылдын 8-февралына караган түнү Масанчи... Читать дальше...

Төрткүл суу сактагычына байланыштуу нааразылык бул ирет Бишкекте өттү.  Нарында уюшма кылмыштуу топтун мүчөлөрүнүн тирешинен ок атылып, бир адам мүрт кетти. Эки киши кылмышка шек саналып кармалды. Евробиримдик Алексей Навальныйдын камалышына байланыштуу Орусияга жаңы санкция салышы мүмкүн.

Кыргыз өкмөтү алгачкы иш аптасын жаңы түзүмү менен баштады. Анткен менен аткаруу бийлигинин оптимизациясы качан акырына чыгары, онго жакын мамлекеттик маанилүү мекемелер кайсы тармакка кошулаары азырынча белгисиз бойдон калууда. Жоопту эч ким азырынча так айта албайт.

«Жалгыздык», «Мелмил», «Нөлү көп жылдар», «Жүрөктөгү бороон» аттуу ырлардын автору, белгилүү акын, журналист, маркум Зайырбек Ажыматовдун өмүр-таржымалы тууралуу пьеса театрда даярдалууда.

Чоң Кемин өрөөнүндөгү Шабдан айылы бир жылдары “Новая Россия” деп аталып, анын калкынын 80% орустар түзгөн. Ушул тапта бул чакан айылда кыргыздар менен жуурулушуп калган он чакты орус үй-бүлө жашайт. Алардын көбү кыргызча эркин сүйлөп, дыйканчылык, мал чарбасы менен күн көрөт. Бойго жеткен уландары кенедей кезден ат үстүндө чоңоюп, айылдын курама тобунда улак тартышат.

Евробиримдик Орусияга каршы жаңы санкцияларды киргизиши мүмкүн.

Кытайдан товар ташыган кыргызстандык ишкерлердин 47 контейнерлик товары жүктөлгөн поезддер Үрүмчүдөн Казакстан аркылуу Бишкекке келди. 8-февралда поезддерди тосуп алуу иш-чарасына биринчи вице-премьер-министр Артем Новиков катышты. Анын айтымында, кыргыз тарап мындан ары айына жүздөй, кийин миңдей контейнер алып келүүнү уюштуруу тууралуу сүйлөшүүлөрдү жүргүзүп жатат: “Казакстандагы, Кытайдагы өнөктөштөрүбүздүн колдоосу менен ачып жаткан бул транзиттик маршрутубуз ишкерлерибиз кайрадан жумуш ордуна кайтуусуна өбөлгө түзөт деп үмүттөнөбүз". Читать дальше...

Улуттук онкологиялык жана гематологиялык борборго сырттан сатылып келген эки жабдуу орнотулбай турат. Алардын жалпы баасы 270 миллион сом. Жабдуулар нурдун жардамы менен залалдуу шишикти дарылайт. Буга чейин жабдууларды сатып алууга байланыштуу кылмыш иши ачылган болчу. Анын айынан бейтаптарды тейлөө баштала элек. Бул тууралуу "Азаттыкка" Улуттук онкологиялык жана гематологиялык борбордун директору Эрнист Тилеков маалымдады. "Жабдууларды орнотуучу атайын бункерлер, темир эшиктери менен даяр. Бүгүн эле аны орнотуучу фирма чалып... Читать дальше...

Өзбекстандын Сырдарья облусунда социалдык тармактарда «лайк» чогултуу максатында тартип коргоочуларынын формасын кийип бийлеген 26-жаштагы жигит жана аны тарткан өспүрүм кармалды. Бул тууралуу Zamon.uz. интернет басылмасы кабарлады. Автоунаа жуучу жайда иштеген Хасан Дустовду сот «Майда бейбаштык» жана «Тартип коргоочулардын формасын мыйзамсыз кийип жүрүү» беренелери боюнча күнөөлүү деп таап, сегиз суткага эркинен ажыратты. Ал эми видеону тарткан Диербек аттуу өспүрүмдүн ишин райондук администрацияга... Читать дальше...

Интернеттеги комментарийи үчүн кылмыш жообуна тартылган адвокатка карата өкүм чыкты. Бул тууралуу 8-февралда “Азаттык” радиосуна Жогорку cоттун басма сөз кызматы кабарлады. Мекеменин маалыматына караганда, Бишкектин Биринчи май райондук сотунун 2-февралдагы өкүмү менен ал айыптуу деп табылып, мамлекетке 300 миң сом төлөп берүүгө милдеттендирилди. Кылмыш иши Башкы прокуратурада 2018-жылдын май айында мурдагы Жазык кодексинин “Улуттук (этностор аралык), расалык, диний же регион аралык кастыкты... Читать дальше...

Ички иштер министрлиги Жалал-Абад облусунун Тогуз-Торо районундагы майыптыгы бар кыз таене-таятасынын зомбулугуна кабылганы тууралуу видеого байланыштуу 8-февралда маалымат таркатты. Майып кыздын таяк жеп жатканы тартылган видео социалдык тармактарга таркары менен Тогуз-Торо райондук милициясынын ыкчам тергөө тобу жабырлануучунун үйүнө барып, анын таене-таятасын суракка алды. Аларга түшүнүк кат жаздырып, окуя Кылмыштардын жана жоруктардын бирдиктүү реестрине катталып, тийиштүү экспертизалар дайындалып, текшерүү жүрүүдө. Читать дальше...

