Новости за 13.06.2022

Кыргызстандын Орусиядагы элчилиги жарандарга консулдук маселелери боюнча маалымат берген чат ботун ишке киргизгенин Тышкы иштер министрлиги кабарлады. Телеграмдагы канал аркылуу мигранттар кыргыз жана орус тилдеринде  паспорт, айдоочулук күбөлүк, Кыргызстанга кайтып келүү үчүн күбөлүк алуу тартиби жана мигранттар үчүн зарыл болгон баардык малыматтарды ала алат. Кыргызстандан Орусияда бир миллиондон ашык мигрант бар экени расмий айтылган. Мигранттар буга чейин укуктук жана башка кенеш алуу үчүн... Читать дальше...

Тажикстандын укук коргоо органдары “бийликтин багынып берүү талабына баш ийбегендиктен” Хорог шаарынын бейрасмий лидерлери Хурсан Мазоров менен Зоир Ражабов “атайын операциянын” жүрүшүндө өлтүрүлгөнүн билдирди. Көз карандысыз булактар алар өздөрүн жардырып жибергенин жазды. Күч кызматтары Тоолуу Бадахшанда май айында өткөн операцияларда да ондогон адамды жок кылган. Расмий жана бейрасмий кабарлар Тоолуу Бадахшан автономдук облусунун Коопсуздукту жана коомдук тартипти сактоо боюнча штабы соңку... Читать дальше...

Жалал-Абад облусундагы Ала-Бука району Өзбекстандын Наманган облусунун бир канча району менен чектешет. Жолдун бир бетинде кыргызстандыктар, аркы жагында өзбекстандыктар жашаган жерлер бар. Бирок алар чек арадагы чектөөдөн улам бири-бири менен эркин катташа албайт. Жакын жайгашкан аймактардын убактысы да эки башка.

Катуу шамалдан улам кулаган дарактын шагы тийген секелектин абалы жакшы. Ал дарыгерлердин кароосунан кийин үйүнө жөнөтүлгөнүн №-3 балдар ооруканасынан “Азаттыкка” билдиришти. 13-июнда түштөн кийин Бишкектеги катуу шамалда Москва жана Абдырахманов көчөлөрүнүн кесилишиндеги дарак сынып, андан бир секелектин жабыркаганы кабарланган. Бишкек мэриясы кыздын дарылануусуна кеткен чыгымды "Жашылдандыруу" муниципалдык ишканасы төлөй турганын, секелектин ата-энесинин эч кандай доо-арызы жок экенин маалымдады. Читать дальше...

Жарандык активисттердин арызынан соң Жол кыймылынын коопсуздугун камсыздоо башкармалыгынын кызматтык унаасы кабылган жол кырсыгы боюнча кылмыш иши козголду. ИИМ кызматтык автоунааны айдаган жол кыймылын көзөмөлдөө кызматынын тескөөчүсү кармалганын жарыялады. Кырсыкка себеп болгон кызматтык унаа 11-июнда Бишкек-Торугарт унаа жолунун 12-чакырымында, Ысык-Ата районунун Ак-Кудук айылына жакын жерде Ички иштер министрлигинин жол кыймылынын коопсуздугун камсыздоо башкы башкармалыгынын кызматтык унаасы катышкан жол кырсыгы катталды. Читать дальше...

Атомдук энергия боюнча эл аралык агенттиктин жетекчиси Иранды 2015-жылкы өзөктүк келишимди калыбына келтирүү сүйлөшүүлөрүн “дароо” жандандырууга чакырды. CNN 12-июнда тартуулаган интервьюда Рафаэл Гросси “эл аралык инспекторлорго кеткиле” деп айтуу терс өнүгүүгө алып келерин эскертти. Гроссинин айтымында, ал Иран лидерлерине “биргелешип иш алып барууну улантууга тийишпиз” деп кайталап келатат. Өткөн аптада Тегеран БУУнун инспекторлору уран байытуу жараянына көз салган камералардын бир бөлүгүн өчүрүп салганын билдирген. Читать дальше...

