Новости за 03.09.2021

Кошмо Штаттар Косового Pfizer вакцинасынын 500 миллион дозасын жөнөтөт. Ак үй "Эркин Европа/Азаттык" радиосуна билдиргендей, вакциналар 3-октябрдан баштап жеткирилет. Өткөн айда АКШ Косового 35 миң доза жөнөткөн. 1,8 миллион калкы бар Косоводо коронавируска чалдыккандардын саны өсүп жатат. Соңку бир суткада бул өлкөдө коронавирустан 32 киши көз жумуп, инфекция кеминде 1600 адамдан табылды. Ал арада бир катар мамлекеттер коронавируска каршы вакцинанын үчүнчү дозасын саюуга уруксат берип жатат. Читать дальше...

"Киберпартизандар" тобу Беларустагы бир топ аткаминерлерге, анын ичинде Кыргызстандын мурдагы президенти Курманбек Бакиевге таандык деген кыймылсыз-мүлктүн тизмесин жарыялады. Мунун алдында хакерлер Бакиевдин беларус жарандыгын ашкерелешкен. Мурдагы президент бул маалыматтар боюнча үн ката элек. 2-сентябрда "Киберпартизандар" деген жашыруун ат менен белгилүү IT адистердин жана хакерлердин тобу Беларустун Кыймылсыз мүлктү каттоо боюнча бирдиктүү реестрин бузуп киргенин билдирип, Александр Лукашенконун... Читать дальше...

АКШда "Ида" бороонунан кийин башталган күтүүсүз суу ташкын 48 адамдын өмүрүн алды. Нью-Жерси штатында курмандыктар көп катталган. Бир катар штаттарда катуу шамалдан улам, бак-дарактар кулап, жүздөгөн үйлөр жабыркаган. 2-сентябрда 170 миңдей адам жарыксыз калды. Төртүнчү деңгээлдеги бороон алгач Луизиана штатын каптаган. Нью-Жерси менен Нью-Йоркто чукул кырдаал жарыяланды. Бийлик жол тазалаган бригадалар иштеп жаткан учурда жарандарды үйдөн чыкпай турууга чакырды. АКШ президенти Жо Байден бейшембиде элге кайрылып... Читать дальше...

Бишкекте коомдук транспорттогу жол кирени көтөрүү кайрадан күн тартибине чыкты. Жол акы автобус-троллейбуска 11 сом, кичи автобустарга 15 сом болушу мүмкүн. Парламенттик шайлоого катышууну көздөгөн партиялардын арызын кабыл алуу аяктады. Жалпысынан 75 партия жарышка аттануу ниетин билдирди. АКШда "Ида" бороону 41 адамдын өмүрүн кыйды. Торнадодон кийин башталган суу ташкындан бир нече штат жабыркады.

Кыргыз өкмөтү Пакистандын, Индиянын жарандарына туристтик виза берүүнү токтотту. Бул тууралуу Тышкы иштер министрлиги атайын билдирүү таратты. Акыркы айларда Кыргызстан башкалаасы Бишкекте пакистандык жарандар көбөйүп кетти деген коомдо талкуулар жүрүп жаткан эле. Тышкы иштер министрлиги 2-сентябрда тараткан маалыматка ылайык, "мындан ары коопсуздук, укук, тартип маселелерин эске алуу менен Пакистандын, Индиянын жана башка бир катар мамлекеттердин жарандарынын өлкөгө келүү тартиби иретке салынат". Читать дальше...

Ооганстанда өкмөттү "Талибандын" негиздөөчүлөрүнүн бири Абдул Гани Барадар жетектеши мүмкүн. Кыймылдын бардык жетекчилери Кабулга чогулуп, өкмөттү жарыялоого камынып жатышат. Ал тапта талибдер Кытай Ооганстандын негизги өнөктөшү болорун шардана кылды.

