Новости за 07.06.2022

8-августта Бишкекте футбол боюнча Азия кубогуна тандоо оюндары башталды. Алгачкы оюнда Кыргызстан менен Сингапур курамалары беттешет. Кыргызстандын футбол боюнча курама командасы 2019-жылы өз тарыхында биринчи жолу Азия кубогунда ойноп, 1/8 финалга чейин барган. Бул жолу ошол ийгилигин кайталай алабы? Курамда эмне өзгөрүүлөр болду? Атаандаштарынын даярдыгы кандай? Азия кубогуна жолдомо үчүн Кыргызстан F тайпасында Сингапур, Мьянма жана Тажикстан менен ойнойт. Улуттук курамага кошулган жаш оюнчулар... Читать дальше...

Ирандын шаарларында пенсионерлердин нааразылык акциясы экинчи күн катары менен уланды. Күбөлөрдүн айтымында, 7-июнда пенсиянын аздыгына нааразылык билдирген жарандар Машхад, Шуштер, Бендер-Аббас, Керманшах сыяктуу кеминде 16 шаарда нааразылык билдирип көчөгө чыгышты. Илам шаарында ондогон пенсионерлер жергиликтүү социалдык коргоо администрациясынын алдында бош дасторкон жайышып, эмгек министринин ишин сынга алышты. Исфаханда Ирандын президенти Ибрахим Раисиге сын айтышкан, "Раисиге өлүм!" деп... Читать дальше...

Өзгөчө кырдаалдар министрлигинин Беловодск айылындагы аскер бөлүгүндө кызмат өтөп жаткан 20 жаштагы жоокер Бекзат Эсенбековдун сабалышына  байланыштуу ишти Аскер прокуратурасы иликтеп жатат. Бул тууралуу ӨКМ министринин орун басары Урматбек Шамырканов 8-июнда билдирүү таратты. Мунун алдында сабалаган жоокердин жакындары социалдык тармактар аркылуу кайрылуу жолдоп, укук корго органдарынан, бийликтен жардам сураган. Кайрылууда келишимдик негизде кызмат өтөп жүргөн аскерлердин бири Б.Эсенбековдон акча талап кылып, ур-токмокко алганы айтылат. Читать дальше...

Кыргызстандын аймактарында май айында селдин, көчкүнүн, калың түшкөн кардын кесепети оор болду. Айрыкча, Жети-Өгүз, Ак-Суу, Сузак, Алай райондору баштаган бир топ аймактарда эл зыян тартып, мал, турак жай, айдоо талаалары жабыркады. Азыр кырдаал кандай?

Бишкектеги "Ала-Тоо" аквапаркында тогуз жаштагы баланын бассейнге чөгүп, каза табышы боюнча эки кылмыш иши козголду. Аквапарк убактылуу жабылды. Окуучунун өлүмү боюнча Октябрь райондук милициясы кылмыш ишин козгоду. "Милиция кызматкерлери "Ала-Тоо" аквапаркы, №95 мектеп-гимназиясынын администрациясы ата-энелер менен биргеликте окуучулар үчүн эс алуу уюштуруп, бассейндердин бирине 3-класстын окуучусу чөгүп кеткендиги тууралуу алдын ала маалымат алышкан. Аталган факт Бишкек шаарынын Октябрь... Читать дальше...

Казакстандын Борбордук шайлоо комиссиясы 5-июндагы референдумдун расмий жыйынтыгын жарыялап, Конституцияга киргизилген өзгөртүүлөр күчүнө киргенин билдирди. Комиссиянын төрагасы Нурлан Абдировдун айтымында, референдумдун жыйынтыгы милдеттүү күчкө ээ жана кошумча мыйзамдык актылар менен бекемдөөгө жатпайт. Референдумдун акыркы жыйынтыгы бир күн мурда жарыяланган алдын ала жыйынтыктардан дээрлик айырмаланбайт. Ага ылайык, жекшембидеги добуш берүүгө Казакстандагы жалпы шайлоочулардын 68,06 пайызы катышты. Читать дальше...

