د بلوچستان په زیارت کې د لېويز سرتېرو وژنې پرضد د روان پرلت په ملاتړ د سېپټمبر پر دریمه د بلوچستان په پښتون مېشتو سیمو کې احتجاجي مظاهرې وشوې. د پرلت مشرانو د خپلو غوښتنو نه منل کېدو پرضد د سېپټېمبر له دريمې په پښتون مېشتو سيمو کې احتجاجونه او کاربندېز اعلان کړ. نور حال په دې ویډیويي راپور کې
چین وایي، سفارت یې په کابل کې عادي فعالیت مخ ته وړي. د چین د بهرنیو چارو وزارت ویاند وانګ ونبین نن په پیکینګ کې په یوه خبري غونډه کې د دې خبرې ترڅنګ له طالبانو وغوښتل چې یو ټول شموله حکومت جوړ کړي: "په افغانستان کې د چین سفارت د دواړو هېوادونو ترمنځ د تعامل یوه مهمه وسیله ده او خپل عادي فعالیت مخ ته وړي. هیله من یو چې طالبان یو ټول شموله سیاسي نظام جوړ کړی، داخلي او خارجي معتدلې پالیسۍ پرمخ ونیسي." تر دې یوه ورځ مخکې طالبانو ویلي و چې چین به خپل ډپلوماتیک روابط له افغانستان سره وساتي او نوی حکومت به له پیکینګه مرستې ترلاسه کړي.
د طالبانو له خوا پر موسیقي د بندیز له وېرې د هلمند یوه مشهور سندرغاړي سندرې ویل پریښي او دوکانداري کوي. حبیب الله شباب په تېرو دوو اوونیو کې د موسیقي د الاتو او سندرو ویلو تمرین نه دی کړی. هغه د هلمند د مرکز لښکرګاه په یوه څنډه کې دوکانداري کوي. ښاغلی شباب وايي، پر افغانستان د طالبانو تر واکمنۍ وروسته یې سندري ویل پریښي دي: "چا نه دي راته ویلي له ځانه مې فیصله وکړه چې سندرې نورې ونه وایم ځکه چې د اسلامي امارت په مخکني دوره کې هم پر سندرو ویلو بندیز و، فکر نه کوم چې اوس دې هم اجازه ورکړي." ... Читать дальше...
د غزني روغتیايي چارواکي اندېښنه ښيي چې د نظام له بدلون سره د روغتیا په برخه کې د مرستو کموالي روغتیايي خدمتونه ټکني کړي دي. دوی وايي، که دغه حالت همداسې دوام وکړي ناورین به رامنځته شي. د روغتیا ريیس ډاکټر ظاهر شاه نېکمل ازادي راډیو ته وویل، هغه پروژه چې د غزني مرکز او ولسوالیو ټولو روغتیايي مرکزونو ته یې خدمتونه وړاندې کول، له هغې پروژې سره قرارداد پای ته رسیدلی دی چې له امله زیاتې روغتیايي ستونزې رامنځته شوي دي. نوموړی زیاتوي، یادې پروژې له روغتیا ریاست سره د ډاکټرانو معاشونو، درملو، تیلو،... Читать дальше...
د ناټو سرمنشي ینس سټولټنبرګ وایي، دا تړون به هڅه وکړي چې له افغانستانه نور زیانمنېدونکي کسان وباسي او له طالبانو سره اړیکې وساتي، خو د دې هېواد نوي واکمنان باید له ځانه دا وړتیا وښیي چې د مرستو او د په رسمیت پېژندلو مستحق دي. سټولټنبرګ نن له رویترز اژانس سره په مرکه کې وویل، پر دې مسالې یې د قطر له امیر شیخ تمیم بن حمد الثاني او د دې هېواد د بهرنیو چارو له وزیر سره خبرې کړي دي. هغه زیاته کړه، ډېر هغه افغانان چې له نړیوالو ځواکونو سره یې همکاري کړي او د طالبانو له خوا له خطر سره مخامخ دي تر اوسه په افغانستان کې دي. Читать дальше...
