Кыргызcтандын жеңиши, күйөрмандардын кубанычы
Бишкекте өтүп жаткан футбол боюнча Азия кубогуна тандоо оюндарында Кыргызстан 8-июнда Сингапур курама командасы менен беттешип, 2:1 эсебинде жеңди. Оюн Дөлөн Өмүрзаков атындагы борбордук стадиондө өттү.
Бишкекте өтүп жаткан футбол боюнча Азия кубогуна тандоо оюндарында Кыргызстан 8-июнда Сингапур курама командасы менен беттешип, 2:1 эсебинде жеңди. Оюн Дөлөн Өмүрзаков атындагы борбордук стадиондө өттү.
Бишкекте өтүп жаткан футбол боюнча Азия кубогуна тандоо оюндарында Кыргызстан 8-июнда Сингапур курама командасы менен беттешип, 2:1 эсебинде жеңди. Оюндун 1-таймы 0:0 эсебинде тең чыгуу менен аяктаган. 55-мүнөттө Сингапур оюнчусу Ю Янг Сонг эсепти ачты. 77-мүнөттө сингапурлук Ю Янг Сонг Виктор Майерге карата эреже бузуп, калыс пенальти дайындады. Капитан Валерий Кичин топту дарбазага таамай тээп, эсепти теңеди. 80-мүнөттө Кыргызстандын жарым коргоочусу Виктор Майер Сингапурга 2-голду киргизди. Читать дальше...
Иранда адам өлтүрүүгө жана маңзатка байланыштуу эркинен ажыратылган 12 киши жапырт өлүм жазасына тартылды. Бул тууралуу Ирандагы адам укуктарынын абалына байкоо салган уюм (IHRNGO) чогулткан далилдерине таянып билдирди. 7-июнда таратылган маалыматка ылайык, өлкө чыгышындагы Захедан шаарында 11 аял жана бир эркек жапырт дарга асылган. Окуя 6-июнда болгон. «Алардын баарын дарга асууга даярдоо үчүн 4-июнда өз-өзүнчө камераларга которушкан»-деп жазылат "Ирандагы адам укуктары" уюмунун билдирүүсүндө. Читать дальше...
2010-жылдагы Июнь коогасына быйыл 12 жыл болот. Жүздөгөн адам өмүрүн алган бул каргашаны эскерүүнүн алдында Кыргызстанда улут аралык мамилени жөнгө салуу, көп улуттуу өлкөнү өнүктүрүү маселелери талкууда.
Жалпы билим берүү мекемелеринде диндердин тарыхы тууралуу сабакты киргизүү боюнча жарлыкка президент Садыр Жапаровдун кол койгону мамлекет башчынын расмий сайтында 8-июнда жарыяланды. Жарлыкка ылайык, жаңы окуу жылынан баштап өлкөдөгү бардык жалпы билим берүү уюмдарынын 9-класстарынын окуучулары үчүн “Диндердин өнүгүү тарыхы” сабагы базистик окуу планына киргизилет. Бул предметтен сабак берген мугалимдер диний секталарга жана агымдарга тиешеси жок болуусу шарт. Ошондой эле жогорку теологиялык билими жана педагогика... Читать дальше...
«Эркин Европа/Азаттык» радиосунун штаттан тышкаркы кабарчысы Андрей Кузнечикти беларус соту экстремисттик уюм негиздеген деп айыптап, алты жылга эркинен ажыратканын анын үй-бүлөсү билдирди. Журналисттин жакындарынын айтымында, 8-июндагы жабык жараянда Могилев облустук соту бир нече сааттын ичинде ишти карап, өкүм чыгарууга жетишкен. "Андрей жабык сот жараянында бир нече сааттын ичинде күлкүлүү айыптар менен соттолду. Ага каршы айыптоолор камалгандан кийин жарым жылдан соң пайда болгон. Биз Андрейдин... Читать дальше...
