Новости за 01.06.2022

Бишкекте "Кыргызстан-Бириккен Араб Эмираттары" бизнес-форуму өттү. Форумга Бириккен Араб Эмираттарынын экономика министри Абдулла бин Таук Аль-Марри жана Соода-өнөр жай палаталарынын федерациясынын төрагасы Абдулла М. Аль-Мазруи баштаган араб компаниялары келди. Иш-чаранын алкагында кыргыз-эмират экономикалык кызматташтыгы жаатында бир нече меморандум жана келишимдерге кол коюлду. Араб Эмираттарынын делегациясынын курамына бизнес ассоциациялардын жетекчилери жана эл аралык деңгээлдеги Mazdar, Wizz Air Abu Dhabi... Читать дальше...

Кыргызстандын Тышкы иштер министрлигинин (ТИМ) расмий өкүлү Авазбек Атаханов Кыргыз-Түрк “Манас” университетиндеги “Фетхуллахчы террор уюму. Параллелдүү мамлекеттик түзүм” (ред: түрк бийлиги Фетхуллах Гүлендин кыймылын ушинтип атайт) деген аталыштагы семинарга байланыштуу кызматтык иликтөө жүргүзүлүп, анын жыйынтыгы боюнча кошумча маалымат берилерин айтты. Бул тууралуу мекеменин сайты кабарлады. Анда ТИМдин өкүлү окуу жай эки мамлекеттин достугун чыңдоого салым кошушу керек экенин белгилеп, саясий курал болбошу керектиги айтылган. Читать дальше...

"Азаттык" радиосунун казак кызматы кандуу Январь окуяларынын курмандыктарына арналган атайын долбоорун сунуш кылды. Журналисттер быйылкы жылдын 5-8-январь күндөрүндөгү тополоңдо окко учкан, же андан алган жараатынан көз жумган ондогон киши жөнүндө маалымат чогулткан. Бийлик каза тапкандардын расмий тизмесин чыгара элек. “Кандуу январь курмандыктары” деп аталган долбоорго 188 кишинин ысымы киргизилип, ар бири тууралуу баяндалып, кандай жагдайда набыт болгону айтылган. Авторлор долбоор канду окуялар... Читать дальше...

Бишкекте балдардын экинчи эл аралык "Наристе" фольклордук фестивалы башталды. Ага Орусиянын Алтай, Тыва Республикаларынан, Казакстандан, Монголиядан өнөрпоздор катышууда. Фестивалдын негизги максаты – Кыргызстандын салттуу элдик маданиятын сактоо жана жайылтуу.

Кыргызстанда 25 жыл иштеп, “Сапат” билим берүү мекемесин негиздеген Орхан Инандынын уурдалып кеткенине бир жыл болду. Инанды аны уурдаган үч адамдын экөө кыргыз улутундагы адамдар экенин айтып келет.

Министрлер кабинетинин төрагасы Акылбек Жапаров Токтогул районундагы “Камбар-Ата-1” гидроэлектростанциясынын курулушуна даярдык көрүү иштери менен таанышты. Бул тууралуу өкмөттүн сайты жазды. Маалыматыка ылайык, анда энергетика министри Доскул Бекмурзаев эки жыл аралыгында ири курулуш башталуучу жерге жаңы жол, көпүрө, имараттар сыяктуу инфратүзүмдү жакшыртуу иштери жасаларын билдирди. ГЭСтин гидроагрегатын 8 жылдан кийин ишке киргизүү пландаштырылып жатат. 30-майда президент Садыр Жапаров... Читать дальше...

Ютубдагы Temirov Live каналы январь айында милициянын иликтөөчү журналист Болот Темировду маңзатка байланыштуу кармоо операциясы тууралуу видеосун жарыялады. Анда Темиров анын чөнтөгүнөн табылган баңгизатты "күч кызматкерлери өздөрү салып койгонун" айтып, ал милициянын өздүгүн такталганын билдирди. Temirov Live каналы ал - милициянын атайын бөлүктөгү кызматкери Данияр Байгазиев болгон деп эсептешет.   Азырынча Ички иштер министрлиги Temirov Live каналы дооматына жооп бере элек. Буга чейин... Читать дальше...