Германиянын тышкы иштер министри Анналена Бербок Ооганстандагы "Талибан" өкмөтү туура эмес багытта кетип баратканын, дүйнө талибдерге муну жеткириши керектигин билдирди. Ал мындай сөзүн 7-июнда Пакистандын баш калаасы Исламабадда айтты. "Андыктан экономикалык колдоо болушу үчүн адамдардын негизги укуктарына байланыштуу шарттар аткарылышы керек. Ооганстанда болуп жаткан окуяларга биздин таасирибиз абдан чектелүү. Кырдаал "Талибан" өз экономикалык кызыкчылыктары үчүн канчалык рационалдуу тандоо жасай аларынан көз каранды. Читать дальше...

“Жалалабатэлектр” ишканасынын мурдагы жетекчиси Кеңешбек Маматканов Жазык кодексинин (ред: 2017-жылдагы) “Коммерциялык же башка уюмда ыйгарым укуктарын кыянаттык менен пайдалануу” беренеси менен күнөөлүү деп табылып, 220 миң сом айыпка жыгылды. Мындай өкүмдү Жалал-Абад шаардык соту 26-майда чыгарганын облустук соттун басма сөз кызматы кабарлады. Ага карата тандалган үй камагына алуу боюнча бөгөт чарасы өзгөртүүсүз калтырылып, өкүм мыйзамдуу күчүнө киргенден кийин алынып салынсын деген чечим чыкты. Читать дальше...

Лейлек районунун Жаңы-Жер айылында мамлекеттик мүлктүн мыйзамсыз менчиктештирилгени боюнча иштин алкагында кармалган Бекжан Жалилов менен Саатбек Эгембердиевдин тарапташтары Баткен шаарында акцияга чыкты. Чогулган элүүдөй адам “Урматтуу сот, адилет чечиңиз!”, “Садыр Жапаров, Баткен элине колдоо көрсөтүңүз!”, “Бекжан менен Саатбекке боштондук”, “Адилеттик орносун!” деп кыйкырып турушат. Ушул тапта Жалилов менен Эгембердиевдин бөгөт чарасы Баткен облустук сотунда каралып жатат. 19-майда Бекжан Жалилов менен Саатбек Эгембердиев... Читать дальше...

Кезинде Казакстандын экс-президенти Нурсултан Назарбаевдин күйөө баласы делген Кайрат Шарипбаев жетектеп турган QazaqGaz компаниясында триллион теңгеге жакын каржылык мыйзам бузуу аныкталды. Бул тууралуу компаниянын азыркы жетекчиси Санжар Жаркешов билдирди. "937 миллиард теңгеден (2,2 миллиард) ашык суммага барабар ортомчулук схемалар жана каржылык мыйзам бузуулар болгон. Анын 123 миллиард теңгеси далилденди", – деди Жаркешов парламенттин дүйшөмбүдөгү жыйынында. Ал компаниянын ишмердүүлүгү боюнча толук аудит жүргүзүлгөнүн... Читать дальше...

Бул тууралуу Эмгек, социалдык камсыздоо жана миграция министри Кудайберген Базарбаев 7-июнда Бишкекте өткөн "Миграция жана өнүктүрүү: перспективалар жана жаңы мүмкүнчүлүктөр" форумунда билдирди.  Улуттук статистика комитетинин маалыматы боюнча, 2014-жылдан баштап тышкы жана ички миграцияга катышкан аялдардын саны эркектерден кыйла көбөйө баштаган. 2018-жылы ортодогу айырма дээрлик эки эсеге өскөн.  "2030-жылга карата эмгек рыногуна жылына 350 миңдей адам чыга турган болот", - деген министр жарандарды... Читать дальше...

Кайрат Иманалиев Улуттук телерадиоберүү корпорациясынын башкы директору болуп дайындалды. Тиешелүү жарлыкка президент Садыр Жапаров кол койгонун 7-июнда президенттик администрациянын басма сөз кызматы билдирди. Кайрат Иманалиев 2021-жылы октябрь айында Коомдук телерадио корпорациясынын (КТРК) башкы директорунун милдетин аткаруучу болуп дайындалган. Ал тапта каналдын жетекчиси КТРКнын Байкоочу кеңешинин мүчөлөрүнүн добушу менен шайланчу. Быйыл май айында Садыр Жапаров “Улуттук телерадиоберүү корпорациясы жөнүндө” мыйзамга кол коюп... Читать дальше...