Тарых музейинин мурдагы директору Кеңешбек Алмакүчүков кызматтан кетүү жөнүндө арыз жазбаганын "Азаттыкка" билдирди. Бишкек шаардык соту буга чейин анын ээлеген кызматын калыбына келтирүү тууралуу чечим чыгарган.   Анын айтымында, Маданият, маалымат жана жаштар иштери боюнча министрлиги соттун чечимин аткарбай, аны мурдагы кызматына дайындай элек. "Мени кызматыма калыбына келтирүү боюнча шаардык соттун чечими 18-майда чыккан. Азыркы күнгө чейин буйрук чыга элек. Анан орто жолдон башка киши музейди... Читать дальше...

Тынчтык корпусунун “Англисчени чет элдик тил катары окутуу” (TEFL) программасынан алкагында 12 ыктыярчы Кыргызстанга келди. Алар 2020-жылдагы коронавирус пандемиясы башталгандан тарта Европа, Жер ортолук деңиз жана Азия өлкөлөрүнө келген алгачкы ыктыярчылар болуп калды. АКШнын Кыргызстандагы элчилигинен кабарлашкандай, ыктыярчылар Нарын, Талас, Чүй жана Ысык-Көл облустарындагы мектептерде жергиликтүү окуучуларга англис тилин үйрөтүшмөкчү. Тынчтык корпусу Кыргызстанда 25 жылдан бери иш алып барат. Читать дальше...

Акыйкатчы Атыр Абдрахматова USAID уюмунун Кыргызстандагы миссиясынын директору Кайя Адамс менен жолугушуп, адам укуктары, эркиндиктери, сот адилеттиги жаатындагы кызматташтыкты талкуулашты. Аталган эл аралык уюмдан кабарлашкандай, алар гендердик жана үй-бүлө зомбулугу маселелердин чечимин табуунун жеткиликтүү жолдорун изилдөөгө макулдашышты. Ошондой эле "Жигердүү жарандар" долбоорунун алкагында элге юридикалык жардам көрсөтүү кызматтарын уланта берүүнү сүйлөшүштү. Акыйкатчынын кеңсеси менен... Читать дальше...

13-июнда Бишкекте кыргыз-немис дипломатиялык мамилесинин түптөлгөндүгүнүн 30 жылдыгына карата "Германия экономикасынын күндөрү" бизнес-форуму өттү. Инвестиция агенттигинен кабарлашкандай, иш-чарада энергетика, агроөнөр жай, маалымат технологиялары жана туризм тармактары талкууланды. Жыйынга Кыргызстандын Инвестиция агенттигинин директору Равшан Сабиров, ишкерлер жана Германия экономикасынын Борбор Азиядагы өкүлчүлүгү, Германия экономикасынын Чыгыш комитетинин өкүлчүлүгү баштаган 35 ири компаниянын өкүлдөрү катышты. Читать дальше...

Улуттук коопсуздук мамлекттик комитет 11-июнда Ош облусунун Кара-Суу шаарындагы үйлөрдүн биринен аткезчилик үчүн Кыргызстан менен Өзбекстанды байланыштырган жер астындагы жашыруун тоннель табылганын билдирди. Маалыматка карганда, үйдүн ээси М.И.М. аттуу Кыргызстандын жараны сурак учурунда өзбекстандык Рустам атуу шериги менен коңшу өлкөгө товарларды жана чет элдик валютаны мыйзамсыз алып өтүү үчүн тоннелди бирге казышканын айткан. Шектүү күнөөсүн моюнга алып, кылмыштын бардык жагдайларын тактоо... Читать дальше...