31-майда Кыргыз-Түрк “Манас” университетинде “Фетхуллахчы террор уюму. Параллелдүү мамлекеттик түзүм” (түрк бийлиги Фетхуллах Гүлендин кыймылын ушинтип атайт-ред.) деген аталыштагы семинар өттү. Эки тараптуу келишим менен иш алып барган билим берүү мекемесинде мындай иш-чаранын өтүшү айрым кыргызстандыктарды нааразы кылды. Кыргыз-Түрк “Манас” университетинде өткөн семинарды Түркиянын Тышкы жана Ички иштер министрликтеринин колдоосу менен бул өлкөнүн Кыргызстандагы элчилиги уюштурган. Ага Түркиянын... Читать дальше...

1950-жылдан бери 1-июнь - балдарды коргоонун эл аралык күнү катары белгиленет. Бүгүн бул күндүн урматына Бишкек шаарында жана өлкө аймагында бир катар майрамдык иш-чаралар уюштурулду.

Окумуштуулар Австралиянын жээгинде аянты 200 чарчы километрге жеткен балырды табышты. Бул – дүйнөдөгү эң чоң өсүмдүк, буга чейинки рекордсменден 465 эсе ашат. Ачылыш жөнүндө The Guardian гезити жазды. Илимпоздор жээктеги ар кайсы жерден балырдын бир нече үлгүсүн алып, генетикалык кодун анализдеп чыкканда алар бир эле өсүмдүккө таандык болуп чыкты. Изилдөөчүлөр балырдын жашын 4,5 миң жыл деп эсептешет. Айрым жерлерде узундугу бир метрге жетет. Деңиз астында өскөн бул өсүмдүк суу жандыктарынын жеми жана анда дельфиндер... Читать дальше...

1-июнда Ош шаарында жолбун ит 17 адамды каап, алар ооруканага кайрылды. Бул тууралуу калаанын санитардык-эпидемологиялык көзөмөл борборунун кызматкери Дилорам Исламова "Азаттыкка" билдирди. Маалыматка ылайык, жабыркагандардын ону жаш балдар болгон. Аларга биринчи медициналык жардам көрсөтүлүп, эмдөөдөн өтүшкөн.  Шаардыктарды капкан жолбун ит жок кылынган. Жаныбарда кутурманын бар-жогу такталып жатат. Былтыр 19-сентябрда Ош шаарында 13 тургунду жолбун ит каап, алар ооруканага кайрылган болчу. Читать дальше...

Грузияда баш калаа Тбилисинин мэринин орун басары Илья Элошвилинин сөөгү өз үйүндө табылды. Ички иштер министрлиги 1-июнда билдиргендей, анын өлүмүнүн себептери тергеле баштады. Окуянын чоо-жайы белгисиз. Бул тууралуу “Азаттыктын” грузин кызматы жазды. 47 жаштагы Элошвили шаар жетекчиси, мурдагы энергетика министри Каха Каладзенин жакын өнөктөшү болчу. Маркум энергетика министринин орун басары, кийин 2012-2017-жылдары министр болуп эмгектенген. Артында аялы менен эки баласы калды.

“Дастан” ишканасынын мурдагы жетекчиси Алексей Ширшовдун үй камагындагы мөөнөтүн эки айга – 26-июлга чейин узартылды. Бул тууралуу Бишкектин Биринчи май райондук сотунун басма сөз кызматы "Азаттыкка” билдирди. "Дастан" трансулуттук корпорациясы" ачык акционердик коомунун мурдагы башчысы Алексей Ширшов кармалып, бөгөт чарасы 10-майда Бишкектин Биринчи май райондук сотунда каралган. Сот аны 26-майга чейин үй камагына чыгарган. Алексей Ширшов үй камагына Улуттук коопсуздук боюнча мамлекеттик комитеттин... Читать дальше...