Сузак районунда милицияга алынып келген эркек киши каза болду. Окуяны Жалал-Абад ОИИБдин басма сөз кызматы тастыктады. Облустук милицияга 31-август күнү саат 23:10 чамасында Сузак РИИБдин Кызыл-Туу аймактык милиция бөлүмчөсүндө 45-50 жаштардагы эркек киши каза болгону тууралуу билдирүү келип түшкөн. Анын негизинде Сузак РИИБдин тергөө-ыкчам тобу, Сузак РИИБдин жетекчиси, Сузак районунун прокурорунун орун басары окуя болгон жерге барган. Маркумдун денесине соттук-медициналык эксперттин катышуусунда кароо жүргүзүлгөн. Читать дальше...

Кыргызстан Орусияда өткөн “Танк биатлону” мелдешинин 2-дивизионунун финалында биринчи орунду ээледи. Таймаш бүгүн Москва облусундагы “Алабино” полигонунда өттү. Кыргызстандык аскерлер төрт өлкө күч сынашкан мелдеште Т-72 танкы менен катышты. Экинчи орунду Тажикстан, үчүнчүнү Мьянма жана төртүнчү орунду Түштүк Осетия ээледи. “Танк биатлону” эл аралык мелдеши 2013-жылдан бери жыл сайын өткөрүлөт.  1-дивизиондун финалы 4-сентябрда өтөт. (RK)

Кыргызстанда парламенттик шайлоого катышуу ниетин билдирип, жазуу түрүндө билдирме тапшырган партиялардын саны 75ке жетти. Бул тууралуу Борбордук шайлоо комиссиясынын басма сөз кызматы "Азаттыкка" кабарлады. Партиялардан билдирме кабыл алуу убактысы 18:00дө токтоду. Документ тапшырган саясий партиялар 14-октябрга чейин курултай өткөрүп, талапкерлердин тизмесин түзүүсү керек. 18-октябрга чейин шайлоого катышуучу саясий партиялар да, бир мандаттуу аймактардан чыкчы талапкерлер да тиешелүү документтерин БШКга жиберип... Читать дальше...

Кой-Таш окуясында каза болгон офицер Үсөнбек Ниязбековдун апасы Өктөм Мамаева Kaktus Media басылмасына карата доосунан баш тартты. Бул тууралуу бүгүн 3-сентябрда “Медиа Полиси Институту” уюму билдирди. Маалыматка караганда, бүгүн Бишкектин Биринчи Май райондук соту Мамаеванын саясатчы Равшан Жээнбековго каршы ар-намысты коргоо жана моралдык зыян боюнча доо арызына байланыштуу чечимин жарыялады. Доо айрым интернет басылмаларга да коюлган. Бүгүн сот доо арызды жарым-жартылай канааттандырып, Жээнбековдун... Читать дальше...

Улуттук коопсуздук боюнча мамлекеттик комитеттин мурдагы төрагасы, учурда абакта отурган Абдил Сегизбаев УКМКнын алдындагы ооруканага которулду. Бул маалыматты аталган мекеменин басма сөз катчысы Назгүл Кыдыралиева "Азаттыкка" ырастады. Ал Сегизбаев эмнеси ооруп ооруканага түшкөнүн айткан жок. Башкы прокуратура атайын кызматтын мурдагы төрагасы Абдил Сегизбаевге карата жалпысынан алты иш тергелип жатканын билдирген. Алардын ичинде “Белизгейт” окуясы, кызматтык батирлерди, бюджеттик акчаны бөлүштүрүү... Читать дальше...