Алматыдагы Кытай консулдугунун алдына 8-февралда пикетке чыккан үч аял туугандарынын сүрөттөрүн кармап, "Кытайдагы геноцидди токтотууну" айтышып, Шинжаңдагы жакындарын бошотууну талап кылышты. "«Лагерлерди» жаап, ал жактагы мусулмандарды бошотушсун. Төрт жыл ичинде эмнени гана көргөн жокпуз. Күйөөмдүн бошотулушун талап кылам,"- деди пикетке чыккандардын бири Гүлнур Косдаулет кызы. Консулдуктун күзөтчүсү карантинден улам аларга эч ким чыкпастыгын айтты. Ал эми район администрациясынын өкүлү аялдардын пикети мыйзамсыз экенин билдирди. Читать дальше...

Президент Садыр Жапаров өзүнүн портретин мамлекеттик имараттарга, кызматтык иш бөлмөлөрүнө илбөөнү сунуштап жатат. Бул тууралуу 8-февралда президенттин басма сөз катчысы Галина Байтерек билдирди: "Президент Садыр Жапаров азыркы тапта өзүн атуулдардын жашоосун жакшыртуу үчүн эмгек кыла элекмин деп эсептейт. Ошондуктан президент бардык мамлекеттик органдарга портретин илбөөнү сунуштап жатат. Портрет илгиси келгендер Жусуп Абдрахманов, Исхак Раззаков сыяктуу өлкөнүн мамлекеттүүлүгүн түптөп, социалдык-экономикалык... Читать дальше...

Президент Садыр Жапаров бүгүн, 8-февралда, Жалал-Абад облусунун Базар-Коргон районунда Базар-Коргон шаарын түзүү тууралуу мыйзамга кол койду. Мыйзам 2021-жылдын 20-январында Кыргыз Республикасынын Жогорку Кеңеши тарабынан кабыл алынган. Бул мыйзам менен Кыргыз Республикасынын Жалал-Абад облусунун Базар-Коргон районундагы Базар-Коргон айыл аймагынын Жети-Кошкон, Беш-Бадам жана Базар-Коргон айылдарынын, Коргон айылынын Ак-Тайлак-Ата-1.2, Бабур-1.2, Эне-Сай жана Сай-Коргон калктуу конуштарынын... Читать дальше...

9-февралда түнкүсүн көпчүлүк аймактарда маал-маалы менен жаан, тоо этектеринде жана тоолуу райондордо кар жаайт. Күндүз Чүй, Талас, Жалал-Абад, Нарын облустарынын көпчүлүк аймактарында, Ош, Баткен, Ысык-Көл облустарынын кээ бир райондорунда жаан, кар, тоо этектеринде жана тоолуу райондорунда кар жаайт. Чүй, Талас, Ош, Жалал-Абад, Баткен облустарынын кээ бир жерлеринде жаан-чачын катуу жаайт. Жолдор тоңголок, тайгак болот. Батыш тараптан соккон шамалдын ылдамдыгы секундасына 4-9 метрге, айрым райондордо 15-20 метрге жетет. Читать дальше...

Евробиримдик Орусияга каршы жаңы санкцияларды киргизиши мүмкүн. Бул тууралуу Москвага барып келгенден кийин Евробиримдиктин тышкы саясат боюнча башкы комиссары Жозеп Боррель билдирди. Анын жазганына караганда, санкциялар Алексей Навальныйдын камалышына каршы киргизилиши ыктымал. Боррель Москвада орус тышкы иштер министри Сергей Лавров менен жолукканда Навальныйды токтоосуз бошотууга чакырганын кошумчалады. Ал, ошондой эле, маалымат жыйын агрессивдүү маанайда өткөнүн жазып, «Министри Лавров менен... Читать дальше...

Ош облусунда 25 жаштагы келиндин өлүмү иликтенип жатат. Милиция ал асынып өлгөн деп эсептейт, ал эми апасы андай болушунан күмөн саноодо. Бул тууралуу 8-февралда "Азаттык" радиосуна Ош облустук милициясы кабарлады. Мекеменин маалыматына караганда, окуя 7-февралда Гүлчө айылында болду. Келиндин асынган сөөгү короодогу сарайдан табылган. Маркумдун апасы кызынын өз жанын өзү кыйуусунан шектенип, милицияга арыз менен кайрылды. Милиция билдиргендей, айылдагы мектепте мугалим болуп иштеген келин бир... Читать дальше...

Өлкөнү өнүктүрүүнүн кризистен кийинки программасын даярдоо процессин тез арада жүргүзүү зарыл. Бул тууралуу 8-февралда өкмөт башчы Улукбек Марипов менен жолугушууда президент Садыр Жапаров билдирди. Мамлекет башчынын басма сөз кызматы кабарлагандай, ал программада орто мөөнөткө эсептелген негизги реформалар камтылышы зарыл экени айтылды. Жолугушууда Жапаров азыр Кыргызстандын экономикасы өтө оор абалда турганын, ишкерлерге эркиндик берип, жеке секторду жана инвесторлорду коргоо, колдоо керектигин... Читать дальше...