Америкадагы Moppet Books (Мопет буукс) басма үйүнө таандык Фредрик Колтиң жана Мелисса Медина түзгөн "Эмне үйрөнө алам?" (What I can learn from?..) китептер топтому кыргызчаланды. Төрт китептен турган сериянын ар бири ийгиликтүү адамдардын өмүр таржымалын баяндайт. Түстүү сүрөттөр менен кооздолгон бул китептин автордук укугун алып, кыргызчалаган “Китепстан” басма үйүнүн жетекчиси Бакытбек Абдуллаев жана белгилүү педагог Асылбек Жоодонбеков менен балдар эмнени окушу керек, алардын табитин кантип табабыз деген талкуу уюштурдук. Читать дальше...

Германияда Тажикстандын беш жараны “Ислам мамлекети” экстремисттик уюмуна мүчө болгону үчүн абакка кесилди. Соттун өкүмү 31-майда Дюсселдорф шаарында чыкты. Ага ылайык, бешөө үч жылдан тогуз жарым жылга чейин эркинен ажыратылганын “Озоди” радиосу жазды. Соттолгондордун жана адвокаттарынын пикири жөнүндө маалымдалган жок. Тергөөчүлөр тажик жарандар 2017-жылы Стокгольмдо терактты, 2020-жылы Венада 4 кишини өлтүрүүнү уюштурган топ менен байланышта болгон деп эсептешет. Сотто алар “экстремисттик... Читать дальше...

Сириядагы согушта сол бутунан ажырап, Казакстанга экстрадиция болгон жана "террордук топтун мүчөсү" деген айып менен сегиз жылга кесилген Аскар Тлеубаевдин абалы оор. Бир жарым жылдан бери абакта бутуна операция күтүп жаткан бейтаптын жакындары анын экинчи буту да шал болуп калганын айтышууда. 37 жаштагы казакстандык Аскар Тлеубаев учурда Орол шаарындагы абакта отурат. Казак бийлиги 2019-жылы "Жусан" операциясынын алкагында аны жубайы жана жашы жете элек беш баласы менен Сириядан кайтарган. Ошол... Читать дальше...

Жогорку Кеңештин депутаты Алишер Козуев Оштогу кыргыз-өзбек чек арасындагы «Достук» өткөрмө бекетиндеги чек арачылар өзбек жарандарынан акча жыйнап жатат деп айыптады. Ал парламенттин 1-июндагы жыйынында  бийликти бул маселе ге көңүл бурууга чакырды. "Өзбекстан тарапта эч кандай кезек жок. Биздин чек арачылар жасалма тыгын жаратып, өзбек жарандарынан акча талап кылып, кыйнап жатышат. Бир күндө 10 миңден ашык адам кирип чыгат экен. Ошол жердеги жоон топ адамдар атайын уюшуп алып, 200 сом менен жете турган жерге 5000 сом деп кыйнашат экен»... Читать дальше...

Депутат Элвира Сурабалдиева Жогорку Кеңештин жыйынында Дүйнөлүк банктан берилген каражат үстөк пайызсыз шартта калкка толугу менен берилбегенин айтып чыкты.  Анын айтымында, 500 млн. сом 11 банк аркылуу жарандарга үстөгү жок насыя катары берилмей болгон. Бирок төрт банк "эл алган жок" деген жүйө менен бул акчанын 23 пайызын Каржы министрлигине кайтарып берген. “Эл насыя ала албай издеп жүрүшөт. Анан кантип эле үстөгү жок насыяны албай калышы керек? Кээ бир банктар жарымын үстөгү жок, бир бөлүгүн... Читать дальше...

Башкы прокуратура 1-июнда Июнь окуясы боюнча козголгон кылмыш ишине байланыштуу камактагы мурдагы президент Алмазбек Атамбаевге айып койду. Мурдагы президенттин жактоочусу Замир Жоошев “Азаттыкка” бул оор берене экенин, бирок кылмыштын мөөнөтү өтүп кеткенин билдирди. “Жактоочу Сергей Слесаров аркылуу айыптоо жөнүндө кабар угузулган экен. Айып Кылмыш-жаза кодексинин “кызмат абалынан кыянаттык менен пайдалануу” беренеси боюнча коюлган. Биз позициябызды кийин кенен билдиребиз”, - деди жактоочу. Читать дальше...

