Новости за 22.06.2021

د ملګرو ملتونو په امنیت شورا کې د افغانستان د روانې وضعې په اړه بحث وشو. د سې شنبې په ورځ «۱۴۰۰ کال د چنګاښ ۰۱» دې بحث کې له لومړنیو ویناوالو د افغانستان لپاره د ملګرو ملتونو ځانګړې استازې دیبورا لاینز وه چې ویل یې له مې میاشتې راهیسې له ۵۰ زیاتې ولسوالۍ طالبانو نیولې دي. طالب وسله‌والو په دې وروستیو ورځو کې د افغانستان په شمال کې د بریدونو یوه نوې لړۍ پیل کړې او د نړیوالو ځواکونو له وتلو سره سم‌یې مخه له جنوبه چې اصلي سنګرونه‌یې په‌کې و، شمال ته کړې ده.  د افغانستان لپاره د ملګرو ملتونو د... Читать дальше...

افغان پوځي چارواکي په لوګر کې د لسګونه وسله‌والو طالبانو د وژلو خبر ورکوي.   د لوګر د امنیه قوماندانۍ ویاند ګل حیدر احمدي ازادي راډیو ته وویل چې تېره شپه هوایي ځواکونو په ازره ولسوالۍ کې پر طالبانو بمباري کړې ده. ښاغلی احمدي زیاتوي: "د دې برید په ترڅ کې ۴۶ ترهګر طالبان وژل شوي او د دښمن ډېر شمېر وسلې او مهمات په مکمل ډول له‌منځه وړل شوي دي."  طالبانو د دې پېښې په اړه تر دې دمه څه نه‌دي ویلي.

افغان حکومت د امنیتي او دفاعي ځواکونو د لوړ مورال او د تبلیغاتي جګړې د مدیریت په هدف د ټولو امنیتي او دفاعي ځواکونو په استازیتوب د اطلاع‌رسونې یو واحد دفتر رامنځته کړ. د جمهور رئیس د ستراتېژیکو او عامه اړیکو د دفتر مشر وحید عمر د سې شنبې په ورځ «۱۴۰۰ کال د چنګاښ ۰۱» په کابل کې د یوې خبري ناستې پر مهال جنرال اجمل عمر شینواری د دې دفتر ویاند وټاکه. ښاغلی عمر وايي، د امنیتي او دفاعي بنسټونو له ادرسه به وروسته له دې یو ویاند له رسنیو سره معلومات شریکوي. ښاغلی عمر زیاتوي: "زموږ هدف همدا و چې رسنیو... Читать дальше...

د کرونا ویروس خپرېدو تر بل هر چا زیات ډاکتران تر فشار لاندې راوستلي دي، روغتیايي کارکوونکي چې شپه او ورځ په کرونا د اخته کسانو ژوند ژغوري، د دغه ویروس له خپرېدو بیا تر اوسه ۶۱۰ تنه مړه شوي دي. د هرات شهید بسیم روغتون کې مسعود میرزایي هغه ځوان ډاکتر دی چې د کرونا له پیله بیا تر اوسه د کرونا ناروغانو د ژوند د ژغورلو لپاره هلې ځلې کوي. نوموړی تر بل هر چا زیات د کرونا ویروس د خطر په اړه پوهېږي، خو بیا هم شپه او ورځ د 'کووېډ-۱۹' د هغو ناروغانو په خدمت کې دی چې په ډېر بد حالت کې روغتون ته وروړل کېږي. Читать дальше...

د جون پر ۲۱مه د خوست هوايي ډګر ته له دوبۍ څخه لومړنۍ نړیواله الوتنه وشوه او دې ولایت ته يې ۹۰ تنه مساپر ولیږدول. د خوست اوسېدونکو د دې ولایت هوايي ډګر ته لومړنۍ پرواز په خوشالیو ولمانځه او غوښتنه يې وکړه چې له دې ځایه دې هم د نړۍ بېلابېلو هیوادونو ته پروازونه پیل شي. خوست په عربي هېوادونو کې زرګونه مساپر لري، چې ډیری هغه يې په ودانیزو چارو بوخت دي. نور حال په دې ویډیويي راپور کې.