Улуттук коопсуздук боюнча мамлекеттик комитет (УКМК) Ош облусунун Кара-Суу шарында аткезчилик үчүн Кыргызстан менен Өзбекстанды байланыштырган жер астындагы жашыруун тоннель табылганын билдирди. Атайын кызматтын маалыматына ылайык, ал Кара-Суудагы үйдүн бетон тротуарына салынган. Тоннелдин тереңдиги 17,5 метр бийиктикте, кире бериш жери 1,80 метр, туурасы 70-80 см, Кыргызстан менен Өзбекстандын ортосундагы аралык 155 метрге жакын.   Ушул тапта тоннелди пайдалануу менен мыйзамсыз иштерге катышкан... Читать дальше...

Президент Садыр Жапаров Бразилияда өткөн XXIV жайкы Сурдлимпиада оюндарында байгелүү орундарга киргендерге жана алардын машыктыруучуларына 7-июнда мамлекеттик сыйлыктарды тапшырды. Сыйлык тапшыруу учурунда Садыр Жапаров бул эл аралык мелдеште өлкөнүн желегин биринчи жолу желбиреткени үчүн ыраазылык билдирди. Ошондой эле спортчулар үчүн бир жолку берилүүчү акчалай сыйлыктар менен бирдиктүү стипендиялык бюджетке Паралимпиада жана Сурдлимпиада түрлөрүн да киргизүүнү тапшырды. 1–15-май күндөрү Сурдлимпиада... Читать дальше...

Министрлер кабинетинин төрагасы Акылбек Жапаров 7-июнда журналисттердин суроолоруна жооп берип жатып, 8-июнда “Камбар-Ата-1” ГЭСинин курулушу башталарын айтты. Ал ГЭС түшө турган жерге көпүрө куруп, туннелди аягына чейин казуу керектигин билдирип, “бул иштерди өкмөт өз күчү менен жасайт” деди. “Бюджетте 18,8 млн. доллар бар. Курулуштун биринчи этабын бүтүрүш үчүн бизге 3,5 жылдан 5 жылга чейин убакыт керек. 640 МВт гидроэлектрстанцияны беш жылда бүтүрөбүз деген план бар”. 30-майда президент Садыр... Читать дальше...

Мурдагы президент Алмазбек Атамбаевге күч колдонулагын тууралуу маселе бүгүн 7-июнда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттик регламент комитетинде Кыйноолорду алдын алуу боюнча улуттук борбордун ишмердүүлүгү талкууланган отурумда көтөрүлдү. Депутат Гуля Кожокулова “Атамбаев кыйноого кабылганын айткан. Жыйынтыгы кандай болду?” деген суроосуна улуттук борбордун жетекчиси Бакыт Рысбеков Башкы прокуратурага кат жөнөтүлгөнүн, жообун күтүп жатышканын... Читать дальше...

Кыргызстанда Финансы министрлигине караштуу Ички аудит кызматы түзүлдү. Тиешелүү токтомду Министрлер кабинетинин төрагасы Акылбек Жапаров 20-майда чыгарган. Жаңы кызмат мамлекеттик каражатты натыйжалуу пайдалануу үчүн финансылык контролду күчөтүү жана мамлекеттик активдердин сакталышын камсыздоо менен алектенет. Акылбек Жапаров 7-июнда журналисттердин суроолоруна жооп берип жатып Ички аудит кызматына бюджеттен кошумча каражат коротулбай турганын билдирди. “Мындан ары күнүнө 200, 300 млн. же 1 млрд. Читать дальше...

Орусияда курьер болуп иштеп жүрүп көп жылга камакка алынып калган кыргызстандык жаштар маселеси бүгүн 7-июнда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттик регламент комитетинде акыйкатчынын жылдык баяндамасы угулуп жатканда көтөрүлдү. Акыйкатчы Атыр Абдрахматова Орусияда 18-25 жаштагы кыргызстандык улан-кыздар “аябай көп камалып жатышканын” билдирди: “Көпчүлүгү баңгизат менен камалууда. Курьерлик кызмат деп онлайн окутушат экен да, жеткирип... Читать дальше...