Президент Садыр Жапаровдун администрациясы "Адилет" укуктук клиникасынын мамлекеттик резиденцияда жашагандар тууралуу суроосуна белгиленген мөөнөттө жооп берилерин билдирди. Аталган уюмдун башчысы Чолпон Жакупова аларга бул жайда жашап жаткандар, ал жактагы бейрасмий иш-чаралар жана бюджеттен корогон акча тууралуу маалымат, түшүндүрмө сурап кайрылган. Анын алдында Бишкектеги "Ала-Арча" резиденциясында атайын кызматттын төрагасы Камчыбек Ташиев жашап жатканы, жакында эле уулунун үйлөнүү тоюн өткөргөнү тууралуу талаш-талкуу көбөйгөн. Читать дальше...

Казакстандын Кызылордо облусундагы "Аралтуз" ишканасынын жүздөгөн жумушчулары иш таштады. Алар айлык акынын көтөрүлүшүн талап кылып жатышат. Жумушчулдардын айтымында, азыр алардын маянасы 48 миң тенге же 110 доллардын тегерегин түзөт. Эми алар 100 миң тенгеге чейин көтөрүлүшүн каалашат. "Аралтуз" Казакстандагы туз өндүрүп, иштеткен ири компания. Расмий маалыматтарга караганда, ишкана жыл сайын 450 миң тонна туз өндүрөт. Анын 75% Орусия, Кыргызстан, Өзбекстан жана Украинага экспорттолот. Ишканада 1200 адам иштейт. Читать дальше...

Таласта өзү теңдүү эркек бала менен күрөшүп, аны өйдө тургузбай жеңип алган кичинекей кызга интернет колдонуучулары, анын ичинде дүйнө чемпиону Айсулуу Тыныбекова суктанып, спортчу катары жогорку баасын берген.

"Ош" эл аралык аэропортунан Стамбул - Ош - Стамбул багыты боюнча түз каттам ачылды. "Манас" эл аралык аэропортунун басма сөз кызматы билдиргендей, каттам эми жумасына үч жолу - дүйшөмбү, шаршемби жана жума күндөрү жүргүзүлүп турат. Жүргүнчүлөрдү ташууну Pegasus авиакомпаниясы аткарат. Алгачкы жүргүнчүлөр 1-октябрда учат. Учуу убактысы 5 саат 30 мүнөттү түзөт. Буга чейин Ош - Стамбул багыты боюнча аба каттамдары учактардын жетишсиздигинен улам токтоп калган. (КЕ)

Баткен облусунун кыргыз-өзбек мамлекеттик чек арасында жайгашкан райондорунун делегациялары бүгүн 3-сентябрда Өзбекстандын Фергана облусунда бул өлкөнүн Эгемендик майрамына карата уюштурулган иш-чараларга катышып келишти. Баткен облусунун башчысынын биринчи орун басары Маруфхан Тулаевдин айтымында, Кыргызстандын Эгемендик күнүнө карата кошуна өлкөнүн өкүлдөрү да Баткенге келип кетишкен: “Фергана облусу Баткен облусунун чек арага жакын кошуна райондорунун жетекчилерин, аксакалдарын, коомчулук өкүлдөрүн  чакырган. Читать дальше...

Бишкектин Биринчи май райондук соту 2-сентябрда "Туран" партиясынын лидери Жеңиш Молдокматовдун бөгөт чарасын карап, аны 6-октябрга чейин абакта калтырды. Бул тууралуу 3-сентябрда адвокат Кантемир Турдалиев "Азаттыкка" кабарлады. Жаза аткаруу кызматынын басма сөз катчысы Элеонора Сабатарованын "Азаттык" радиосуна билдиришинче, учурда Молдокматов Бишкектеги жеке менчик "Бикард" клиникасында дарыланууда. Ага жүрөгүнө операция жасалган. Молдокматовду Ички иштер министрлиги 6-майда кармаган. 2020-жылдагы... Читать дальше...