‎‎د افغانستان په بېلابېلو ولایتونو کې د جګړو شدت او د ولسونو د پاڅونونو تکل! ‎د افغانستان دفاع وزارت په تېرو ۲۴ ساعتونو کې د بغلان د دوشي او بلخ ولایت د بلخ ولسوالۍ د بېرته لاسته راوړو خبره کوي، خو ځینو سرچینو بیا ازادي را‌‌‌‌‌‌ډیو ته ویلي چې د کندز ولایت ټولې ولسوالۍ د طالبانو لاس ته لوېدلي. هاخوا سیمه‌ییزو سرچینو ازادي را‌‌‌‌‌‌ډیو ته تأیید کړې چې یوازې د کندز ولایت مرکز د دولت په ولکه کې دی. ‎بل‌خوا ځینو کورنیو رسنیو راپور ورکړی چې د افغانستان او تاجکستان ترمنځ پوله کې شېر خان بندر سیمه هم د طالبانو تر ولکې لاندې ورغلې ده. Читать дальше...

رضا محمد رضا وايي، پښتونخوا ملي عوامي ګوند د ډاکټرانو له رپورټونو پرته هم پلټڼې کړې دي چې د ده په وینا، کره ثبوت لري چې عثمان کاکړ پر سر په ډېره ماهرانه توګه وهل شوی دی.

د دوشنبې په ورځ د اریانا افغان هوایي شرکت له متحده عربي امارتو نه خوست ولایت ته خپله لومړنۍ الوتنه ترسره کړه. د خوست اوسېدونکي خوښ دي چې کولی شي په مستقیمه توګه دوبۍ ته سفر وکړي. د خوست ولایت لسګونه اوسېدونکي په عربي اماراتو او د خلیج په نورو هېوادونو کې کار کوي. د خوست دا مسافر به مخکې په کابل کې د حامد کرزي له نړیوال هوایي ډګره په ګټې اخیستنې افغانستان ته راتلل. نور جزئیات په دې ویډیويي راپور کې وګورئ:

نیکول پاشینیان د ارمنستان سرپرست صدراعظم ادعا کوي چې په وروستیو انتخاباتو کې یې د پام وړ بریا ترلاسه کړې ده.  دا وار له مخه انتخابات د یکشنبې په ورځ ترسره شول، څو دغه هېواد کې د ناګورنو قره باغ په سیمه کې د وروستۍ جګړې په دوام رامنځته شوی سیاسي بحران پای ته ورسوي.  په دې جګړه کې چې پروسږکال وشوه او شپږ اوونۍ یې دوام وکړ ځیني سیمې اذري ځواکونو له ارمنیانو لاندې کړې.  د ټاکنو له ابتدایي نتیجو ښکارې چې د پاشینیان ګوند درې پنځوس اعشاریه نهه فیصده رایي خپلې کړې دي.  د ده سیال د پخواني ولسمشر رابرت... Читать дальше...

د شمالي کوریا د مشر، کېم جونګ یون خور له واشنګټن سره د دیپلوماتیکو خبرو د بیا پیلېدو احتمال رد کړ او ویې ویل، د امریکا د متحد ایالاتونو د خبرو تمه دوی ډېر ناهیلي کوي.  کېم یو جونګ چې په ګوند کې جګپوړې غړې ده، دا بیان نن سې شنبه (د چنګاښ ۱مه) وروسته تر دې ورکړ چې د امریکا د ملي امنیت سلاکار جک سولیوان د اوونۍ په پيل کې ویلي و چې د شمالي کوریا د مشر وروستۍ څرګندونې چې ویلي یې دي شمالي کوریا باید خبرو او مقابلې ته چمتو شي، په زړه پورې نښې دي.  ښاغلي سولیوان د دوشنبې په ورځ هیله ښکاره کړې وه چې شمالي... Читать дальше...