د پنجشیر جګړه پنځمې ورځې ته وغځېده. طالبان وايي، په پنجشیر ولایت يې له څلورو خواوو برېدونه پیل کړي او مقابل لوري ته یې درنه مرک ژوبله اړولې ده. د طالبانو د مطبوعاتي دفتر غړي بلال کریمي نن جمعه ازادي راډيو ته وویل چې د دوی ځواکونه د څلورو خواوو پنجشیر ته ننوتي او د تېرې شپې راهیسې يې له مقابل لوري ډېرې سیمې نیولې دي. کریمي زیاته کړه: "بلې، پنجشیر ولایت ته د اسلامي امارت مجاهدین له ګڼو استقامتونو څخه داخل شوي دي، تېره شپه مجاهدینو د پنجشیر ولایت پر ختیځ پریان ولسوالۍ د بدخشان او تخار ولایت له لوري... Читать дальше...
د افغانستان د کرکټ ۱۹ کلنو لوبغاړو ډله د تورخم له لارې پېښور ته تللې ده. دوی به له هغه ځایه کراچۍ او بیا بنګله دېش ته سفر کوی. دوی په بنګله دېش کې د دې لپاره لوبېږي چې په ویسټ انډیز کې تر ۱۹ کالو د کم عمرو نړیوالو سیالو لپاره ځان تیار کړي. نور حال په ویډیويي راپور کې.
له شااوخوا یوې اوونۍ وروسته د افغانستان د هوايي چلند اداره د کورنیو پروازونو د پیل خبر ورکوي. دغه ادارې تېره ورځ په یوه خبرپاڼه کې وویل چې لومړنۍ پرواز به د جمعې په ورځ له کابله مزار شریف ته ترسره شي. په دې اعلامیه کې ویل شوي دغه پرواز به د افغانستان په وخت ماسپښین درې بجې وي. له بلې خوا طالبان وايي، د کابل هوايي ډګر به د نړېوالو پروازونو لپاره ډېر ژر فعاله شي. د طالبانو د مطبوعاتو برخې یوه غړي بلال کریمي نن جمعه ازادي راډیو ته وویل، په هوايي ډګر کې د پاکولو چارې بشپړې شوي او ډېر ژر به تخنیکې چارې د بیا جوړېدو لپاره پیل شي. Читать дальше...
د اروپایي ټولنې د بهرني سیاست مشر جوزېف بورېل وایي، له طالبانو سره کار کول په دې معنی نه دي چې دا ټولنه به د طالبانو راتلونکی حکومت په رسمیت پیژني. ښاغلي بورېل چې نن یې د سلوینیا په بردو کې په یوه خبري غونډه کې څرګندونې کولې دغه راز وویل چې دا ټولنه باید د افغانستان د خلکو د ملاتړ په خاطر د طالبانو له نوي حکومت سره همکاري وکړي، خو هغه به پر فعالیتونو متمرکزه وي. هغه وویل، په تدریجي ډول د دغې همکارۍ پراختیا به په دې پورې تړلې وي چې د طالبانو حکومت به د بشري حقونو، د قانون د واکمنۍ او د رسنیو... Читать дальше...
د روسیې ولسمشر ولادمیر پوتین وایي، دی هیله من دی چې طالبان په افغانستان کې یوه متمدنه لاره غوره کړي چې نړیواله ټولنه وکولای شي ورسره ډپلوماتیکې اړیکې وساتي. پوتین چې د روسیې په ختیځ ولادي واستوک ښار کې د ختیځ اقتصادي فوروم په نوم غونډې ته نن څرګندونې کولې وویل، روسیه نه غواړي چې افغانستان دړې وړې شي او که داسې وشي نو به هلته داسې څوک نه وي چې ورسره خبرې وکړي. پوتین زیاته کړه، هر څومره ژر چې طالبان متمدنې کورنۍ ته داخل شي، نو به ورسره تماس لرل، یو ډول پرې د فشار راوستو او ورڅخه د پوښتنو او غوښتنو چارې اسانه شي. Читать дальше...
نن یو شمېر ښځو په پلازمېنه کابل کې د یو اعتراض پرمهال د حکومت په لوړو څوکیو د مېرمنو د ګومارل کېدو غوښتنه وکړه. د دغه اعتراض کوونکو یوې غړې مسعودې کوهستاني د جمعې په ورځ ازادي راډيو ته وویل چې دوی غواړي چې د راتلونکي حکومت پر لوړو څوکیو افغان مېرمنې وګومارل شي. دی وايي: "د نن ورځې اعتراض په راتلونکي حکومت کې د ښځو په لوړو څوکیو د ګومارلو د غوښتنې لپاره دی، کله چې څلور مېرمنې دوحې ته ځي او طالبانو سره مخامخ د سولې خبرې کوي نو ولې په کابینه کې د وزیرې، معینې یا هم د رییسې په توګه حضور ونه لري."... Читать дальше...