Бул тууралуу 8-июнда Түркиянын Коргоо министрлиги Твиттерге жазды. Анда министр Хулуси Акар "Эфес 2022" аскердик машыгуулардын алкагында Кыргызстандын коргоо министри Бактыбек Бекболотов менен Измир шаарында жолукканы кабарланды. Жолугушууда эки тараптуу жана аймактык коргонуу,коопсуздук маселелери, өзгөчө аскердик машыгуу жана коргонуу өнөр жайы боюнча пикир алмашуу болгону айтылат. Түркиянын эң чоң "Эфес-2022" аскердик машыгуу иш-чарасына быйыл 37 өлкөнүн аскерлери катышууда. Измир шаарында... Читать дальше...
Конституциялык сот Кылмыш-жаза процессуалдык кодекстин “Тергөөнүн маалыматтарын ачыкка чыгарууга жол берилбестик” беренесинин эки жобосу Баш мыйзамга жарым-жартылай карама-каршы келет деген чечим чыгарды. Бул тууралуу мекеменин басма сөз кызматы 8-июнда билдирди. Конституциялык сот ачыкка чыгарыла турган маалымат тергөөнүн талаптарына каршы келбесе жана ишке тиешеси бар тараптардын укуктарын бузбаса, ал ачык жарыяланууга тыюу салынган маалыматтардын тизмесине кирбей турганын кабарлады. Ошол эле... Читать дальше...
Пакистандын түштүк-батышындагы тоолуу аймактардын биринде бараткан автобус жардан кулап, кеминде 22 кишинин өмүрү кыйылды. Алардын көбү аялдар жана балдар. Маалыматтарга караганда, айдоочу Белужистан провинциясындагы Ахтарзай районундагы чукул бурулуштардын биринен рулду башкара албай калган болушу мүмкүн. Жергиликтүү оорукананын башчысы «Эркин Европа/Азаттык» радиосуна билдиргендей, ооруканага 12 аял жана беш баланын сөөгү түштү. Пакистандын президенти Ариф Алфи жана башка бийлик өкүлдөрү кайтыш болгондордун жакындарына көңүл айтышты. Читать дальше...
Башкы прокуратура камакка алынып, кызматынан четтетилген саламаттык сактоо министри Алымкадыр Бейшеналиевге жети кылмыш иши ачылып, бирөө боюнча айыбы угузулганын жарыялады. Ага “коррупция”, “опузалап пара алуу”, “кызмат абалынан кыянат пайдалануу" жана “мамлекет кызыкчылыгына каршы келишим түзүү” беренелери менен иш козголгону айтылды. Бул боюнча толук маалымат берилбегени үчүн муну "өч алууну көздөгөндөрдүн буюртмасы" дегендер да бар. "Вакцина иши": ашыкча сатып алуунун амалы Кызматынан... Читать дальше...
Жогорку Кеңештин депутаты Чолпон Султанбекова 8-июнда парламентте акыйкатчынын отчету каралып жаткан учурда өспүрүмдөрдү эрте турмушка берүү маселесин көтөрдү. Ал жакында эле Алматы шаарында жыйынга катышканын, ал жакта Бириккен Улуттар Уюмунун Аялдардын укугу боюнча өкүлү Кыргызстанда акыркы кездери эрте турмушка чыгуу жана өспүрүм кыздарды ала качуу көбөйгөнүн айтканын белгиледи. “Педофилдерге карата өлүм жазасын киргизүүгө убакыт келип жетти деп ойлойм. Мындан ары башка рычактар жок калды. Андыктан ушундай ыкмаларды колдонуу керек. Читать дальше...
Президенттин Жогорку Кеңештеги мурдагы өкүлү Курманбек Дыйканбаевдин аракетинде кылмыштын курамы жок деген негиз менен күнөөсүз деп табылып, акталды. Тиешелүү өкүмдү Бишкектин Биринчи май райондук соту быйыл 24-майда чыгарганын райондук соттун басма сөз кызматы кабарлады. Улуттук коопсуздук боюнча мамлекеттик комитет (УКМК) Курманбек Дыйканбаевди 2020-жылы ноябрь айында кармаган. Атайын кызмат ал ошол эле жылы октябрь айындагы парламенттик шайлоодо кайсы бир партиянын кызыкчылыгы үчүн мамлекеттик... Читать дальше...