د عثمان کاکړ مړی به د جون پر ۲۳مه نېټه په خپل پلرني ټاټوبي مسلم باغ کې خاورو ته سپارل کېږي.

د میدان وردګو امنیتي چارواکي وايي، د دې ولایت جغتو ولسوالۍ د وسله والو طالبانو لاس ته لویدلې. د دغه ولایت امنیه قوماندان سمنوال مصطفي مایار نن سې شنبه (د چنګاښ ۱مه) ازادي راډيو ته تائید کړه چې د جغتو ولسوالۍ تېره شپه د طالبانو لاس ته لویدلې. دی وايي: "په جغتو ولسوالۍ کې زموږ د ټولو امنیتي ارګانو سرتیري موجود وو، خو په خواشینۍ سره چې هلته د دښمن نفوذي کسان وو او په دې بریالي شول چې دا خلګ تسلیمۍ ته مجبور کړي، په خواشینۍ سره باید ووایم چې تېره شپه دا ولسوالۍ سقوط شوه." نوموړی وايي، په یاده ولسوالۍ... Читать дальше...

د کرونا ویروس ډيلټا واریانټ بڼه له یوه کسه بل ته په ډېره چټکۍ انتقالېږي او په داسې حال کې د ډيلټا واریانټ په اړه اندېښنې زیاتې شوي چې په نړۍ کې د کووېډ-۱۹ پېښې مخ پر زیاتېدو دي.   د روغتیا نړیوالې ادارې د اپيډیمي څانګې متخصصې ماریا وان کرخوف د دوشنبې په ورځ د جون په ۲۱مه وویل، داسې شواهد شته چې ښيي په هند کې د لیدل شوي واریانټ پر وړاندې د واکسین اغېز ترهغه ډېر دی چې په جنوبي افریقا کې لیدل شوی وو.   خو دې وویل، په ټوله کې واکسین اوس هم ډېر اغېزناک دي او په وینا یې دا یو ډېر مهم پیغام دی چې باید روښانه وي. Читать дальше...

د پاکستان صدراعظم یو ځل بیا طالبانو تر غوږ تېره کړې چې نه‌شي کولای پر ټول افغانستان ولکه ټینګه کړې. عمران خان یوه لیکنه کې چې نن سې‌شنبه (د چنګاښ ۱مه) نیویارک ټایمز او واشنګټن پوسټ خپره کړې لیکلي، طالبان نه‌شي کولای ټول افغانستان کې بري خپل کړي، خو د دې ډلې د بریا لپاره اړینه ده چې دوی یو دولت کې راونغاړل شي. د پاکستان صدراعظم زیاتوي، هېواد یې چمتو دی چې له امریکا سره د افغانستان د سولې په پروسه کې همکاري وکړي، خو له دې هېواده د بهرنیو عسکرو وتل به د جګړې د لا زیاتېدو مخه ونیسي. د عمران خان په لیکنه کې راغلي... Читать дальше...

د پنټاګون ویاند جان کربي د جون پر ۲۲مه ماښام یوې خبري غونډې ته د وینا پر مهال ټینګار وکړ چې د سېپټمبر تر ۱۱مې پورې له افغانستانه د امریکايي ځواکونو د اېستلو برخه کې د ولسمشر جو بایډن ټاکلی مهلت پرځای دی،

په ننګرهار کې د سوداګریزو اسنادو یو واحد مرکز پرانیستل شو چې په دې سره به سوداګرو ته ګڼې اسانتیاوې رامنځ ته شي. د صنعت او سوداګرۍ وزارت ویاند فواد احمدي نن سې شنبه (د چنګاښ ۱مه) ازادي راډیو ته وویل چې دغه مرکز د ننګرهار ولایت په ګمرک کې د هېواد د صادراتي توکو د اسنادو په پروسو کې د اسانتیاوو برابرولو په موخه د حکومت د پراختیایي بودجې څخه د درې میلیونه افغانیو په لګښت رامنځته شوی دی. نوموړي وویل چې د دې مرکز پرانیسته به د سوداګرو ډېری ستونزې هوارې کړي او د اسنادو د مراحلو د بهیر وخت به هم یوې دقیقې ته را کم کړي. Читать дальше...