د نیوزیلنډ پولیس وایي، هغه سړی یې په ډزو وژلی چې د خرڅلاو یوه مارکیټ ته ننوتی او څو تنه یې د چړې په ګوزارونو ټپیان کړي دي. دا پېښه نن له غرمې وروسته اوکلانډ ښار ته څېرمه په نیولین سیمه کې رامنځته شوې ده. د دې پېښې شپږ ټپیان نژدې روغتون ته لېږدول شوي دي. د نیوزیلنډ صدراعظمې جسیندا اردیرن دا یوه تروریستي حمله بللې ده. نوموړي په یوه خبري غونډه کې دا د نیوزیلاند پر بې ګناه وګړو د یوه سخت دریځي له خوا تروریستي برید وباله او حمله کوونکی یې د سریلانکا یو تبعه وښود چې د هغې په وینا لس کاله په دې هېواد کې اوسېده او پنځه کاله تر تعقیب لاندې و.
د راپورونو له مخې د طالبانو مرستیال او د دې ډلې یو بنسټ ایښودونکی ملا عبدالغني برادر به د طالبانو د راتلونکي حکومت مشر وي. رویټرز خبري اژانس د درېیو سرچینو له قوله چې هغه پټې ساتل شوي، دا خبره کړې ده. دغو سرچینو ویلي چې ملا محمد یعقوب به چې د طالبانو د بنسټ ایښودونکي مشر، ملا محمد عمرزوی دی او د طالبانو د قطرد دفتر مرستیال شېرمحمد عباس ستانکزی په لوړو پوستونو وګومارل شي. د طالبانو یوه چارواکي د خپل نوم نه ښودلو په شرط رویټرز ته ویلي چې جګپوړي مشران کابل ته رسېدلي او د نوي حکومت د اعلانولو وروستۍ مرحلې ته تیاری نیسي. Читать дальше...
د پاکستان بهرنیو چارو وزارت د سېپټېمبر پر دویمه په یو خپور شوي بیان کې ویلي چې ډومینیک راب به د پاکستان بهرنیو چارو وزیر شاه محمود قریشي او ځینو نورو حکومتي چارواکو سره خبرې کوي.
دغه ادارې د سېپټېبر پر دویمه په یوې خبر پاڼه کې وویل چې لومړنۍ پرواز به د سېپټېمبر پر درېیمه رځ له کابله مزار شریف ته ترسره شي.
رویټرز خبري اژانس د یوې بلې سرچینې په حواله ویلي چې د طالبانو مشر ملا هېبت الله اخونزاده به پر مذهبي چارو او حکومتدارۍ توجه ورکوي.
د پرلت مشر او د پښتونخوا ملي عوامي ګوند يو مخکښ نواب اياز خان جوګيزي د سېپټېمبر پر لومړۍ نېټه ناوخته پرلتوالو ته په وينا کې د راتلونکې تګلارې اعلان وکړ.
نوموړی له ډېرې مودې راهیسې ناروغه وو او د کراچۍ په یو شخصي روغتون کې تر درملنې لاندې وو د هغه عمر ۹۲ کاله وو.
د امریکا د متحدو ایالاتونو د خزانې وزارت وایي، متحده ایالات په پام کې نه لري چې د افغانستان هغه د سرو زرو، پانګې او د بهرنیو اسعارو د میلیارډونو ډالرو شتمني ازاده کړي چې د طالبانو له خوا د کابل له نیولو راهیسې یې کنګل کړې ده. د بشري مرستو موسسو او نورو لورو اندېښنې څرګندې کړي چې که دغه شتمنې ژر ازاده نه شي د دې خطر شته چې د افغانستان اقتصاد سقوط وکړي. د افغانستان د مرکزي بانک د لس میلیارډه ډالرو شتمني له هېواده بهر د امریکا په بانکونو کې کنګل شوې او طالبان د اګسټ له ۱۷مې راهیسې ورته لاسرسۍ نه لري. Читать дальше...