Ички иштер министрлиги жоон топ коомдук-саясий ишмерлердин, жарандык активисттердин телефон сүйлөшүүлөрүн тыңшагандыгы тууралуу маалымат коомчулукта кызуу талкууланып жатат. Айрым саясатчылар, жарандык активисттер муну бийликтин басымы десе, тиешелүү расмий органдар мыйзамдуу аракет деп жатышат. Тыңшоо чаралары эмне үчүн колдонулат жана ал адам укуктарына канчалык шек келтирет? "Азаттыктын" "арай көз чарай" талкуусу ушул жана башка суроолорго жооп издейт. Талкууга Жогорку Кеңештин депутаты Дастан Бекешев... Читать дальше...

Кыргызстандын аскерлери Подмосковьеде өткөн "Танк биатлонунда" чемпион болду. Курама команда финишке 2 саат 16 мүнөт 51 секундда келди.

Сентябрь айынан тартып Орусия Кыргызстанга экспорттук төлөмү (пошлина) менен күйүүчү жана майлоочу май ташып келе баштады. Анын баасы тоннасына 19,3 долларды түзөт. Буга байланыштуу өлкөдө бензиндин баасы 1,3-1,7 сомго көтөрүлүшү мүмкүн. Бул тууралуу Май ташуучулар бирикмеси билдирди. "Буга чейин индикативдик баланстагы мунай өнүмдөрүнүн көлөмүн көбөйтүү боюнча Кыргызстандын Энергетика жана өнөр жай министрлигине кайрылганбыз. Министрлик ушундай эле өтүнүч менен Орусиянын Энергетика министрлигине кайрылган. Читать дальше...

Окуя 2022-жылы өтчү дүйнө чемпионатына тандоо этабынын алкагындагы беттеште болгон. Калыс венесуэлалык футболчуну оюндан четтеткен.

Жогорку Кеңештин мурдагы төрагасы, Социалдык фонддун мурдагы башчысы Акматбек Келдибековго карата чыккан барык сот өкүмдөрү жокко чыгарылып, анын иши кайра каралып чыкмай болду. Бул тууралуу 3-сентябрда Жогорку Соттун басма сөз кызматы билдирди. “Кыргыз Республикасынын Жогорку Сотунун 2021-жылдын 18-августундагы токтому менен Акматбек Келдибековго карата Бишкектин Биринчи Май райондук сотунун 2015-жылдын 12-ноябрындагы, Бишкек шаардык сотунун 2016-жылдын 11-мартындагы өкүмдөрү жана Жогорку Соттун... Читать дальше...

Окуя Гольф оюнчулар ассоциациясынын жыл сайын өтүүчү чемпионатында болгон. Бул аталган спорт боюнча эркектер арасындагы маанилүү чемпионат болуп саналат.

Бишкекте жана Ошто үйлөр уруксатсыз курулган жер тилкелерин мыйзамдаштырууга жол ача турган мыйзам долбоору иштелип чыгып, коомдук талкууга коюлду. 2012-жылдын 3-августуна чейин курулган тамдарды камтыган мыйзам долбоорунун автору – Жогорку Кеңештин депутаты Нурбек Сыдыгалиев. Эгер ал мыйзам кабыл алынса Бишкектин жана Оштун жаңы конуштарындагы уруксатсыз салынган айрым үйлөр чектелген негизде мыйзамдаштырылат жана бул бир жолку гана акция болот. Газ түтүгү, жогорку чыңалуудагы электр зымдары... Читать дальше...

Бишкек шаардык кеңешинин төрагасы Кубанычбек Конгантиев шаардагы жүргүнчүлөрдү ташуу жана жол кире маселеси боюнча түшүндүрмө берди. Бул тууралуу маалымат шаардык кеңештин Facebook баракчасына жарыяланды. Анда жол кире маселесин шаардык кеңештин тийиштүү комиссиялары карап баштаганын, жакын арада бекитиле турганы айтылган. Конгантиев бул маселени мындан ары мэрия өз алдынча чече тургандай жолдор караларын белгилеген. "Бишкекте коомдук транспортко тариф 10 жылдан бери өзгөргөн эмес. Жол кире тууралуу... Читать дальше...