Өзбекстанда Конституцияга түзөтүү киргизүү жараяны башталды. Бийлик өкүлдөрү Баш мыйзамды өзгөртүү демилгесин заман талабы катары сыпатташууда. Бирок өзбек оппозициясы президент Шавкат Мирзиёев кызматтагы мөөнөтүн узартууну көздөп жатканын эскертүүдө. Өзбекстанда "конституциялык реформа" башталганын май айынын ортосунда парламенттеги эки партия жарыялады. Өзбекстандын либерал-демократиялык партиясынын жана Улуттук кайра жаралуу партиясынын депутаттары биргелешкен жыйын өткөрүп, Баш мыйзамга өзгөртүү... Читать дальше...

Кыргызгидромет борбору кабарлагандай, 8-июнда күндүз Нарын облусунун кээ бир райондорунда, Чүй, Талас, Ош, Жалал-Абад, Баткен облустарынын тоолуу райондорунда өткүн өтүп, күн күркүрөйт. Түштүк-чыгыштан соккон шамалдын ылдамдыгы секундасына 5-10 метрге жетет. Абанын температурасы: Чүй өрөөнүндө түнкүсүн 14…19, күндүз 29…34, Талас жергесинде түнкүсүн 12…17, күндүз 27…32, Баткен, Ош, Жалал-Абад аймактарында түнкүсүн 15…20, күндүз 31…36, Ысык-Көл дубанында түнкүсүн 8…13, күндүз 21…26, Нарын облусунда түнкүсүн 6…11... Читать дальше...

Бүгүн 7-июнда 69 жаш курагында Чек ара кызматынын мурдагы төрагасы Замир Молдошев дүйнөдөн кайтты. Бул тууралуу Чек ара кызматынын басма сөз кызматы билдирди. 1953-жылы Сузак районунда төрөлгөн Молдошев аскердик карьерасын 1971-жылы Самарканддагы Жогорку аскердик танк окуу жайында баштаган, 2000-жылы Орусиянын Аскердик академиясын аяктаган. Тажик-ооган мамлекеттик чек арасында кызмат өтөгөн тынчтык орнотуучу батальонду түзүүчүлөрдүн бири болгон. Молдошев взводдун командиринен тартып Чек ара... Читать дальше...

Ысык-Көлдөгү Сырт өрөөнүндөгү калың жааган кар малчыларды түйшүккө салды. Ондогон мал-жандык өлүп, жайлоодогу Кайыңды кыштоосуна жол толук ачыла элек.

Бишкектеги “Ала-Тоо” аквапаркында сууга чөгүп каза болгон баланын окуясы боюнча Кылмыш-жаза кодексинин “Этиятсыздыктан өлүмгө алып келүү” жана “Керектөөчүлөр үчүн коркунуч түзүү” беренелери боюнча кылмыш иши козголду. Бул тууралуу Октябрь райондук ички иштер башкармалыгынын басма сөз кызматы билдирип, соттук-медициналык экспертиза дайындалганын кабарлады. 6-июнь күнү саат 11:00дө Бишкек шаарынын Ички иштер башкы башкармалыгына “Ала-Тоо” аквапаркынын бассейнине бала чөгүп кеткендиги тууралуу маалымат түшкөн. Читать дальше...

Келечекте Ошто феминисттик уюм ачам деп кыялданган Инобатхон Султанова 22 жашта. Аны аймактардагы аялдардын абалы, эрте турмушка чыккан секелектердин тагдыры, алар дуушар болгон чектөөлөр ойлондурат. Учурда ал Ош шаарында аялдардын укугу үчүн күрөшүп жүргөн жаш активист.

Кыргызстанда 2021-жылы өлкөнүн акыйкатчысынан жардам сураган  кайрылуулардын саны 13 миңден ашуун болду. Бул тууралуу 7-июнда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттик регламент комитетинде жылдык баяндама жасап жатып акыйкатчы Атыр Абдрахматова билдирди. Анын айтымында, 2020-жылы 9,5 миң, 2019-жылы 11 миңден ашуун арыз-даттануу түшкөн. Көбү милиция, прокуратура, сот органдарынын ишине байланыштуу экени белгиленди. Адамдар сотко мониторинг жүргүзүп берүүнү... Читать дальше...