پاکستان له نړیوالې ټولنې غوښتي چې په افغانستان کې د طالبانو له واک ته رسېدو وروسته له دې هېواد سره په درېيو برخو کې کار وکړي. له ۱۴ میلیونو افغانانو سره چې د لوږې له بحران سره مخامخ دي: فوري مرسته وکړي. د یوه ټول شموله حکومت ملاتړ وکړي. او په افغانستان کې له طالبانو سره کار وکړي چې پر ټولو تروریستي ډلو برید وکړي. په ملګرو ملتونو کې د پاکستان سفیر منیر اکرم پرون پنجشنبه له اسوشیټېډ پرېس خبري اژانس سره په مرکه کې په افغانستان کې د نړیوالې ټولنې د راتلونکي رول په اړه د خپل حکومت لیدلوري څرګندې... Читать дальше...
د افغانستان خوست جنايي څانګې پخوانۍ افسره ځلا ځاځۍ وايي چې که څه هم له هېواده بهر ده خو د نورو ښځینه پولیسو په اړه سخته اندېښمنه ده. هغې وویل طالبان دې د ښځو حقونه او د ژوند خوندیتوب ډاډمن کړي.ځلا ځاځۍ له ګواښونو وروسته افغانستان پرې اېښی دی. صفي الله ستانکزي ورسره مرکه کړې.
د افغانستان د ملکي هوایي چلند ادارې خبر ورکړی چې د اریانا افغان هوايي شرکت له نن جمعې خپل داخلي پروازونه بېرته پیلوي. دې ادارې او په خپله اریانا شرکت په اعلامیو کې دا یادونه کړې ده. لومړۍ الوتنه د کابل – مزارشریف ده چې د نن جمعې لپاره پلان شوې ده. د اریانا شرکت د الوتنو د تنظیم برخې مسوولینو ازادي راډیو ته وویل چې لومړی پرواز به نن د کابل په وخت د ماسپښين په درېیو بجو له کابل د مزارشریف په لور وي. د کابل هوايي ډګر د طالبانو تر راتلو وروسته د ملکي او تجارتي پروازونه په مخ تړلی و او یوازې... Читать дальше...
د افغانستان د کرکټ د ملي ټیم د لوبغاړو تر منځ یوه شل اوورېزه لوبه نن د کابل په سټډیوم کې پیل شوې. د یوې لوبډلې کپټاني حشمت الله شهیدي کوي او د بلې هغې ګلبدین نایب. د حشمت الله شهیدي لوبډله چې د سولې اتلان نومیږي د نننۍ لوبې پچه ګټلې او د ګلبدین نایب په مشرۍ ټیم سولې اتلان پر وړاندې د بېټینګ پرېکړه کړې ده. شهیدي د لوبې تر پیل مخکې له خلکو غوښتي و چې میدان ته ورشي او لوبه وړیا وګوري. کرکټ بورډ ویلي چې دا شل اوورېزه لوبه یې د خپلواکۍ جام په نوم برابره کړې ده چې په کې د کرکټ د ملي ټیم لوبغاړي ګډون لري. Читать дальше...
طالبان وايي، چین به له افغانستان سره ډپلوماټیکې وساتي او نوی حکومت به له بجینګ څخه اقتصادي مرستې ترلاسه کړي. دا خبرې د طالبانو د ادارې ویاند ذبیح الله مجاهد پرون یوې ایټالوۍ ورځپاڼې له رېپوبلېکا ته کړي. هغه زیاته کړې چی د افغانستان په بیارغونه او د دغه هېواد د اقتصادي بې ثباتۍ د مخنیوي په برخه کې د طالبانو اصلي شریک چین دی. طالبانو د اګسټ له پنځلسمې پر کابل ولکه ټینګه کړه او ژمنې یې کړي چې د خلکو او ښځو حقونه به رعایتوي او له غچ اخېستونکو اقداماتو ډډه کوي. امریکا او متحدینو یې له افغانستانه... Читать дальше...
په امریکا کې سیلابونو لږ تر لږه ۴۱ کسان وژلي دي. سیلابونه د ایدا سمندري توپان له امله راوتلي چې ډېر زیان یې په همدې وروستۍ دوو ورځو کې د نیوجرسي او نیویارک خلکو ته اړولی دی. د راپورونو له مخې ۲۳ کسان په نیوجرسي او ۱۲ تنه هم په نیویارک کې مړه شوي دي. سمندري توپان ایدا لومړی د اګسټ په ۲۹ لویزیانا ته ورغلی وو او له هغه ځایه یې مخه د نیویارک او نیوجرسي په لور تاو شوه. په ټولو هغو سیمو کې چې سمندري توپان ور رسیدلی او سیلابونه راوتلي ګڼ کورونه او سړکونه لاندې دي او خلکو ته ډېر تاوان اوښتی دی. Читать дальше...