Башкы прокуратура Араван районундагы Кайрагач-Арык айылына бала бакча курууда бюджетке 3 млн. 200 миң сомдон ашык зыян келтирилгени аныкталганын билдирди. Бул Ош облустук прокуратурасы социалдык обьектилерди курууга бөлүгөн каражаттардын сарпталышын текшерүү учурунда белгилүү болгон. Маалыматта Ош облустук капиталдык курулуш башкармалыгы 60 орундуу бала бакчаны куруу үчүн "А." жоопкерчилиги чектелген коом менен келишим түзүп, 22 млн. сомго жакын каражатты толугу менен берген. Курулуш аяктагандан кийин кабыл алуу актысы түзүлүп... Читать дальше...
8-июнда Бишкекте футбол боюнча Азия кубогуна тандоо оюндары башталды. Азия кубогуна жолдомо үчүн Кыргызстан F тайпасында Сингапур, Мьянма жана Тажикстан менен ойнойт. Азия кубогу 2023-жылы Кытайда өтөт. 2019-жылдан баштап турнирге 24 команда катыша баштады. Ага чейин 16 команда катышып келген.
Президент Садыр Жапаров Кытай-Кыргызстан-Өзбекстан темир жолунун курулушу 2023-жылы башталышы мүмкүн экенин билдирди. Бул тууралуу ал 8-июнда Жалал-Абад облусунда Токтогул районунун тургундары менен жолугушууда айтты. “Азыр техникалык-экономикалык негиздемеси иштелип чыгууда. Быйыл күзгө чейин бүтүп калса, эмдиги жылы бул жол да башталат. Эгерде үч мамлекет катышып, тынымсыз иштесе, бул жол үч-төрт жылда бүтөт. Бул да ушул “Камбар-Ата-1”, “Кумтөр” экөө бере турган кирешеден кем эмес киреше табат, 200 млн. Читать дальше...
Германиянын баш калаасында автоунаа топтошкон адамдарды сүздү. RBB радиостанциясы кабарлагандай, кырсыкта бир киши мерт кетип, он чакты адам жараат алды. Окуя 8-июнда калаанын батышындагы Шарлоттенбург районундагы Ранкештрассе көчөсүндө болду. Полициянын маалыматына караганда, машиненин айдоочусу кармалып, окуянын себептери териштирилип жатат. Ал адамдарды атайылап сүзгөнбү же кокустан болгон кырсыкпы, азырынча белгисиз. Жеринде азыр 60тай куткаруучу иштеп атат. Ушул эле көчөдө 2016-жылы да теракт болгон. Читать дальше...
Ушул тапта Орусиянын абактарында соттолгон же убактылуу тергөө камак жайларында отурган миңден ашык кыргызстандык бар. Бул тууралуу акыйкатчы Атыр Абдрахматова 8-июнда парламентте омбусдмендин жылдык баяндамасы угулуп жатканда айтты. Акыйкатчы Орусияда 18-25 жаштагы кыргызстандык улан-кыздар “баңгизат менен аябай көп камалып жатышканын” билдирди. Мыйзам боюнча чет өлкөдө сот чечими чыккандарды Кыргызстанга экстрадиция кылуу иштери менен Башкы прокуратура алектенет. Расмий маалымат боюнча, азыр... Читать дальше...
Жогорку Кеңеште 8-июнда Акыйкатчы институтунун жылдык баяндамасы угулуп жатканда Курманкул Зулушевдин башкы прокурор кызматынан убактылуу четтеттилишинин мыйзамдуулугу боюнча маселе көтөрүлдү. “Бүтүн Кыргызстан” фракциясынын лидери Адахан Мадумаров башкы прокурорду кызматтан убактылуу четтеттүү мыйзамсыз экени айтылып жатканын, президенттин чечими Конституцияга туура келер-келбесин сурады. Башкы прокурордун орун басары Турусбек Ишеналиев: “Менин ага комментарий берүүгө укугум жок. Чечим кабыл алынды. Читать дальше...
Жалал-Абад облусунда “Камбар-Ата-1” ГЭСинин курулушуна даярдык иштери башталып, 8-июнда гидротоннель түшчү жерде жардыруу болду. Ага президент Садыр Жапаров катышып, Кыргызстан 30 жыл мурда электр энергиясын экспорттогон өлкө болгонун, азыр тескерисинче, электр жарыгын сатып алып жатканын айтты. "Жалгыз эле Токтогул суу сактагычын карап отурабыз" Президент долбоордун техникалык-экономикалык негиздемеси жана башка жумуштар үчүн бюджеттен 412,8 млн. сом бөлүнгөнүн, дагы 1,5 млрд. сом бөлүп берүү маселеси чечилгенин кошумчалады. Читать дальше...