د بدخشان د شورابک د برښنا بند کارونه بشپړ شوي او ډېر ژر به ګټې اخېستنې ته وسپارل شي. د اوبو ملي ادارې ویاند نظام الدین خپلواک نن سې شنبه (د چنګاښ ۱مه) ازادي راډیو ته وویل چې دا بند د جرمني د ۴۵ میلیونه یورو په لګښت جوړ شوی چې په درېیو توربینونو سره ۷.۵ مېګا واټه برښنا تولیدوي او د فیض اباد ښار ۲۵ زره کورنیو ته برښنا رسوي. نوموړي وویل چې د دې بند چارې د ٥ کلونو په موده کې بشپړې شوي دي. افغان حکومت تر دې وړاندې د کمال خان په ګډون یو شمېر نور بندونه هم ګټې اخېستنې ته سپارلي دي. افغانستان د برښنا... Читать дальше...

ټاکل شوې چې په روسیه کې د امریکا سفیر جان سولیوان په روانه اوونۍ کې بېرته مسکو ته ستون شي. سولیوان نژدې دوه میاشتې مخکې وروسته له هغه له مسکو څخه ووت چې د متحدو ایالاتونو او روسیې په اړیکو کې کړکېچ زیات شو.  د امریکا د بهرنیو چارو وزارت ویاند نېډ پرانیس پرون دوشنبه (د غبرګولي ۳۱مه) وویل، سولیوان ځکه مسکو ته ستنېږي چې امریکا غواړي د روسیې له حکومت سره د تماس چینلونه پرانیستي وساتي، څو هم د امریکا ګټې خوندي شي او هم له روسیې سره په اړیکو کې کړکېچ ګواښ راکم شي.  له دې مخکې په متحدوایالاتونو کې... Читать дальше...

د ارزګان چارواکو د چورې ولسوالۍ له یوازینۍ پوځي اډې څخه د افغان ځواکونو د وتلو خبر ورکړی چې له دې سره د راپورونو له مخې دا ولسوالۍ عملاً د طالبانو لاسته لوېدلې.  په جنوب کې ۲۰۵ اتل قول اردو په یوه بیان کې ویلي چې د نظامي شورا د پرېکړې له مخې د ملکي او پوځي تلفاتو د مخنیوي لپاره یې دا اډه تخلیه کړې ده او پرسونل او تجهیزات یې له چورې ولسوالی څخه ترینکوټ ته انتقال شوي.  خبرپاڼه زیاتوي چې دې اډې د امنیت په ټینګښت کې کوم موثریت نه لاره.  د چورې ولسوالي له شااوخوا دوو اونیو راهیسي طالبانو محاصره کړي وه. Читать дальше...

هېواد هېواد ورځپاڼې خپله سرلیکنه کې لیکلي، جمهور رییس غني يو ځل بيا په هېواد کې د سولې راوستو او په ځانګړي توګه د اوسني وضعيت او امريکا ته د سفر په اړه له سياسي او جهادي مشرانو سره مشورتي غونډه کړې. په سرلیکنه کې وړاندې راغلي، دا غونډه په داسې حال کې شوې چې له يوې خوا په قطر کې له طالبانو سره د سولې خبرې په ټپه ولاړې دي او له بلې خوا جګړې زور اخيستی او دغه شان د بهرنيو ځواکونو تر وتلو وروسته له امريکا، ناټو او نړيوالې ټولنې سره د ګډون او همکاريو د نوي څپرکي پرانيستلو لپاره هڅې روانې دي. د ورځپاڼې... Читать дальше...