Бул тууралуу «Бүтүн Кыргызстан» партиясынын лидери Адахан Мадумаров Жогорку Кеңештин Социалдык саясат боюнча комитетинин жыйынында «Билим берүү жөнүндө» мыйзамга өзгөртүүлөрдү талкуулоо маалында билдирди. Анын айтымында, бийлик мугалимдерди бар кандай саясий иш-чаралар, шайлоолордо курал катары колдонуу Кыргызстанда адатка айландырган. Буга байланыштуу мындан ары мыйзамга билим берүү кызматкерлерин саясий иштерге катыштырууга тыюу салууну сунуштады. «Билим берүү жөнүндө» мыйзамдын жаңы редакциясында... Читать дальше...

Ички иштер министрлиги (ИИМ) Баңгизаттарды мыйзамсыз жүгүртүүгө каршы күрөшүү кызматы Баткен облусунда Европага баңгизат жеткирүүнү көздөгөн жаранды кармаганын билдирди. Шектүү Ооганстандын 42 жаштагы жараны болгон. Анын жанынан жети килограммдай “героин” жана тогуз килограммдан ашык “гашиш” баңгизаты табылган. ИИМдин маалыматында кармалган адам баңгизаттарды Орусияга, андан ары Европа өлкөлөрүнө жеткирүүнү көздөгөнү айтылат. Кармалаган жаран убактылуу кармоочу жайга киргизилип, Кылмыш-жаза кодексинин "баңгизат каражаттарын... Читать дальше...

Шадыбек Эрназаров өлкөдөгү керамика чеберлеринин бири. Ал искусствонун бул тармагын өлкөдө өнүктүрүү үчүн алдыда керамика мектебин ачууну пландап жүрөт. Анын жубайы Кыял Аккүчүкованын ысымы да кыргыз сүрөт чөйрөсүндө таанымал. Таланттуу түйгөйлөр бири-биринин дүйнөсүн толуктап, колдоп келет.

Казакстандын мурдагы президенти Нурсултан Назарбаев Москвада орус мамлекет башчысы Владимир Путин менен жолугуп, Орусия күнү менен куттуктады. Бул тууралуу Назарбаевдин расмий сайты кабарлады. Маалыматка караганда, Казакстандын туңгуч президенти жана Путин эки өлкө ортосунда дипломатиялык мамилелердин түзүлгөндүгүнүн 30 жылдыгына байланыштуу бири-бирине куттуктоо сөздөрүн айтышты. Акордонун сайтында ал маалда Казакстандын Москваны Орусия күнү менен куттуктоосу тууралуу маалымат чыга элек болчу. Читать дальше...

“Кыргыз Республикасынын аймагында полимер пленкасынан пакеттерди жүгүртүүнү чектѳѳ жѳнүндѳгү” мыйзам долбоору Жогорку Кеңештин Агрардык саясат, суу ресурстары жана экология боюнча комитетте каралды. Мыйзам долбоорду иштеп чыккан депутат Марлен Маматалиевдин айтымында, документ полимердик материалдардын ден соолукка жана айлана-чөйрөгө зыянын азайтууну көздөйт. Ага ылайык, өлкө аймагында бир жолу колдонулчу желим баштыктарды алып кирүүгө, өндүрүүгө жана сатууга тыюу салуу сунушталууда. Буга... Читать дальше...

Коррупцияга шектелип, кызматтан убактылуу четтетилген саламаттык сактоо министри Алымкадыр Бейшеналиевге козголгон кылмыш ишинин жагдайларын иликтеген комиссия ишин улантууда. Бул тууралуу президенттик администрациядан «Азаттыкка» кабарлады. Маалыматка ылайык, аталган комиссия тыянагын чыгарган соң президент Садыр Жапаров министр боюнча чечим кабыл алмакчы. Алымкадыр Бейшеналиев 2-июнда коррупцияга шек саналып кармалып, бир айга камалган. Башкы прокуратура ага карата жети кылмыш ишин козгогон. Читать дальше...

