Жогорку Кеңештин төрагасы Нурланбек Шакиев Беларуста мурдагы президент Курманбек Бакиев менен жолукканы тууралуу тарап жаткан маалымат жалган экенин 10-октябрда “Азаттыкка” спикердин маалымат катчысы Алтынбек Деркембаев билдирди.
Ал жалпыга маалымдоо каражаттарынын өкүлдөрүнө кайрылып, мындай сөздөрдү жайылтуудан карманууга чакырды:
“Бул жалган маалымат. Мен да көрдүм өзүн блогер деп эсептеген адамдар жеке баракчасына ушундай калп маалыматты жайгаштырып, бөлүшүп жатышканын. Өлкө жетекчилеринин мындай расмий сапарларынын программасы алдын ала макулдашылып, эки өлкөнүн протоколдук, күзөт кызматтары биргеликте иштешет, ошондуктан жолугушуулар ачык-айкын өткөрүлөт. Төраганы баарыбыз коштоп жүрдүк, менден башка элчиликтин да кызматкерлери жолугушууларга катышып жүрдүк. Курманбек Бакиев менен жолугушуу болгон эмес”.
Шакиев баштаган парламенттик расмий делегация өткөн аптада расмий сапар менен Беларустун борбору Минскиде болуп, бул өлкөнүн жетекчилиги менен жолугушууларды өткөрүп келген.
Кечээ интернетте Минскиде Шакиев жана депутаттар Элмурза Сатыбалдиев, Бактыбек Сыдыков Бакиевдин сыйлуу коногу болгону, аларды мурдагы президент өзү чакырып, сый тамак уюштурганы тууралуу маалымат тараган.
2010-жылы 7-апрелде Курманбек Бакиевдин үй-бүлөлүк башкаруу режимине каршы чыккандарга Ала-Тоо аянтында ок атылып, 80ден ашуун киши набыт болгон. Ал өзү жана тун уулу Марат Бакиев соттун чечими менен 30 жылга, кенже уулу Максим Бакиев, иниси Жаныш Бакиев, ошол кездеги премьер-министр Данияр Үсөнов сырттан өмүрүнүн аягына чейин эркинен ажыратылган. (RK)
Съел бутерброд или мороженое на улице и добро пожаловать в кутузку за штрафом в 52 000 рублей: туристов предупредили о малоизвестном правиле в популярном городе
Евгения Вершинина: 5 модных трендов этой осени
После отдыха в Турции муж теперь постоянно просит такую яичницу на завтрак: вот рецепт, ингредиенты есть в любом российском магазине
Масспостинг вертикальных видео в TikTok, Youtube-shorts, ВК-клипы, Reels.
С номером 666. Audi влетела в фуру на скорости 300 км/ч в Подмосковье
Скрипят тормоза: основные причины
Филиал № 4 ОСФР по Москве и Московской области информирует:
Гражданам Москвы и Московской области, получившим тяжелые производственные травмы, выданы автомобили марки «Лада Гранта»
Можно ли перевестись из одной автошколы в другую в процессе обучения?