د افغانستان په شمال کې د ملي اردو چارواکو ویلي چې افغان پوځیانو بېرته د بلخ ولسوالي په خپل کنټرول کې راوسته. د بلخ ولایت په بلخ ولسوالۍ باندې پرون دوشنبه (د غبرګولي ۳۱مه) د سختو نښتو راپورونه ورکړل شوي وو او طالبانو ادعا کړې وه چې دا ولسوالي یې نیولې. په شمال کې د ۲۰۹ شاهین قول اردو ویاند حنیف رضايي ازادي راډیو ته په یوه پیغام کې وویل: "د بلخ ولسوالي هم بېرته د افغان پوځیانو کنټرول کې راغله. د لومړنیو راپورونو له مخې د افغان کمانډویانو او طالبانو په نښتو کې ۳۱ طالبان وژل شوي دي." رضايي نه دي... Читать дальше...

افغان ولسمشر محمد اشرف غني ویلي، عثمان کاکړ په افغانستان کې د سولې د بهیر د ملاتړ ترڅنګ تل د پردیو د لاسوهنو سخت مخالفت کاوه. ښاغلي غني دا خبرې د پښتون ملتپال عثمان کاکړ د مړینې په تړاو په یوه اعلامیه کې کړي. هغه زیاته کړې چې عثمان کاکړ د ظلم پر ضد غږ پورته کړی و او مړینه یې د افغان ولس لپاره لویه ضایعه ده. عثمان کاکړ د پښتونخوا د عوامي ملي ګوند د بلوچستان ایالتي مشر او د پاکستان پخوانی سناتور و چې د سختو ټپونو له امله څو ورځې د کراچۍ په اغاخان روغتون کې بستر او بلآخره یې پرون دوشنبه (د غبرګولي ۳۱مه) ساه ورکړه. Читать дальше...

څلور چکي سرتیري د یوه افغان وګړي د وژنې په قضیه کې تورن ګڼل شوي دي. چکي رسنیو پرون د رسپېکټ مجلې په حواله په دې اړه راپورونه خپاره کړي. د راپورونو له مخې د وحیدالله په نوم دغه افغان د ۲۰۱۸ کال په اکتوبر کې د توماش پروخازکا په نوم یو چکی سرتیری په هلمند کې وواژه او دوه نور یې ټپيان کړل. د رسپېکټ مجلې لیکلي چې تر برید وروسته وحیدالله ځان تسلیم کړ او د امریکایي، چکي او افغان پوځیانو له خوا په تحقیقاتو کې سخت ووهل شو چې لږ وروسته یې په روغتون کې یې ساه ورکړه. دوه چکي سرتیري په تاوتریخجنو ګواښونو... Читать дальше...

د امریکا ولسمشر د ایران له نوي مشرتابه سره د لیدنې کوم پروګرام نه لري. دا خبره د سپېنې ماڼۍ ویاندې جین ساکي بېګا د ایران د نوي منتخب جمهور رییس ابراهیم رئیسي د خبرو په غبرګون کې وکړه چې ویلي یې و له جو بایډن سره نه ګوري. مېرمن ساکي زیاته کړې، د امریکا د جمهور رییس او دولت له نظره د اټمي چارو په اړه وروستۍ پرېکړه د ایران د رهبر په لاس کې ده، نو ځکه هم ولسمشر بایډن د ایران له نویو مشرانو سره د لیدنې کوم پروګرام نه لري. د ایران نوي منتخب جمهور رییس ابراهیم  رئیسي پرون دوشنبه (د غبرګولي ۳۱مه) لومړی... Читать дальше...

د تاجیکستان سترې محکمې د دغه هېواد درې پولیس افسران د یوه کس د شکنجې په تور په اوږده حبس محکوم کړل. د تاجیکستان یوه مدني اییتلاف دا خبره پرون دوشنبه (د غبرګوي ۳۱مه) رسنیو ته کړې ده. د پولیسو دا افسران شیرعلي عزیزوف، سعدي دولت مرادزاده او ایرج نعیموف نومېږي. دوی تورن شوي چې د حسن یادګاروف په نوم یو تاجکی وګړی یې د تاجیکستان په لویدیځ کې شکنجه کړی دی. د پولیسو افسران له لسو تر دیارلسو کلونو په بند محکوم شوي دي.