Шинжаңдагы туугандарын бошотууну талап кылгандар Казакстанга Кытайдын тышкы иштер министри Ван келген маалда Бээжиндин Нур-Султандагы элчилигинин имаратынын алдына чыгышты. "2016-жылдан бери Кытайдагы туугандарыбызды бошотууну талап кылып келебиз. Бүгүнкү тышкы иштер министрлеринин маанилүү жолугушуусунда бир чечимиге келип, туугандарыбыздын кайтып келишине көмөктөшүүсүн суранабыз",-дейт жарандык активист Байболот Күнболот уулу. Акциянын катышуучулары колдоруна Шинжаңдагы камалып жаткан туугандарынын... Читать дальше...
Кыргызстанда жазгы селдин, көчкүлөрдүн, калың түшкөн кардын кесепети оор болду. Айрыкча, Жети-Өгүз, Ак-Суу, Сузак, Алай райондору баштаган бир топ аймактардагы мал, турак жайлар, менчик үйлөр, көпүрөлөр жабыркап, эл зыян тартты. Азыр кырдаал жөнгө салындыбы? Жаратылыш кырсыктарынын кесепеттерин жоюу иштери натыйжалуу жүрүп жатабы? Кырсыкты алдын алуу мүмкүн беле? Ушул жана башка суроолорго “Арай көз чарай” талкуубузда жооп издедик. Талкууга өзгөчө кырдаалдар министринин орун басары Эделбек Кулматов... Читать дальше...
Ирандын Табас шаарына жакын жерде болгон поезд кырсыгынан кеминде 17 киши мерт кетти, ондогон адам жараат алды. "Тез жардам" кызматынын өкүлү Можтаба Халеди билдиргендей, кырктай киши ооруканага жеткирилди. Алдын ала маалыматка ылайык, поезд Мешхед калаасынан Жасд шаарына баратканда экскаватор менен кагылышкан. Натыйжада, 11 вагондун беши жолдон чыгып кеткен. Маалыматка ылайык, поездде ошол маалда жалпысынан 348 жүргүнчү бар болчу. Иран маалымат каражаттары авариянын себептерин иликтөө башталганын жазды. Читать дальше...
Temirov LIVE деп аталган YouTube каналынын журналистинин интимдик видеосун тарткан, Улуттук коопсуздук боюнча мамлекеттик комитеттин (УКМК) кызматкери делген кишиге каршы арыз Бишкектин Биринчи май райондук сотунда кайра каралмай болду. Мындай чечимди Бишкек шаардык соту 8-июндагы отурумда чыгарды. Temirov LIVE каналынын негиздөөчүсү, иликтөөчү журналист Болот Темиров буга чейин Аскер прокуратурасы УКМКнын кызматкери делген адамга кылмыш ишин козгоодон баш тартканын, аны райондук сот да колдогонун билдирген. Читать дальше...
Сеул шаардык кеңешине депутат болуп шайланган Айсулуу Ашыралиеванын ата-энеси учурда Таласта турат. Кызынын мандат алганына кубанып отурган ата-эне ал жаштайынан билимге умтулган, өжөр эле дейт. Айсулуу 2003-жылдан бери Түштүк Кореяда жашайт.
Бишкек шаардык соту президенттик аппараттын мурдагы башчысы Фарид Ниязовдун бөгөт чарасын өзгөртүүдөн баш тартты. Аны үй камагына чыгаруу тууралуу өтүнүч канааттандырылган жок. Бишкектеги №1 тергөө абагында отурган Ниязовдун бөгөт чарасы Биринчи Май райондук сотунда быйыл апрелде 18-июнга чейин деп аныкталган. Ниязов 2019-жылы Кой-Таш окуясы боюнча камакка алынып, 2020-жылдын 5-6-октябрындагы окуялар учурунда бошонгон. Бирок кийин кайра камалып, ага ошол эле жылдын 9-10-октябрындагы окуяларга байланыштуу да айып тагылган. Читать дальше...