Кыргызгидромет борбору кабарлагандай, 14-июнда Ысык-Көл, Нарын облустарынын кээ бир райондорунда, Чүй, Ош, Жалал-Абад обустарынын тоолуу райондорунда өткүн өтүп, күн күркүрөйт. Бийик тоолуу райондордо кар жаайт. Чүй Ош, Жалал-Абад облустарынын дыйканчылык аймактарында жана Талас, Баткен облустарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 14…19, күндүз 28…33, Талас жергесинде түнкүсүн 11…16, күндүз 26…31... Читать дальше...

Министрлер кабинетинин төрагасы Акылбек Жапаров 13-июнда өкмөт үйүнүн алдына көзөмөл-кассалык аппаратына (ККМ) каршы нааразылык акцияга чыккан соодагерлер менен жолукту. Дүкөн иштеткендер ККМ жана эсеп-фактуранын киргизилишине каршы экенин айтып, патент системасы калсын деген талаптарын коюшту. Бишкектен жана өлкөнүн башка аймактарынан келген соодагерлер ККМ колдонбогондорго айып салынып жатканын айтып арызданышты. Акылбек Жапаров митингге чыккандардын арасынан он чакты өкүлдү кошуп алып маселени чечүүнүн жолун караштырып чыгарын айтты. Читать дальше...

Мурдагы президент Алмазбек Атамбаевдин үй-бүлөсү анын саламаттыгына байланыштуу кайрылуу таратты. Анда абакта жаткан учурда мурдагы президенттин саламаттыгы начарлап жатканын жана ага толук кандуу дарыланууга мүмкүнчүлүк түзүү керектиги айтылат. "Абактагы үч жыл ичинде Атамбаевдин ден соолугу кескин начарлады. 2018-жылы компьютердик томографиядан өткөндө жүрөгү жана артериялары соо болсо, азыркы анализ жүрөктүн коронардык оорусун, стенокардия, күрөө тамыр жана аорта атеросклорозун көрсөтүп жатат",-деп айтылат билдирүүдө. Читать дальше...

Түп районундагы бала бакчага муктаж айыл, инсулин издеген ноокаттык бейтап, энелердин абалына тынчсызданган ардагер жана башка сунуш-пикирлер "Эл үнү" түрмөгүнүн бул чыгарылышында.

"Эл үнү" түрмөгүнүн чыгарылышы.

Бишкектеги өкмөт үйүнүн алдына майыптыгы бар адамдар акцияга чыгышты. Жыйырмадай адам бийликтен турак-жай маселесин чечип берүүнү талап кылууда. Акцияда сүйлөгөндөрдүн бири президент Садыр Жапаров кабыл алышын суранды. "Кыргызстанда майыптардын жерге, үйгө муктаж болгонуна 30 жылдан бери көңүл бурулбай келет. Биз айла жоктон ушул кадамга барып, акцияга чыгып жатабыз. Садыр Нуркожоевич бизди кабыл алууңуздарды суранабыз". Акцияга чыккандар менен Министрлер кабинетинин төрагасынын орун басары Эдил Байсалов жолукту. Читать дальше...

Көзөмөл-кассалык аппаратына (ККМ) каршы нааразылык акциясы 13-июнда Талас облусунда да өтүп жатат. Ага болжол менен 80ге жакын адам катышууда. Ушундай эле митинг Бишкекте өкмөт үйүнүн имаратынын алдында өтүүдө. Алар ККМ жана эсеп-фактуранын киргизилишине каршы экенин айтып, патент системасы калсын деген талаптарын коюп жатышат. Жаңы Салык кодексине ылайык, өлкө аймагындагы соода-сатык, жумуш аткаруу, тейлөө субъектилери накталай жана накталай эмес эсептешүүдө милдеттүү түрдө ККМ колдонушу керек. Читать дальше...

Кыргызстанда "Билим берүү жөнүндө" мыйзамдын жаңы редакциясы иштелип чыгууда. Жумушчу топко кирген жарандык коомдун өкүлдөрү билим берүү жайларын милдеттүү аккредитацияны токтотууну сунуштаса, министрлик буга каршы.