Мамлекеттик мүлктү башкаруу фонду Алмазбек Атамбаевдин Кой-Таштагы үйү карыларды дарылоо жайына айланарын билдирди. Сот мурдагы президенттин 20дан ашуун үй-мүлкүн, жер тилкесин жана башка байлыгын мамлекетке өткөрүүгө чечим чыгарган.

Башкы прокуратура "Июнь окуясы" боюнча козголгон кылмыш ишине байланыштуу камактагы мурдагы президент Алмазбек Атамбаевге айып койду. Бул тууралуу анын жактоочусу Замир Жоошев “Азаттыкка” маалымдады. “Жактоочу Сергей Слесаров аркылуу айыптоо жөнүндө кабар угузулган экен. Айып Кылмыш-жаза кодексинин “кызмат абалынан кыянаттык менен пайдалануу” беренеси боюнча коюлган. Биз позициябызды кийин кенен билдиребиз”, - деди жактоочу. Жоошев бул оор берене экенин, бирок кылмыштын мөөнөтү өтүп кеткенин кошумчалады. Читать дальше...

Жогорку Кеңештин Социалдык саясат боюнча комитети 30-майдагы отурумунда мугалимдерди мазактаган мектеп окуучусунун ата-энесине айып салууну кепилдеген мыйзам долбоорун карап, жактырды. Мугалим менен окуучунун мамилесиндеги жагымсыз окуялар кайталанбашы үчүн көрүлүп жаткан мындай чаралар өзүн актайбы?

Мурдагы президент Алмазбек Атамбаевдин аялы Раиса Атамбаева 30-майда Кой-Таш айылында белгисиз адамдар үйдүн сырткы эшиктин кулпусун бузуп киргенин айтып, милицияга арыз жазган. Бул тууралуу Аламүдүн райондук ички иштер бөлүмүнүн басма сөз кызматы кабарлады. Милиция үйдүн мамлекеттин мүлкү экени аныкталып, тийиштүү органдар ал жерде мыйзамдуу иш-чараларын өткөрүп жаткан деп билдирди. Ошондой эле кылмыштын курамы жок деген себеп менен иш козголгон эмес.  Буга чейин мурдагы президент Алмазбек... Читать дальше...

Кыргызстандагы Түркиянын элчиси Ахмет Садык Доган 31-майда Кыргыз-Түрк “Манас” университетинде “Фетхуллахчы террор уюму. Параллелдүү мамлекеттик түзүм” (ред: түрк бийлиги Фетхуллах Гүлендин кыймылын ушинтип атайт) деген аталышта өткөн семинарда сүйлөп жатып, Фетхуллах Гүлендин тарапташтарына катаал чаралар болорун айткан. Анын сөзүндө, Кыргызстандагы “Сапат” билим берүү мекемелеринин дипломдору Түркияда жараксыз деп табылат, лицейдин админстрациясына укуктук чара көрүлөт жана ФЕТОну колдогон айрым адамдарга (ред... Читать дальше...

Германиянын Uniper жана RWE энергетикалык компаниялары орус газы үчүн акыны Москва сунуш кылган схема менен төлөдү. Компаниялар бул ыкма Орусияга каршы киргизилген санкцияларды бузбай турганын жана Германиянын өкмөтү менен макулдашылганын айтышууда. Былтыр өлкөгө импорттогон газдын жарымынан көбү Орусияга туура келет. Батыштын санкцияларына кабылган Москва “дос эмес өлкөлөргө” сатылган газ үчүн төлөмдү конвертацияланган рубль менен жүргүзүү шартын койгон. Ал тизмеге Еврошаркеттин бардык мүчөлөрү кирет. Читать дальше...