د خوست په غلام خان بندر کې د شمالي وزیرستان لسګونه کډوالو د جون له ۱۵مې راهیسې احتجاجي پرلت وهلی دی او خپلو کلیو ته ستنېدل غواړي. د ۲۰۱۴ز کال په نیمايي کې په شمالي وزیرستان کې د وسله والو ضد د عملیاتو له پیلېدو سره سم زرګونه کورنۍ افغانستان ته واوښتې. دوه کاله وروسته له افغانستانه په پړاوونو کې د کډوالو ستنېدل پیل شول خو لا هم زرګونه خلک هلته مېشت دي. د شمالي وزیرستان انتظامیه وايي، د کډوالو د ستنولو هڅې کوي. ویډیويي رپورټ.
ملي جمهوري غورځنګ د پلازمېنې اسلام اباد په ګډون د پاکستان په یوشمېر ښارونو کې د وزیرستان ځوانانو سازمان د څلورو غړو د وژنې ضد مظاهرې کړې دي. هغه څلور فعالان د جون پر ۱۹مه په شمالي وزیرستان کې ووژل شول او د جون پر ۲۰مه خاورو ته وسپارل شول. د شمالي وزیرستان پولیس وايي، په برید کې د ککړو کسانو د نیولو او د قانون منګلو ته سپارلو ته ژمن دي. ویډیويي رپورټ.
په شمالي وزیرستان کې د هدفي بریدونو لړۍ له تېرو څو کلونو راهیسې په دوامداره توګه روانه ده. په ۲۰۲۲ز کال کې د دې رپورټ تر خپرېدو په مجموعي توګه ۲۵ هدفي بریدونه شوي دي.
یوه افغان الاصله اسټرالیايي مېرمن، فاطمه پیمان د اسټرالیا د سنا جرګې د غړې په توګه ټاکل شوې. اغلې پیمان د اسټرالیا د واکمن کارګر ګوند غړې ده، چې د جون په ۲۰مه د سنا جرګې د پایلو د اعلان پر مهال وتوانېده د لویدیځې اسټرالیا څخه سنا ته لار پیدا کړي. فاطمه پیمان په وړکتوب کې له خپلې کورنۍ سره له افغانستانه د هند سمندرګي له لارې په کښتیو کې اسټرالیا ته تللې وه. هلته یې له زده کړو او څو کلونو کاروبار وروسته بلاخره د جون په ۲۰ د اسټرالیا سنا جرګې ته لار پیدا کړه. هغې له اې بي سي راډیو سره په خبرو کې ویلي: "زما کیسه ۱۹۹۹ کال ته ورګرځي. Читать дальше...
د طالب چارواکو پر سفر د ملګرو ملتونو درې کلن بندیز د نه تمدیدېدو په صورت کې نن د جون په شلمه پای ته رسېږي. د بشري حقونو ملاتړې ادارو د ملګرو ملتونو له امنیت شورا غوښتي، چې د طالب چارواکو پر سفر بندیزونه وغځوي. د بشري حقونو د څار نړیوال سازمان د ښځو برخې مشرې هېدر بار نن د جون په شلمه ازادي راډیو ته وویل، چې په افغانستان کې پر ښځو او نجونو د طالبانو د سخت فشار له امله باید پر طالبانو د سفر بندیزونه ولګول شي. اوسمهال یوازې د طالبانو د ادارې پر ۴۱ غړیو د سفر بندیز لګېدلی خو درې کاله وړاندې د ډونالډ... Читать дальше...
د بریتانیا حکومت ویلي، چې پنځه تنه اتباع یې په افغانستان کې له توقیفه ازاد شوي دي. د بریتانیا د بهرنیو چارو، ټولګټو او پراختیا ادارې یوه ویاند ویلي: "دوی د افغانستان د اوسنۍ ادارې له خوا د دغو کسانو د خوشې کېدو هرکلی او مننه کوي." د دغې ادارې له خوا خپره شوې خبرپاڼه کې راغلي، چې توقیف شویو کسانو د بریتانیا حکومت کې دنده نه درلوده او د بریتانیا د سفر د سپارښتنو له پاملرنې پرته یې افغانستان ته سفر کړی دی. د بریتانیا حکومت ویلي، که دغو اتباعو یې د افغانستان کوم دود دستور یا قانون مات کړی وي، دوی یې په تړاو بښنه غواړي. Читать дальше...
په اندونیزیا کې یو شمېر افغان کډوالو نن په بېلابېلو اعتراضیه ناستو کې غوښتنه وکړه، چې اساسي حقونه یې باید ورکړل شي. په اندونیزیا کې مېشت يو افغان کډوال وايي، په دې هېواد کې له کلونو تېرېدو وروسته یې هم د بیا مېشتېدو ستونزه نه ده حل شوې. افغان کډوال د دوشنبې په ورځ د اندونیزیا په بېلابېلو ښارونو کې د کډوالو په چارو کې د ملګرو ملتونو د عالي کمېشنرۍاو د دې هېواد د بشري حقونو د دفترونو مخې ته را ټول شوي وو او د خپلو اساسي حقونو غوښتنه یې کوله. افغان کډوال کامران، چې د اندونیزیا د سورابیا ښار په... Читать дальше...
په افغانستان کې د ملګرو ملتونو سیاسي استازولۍ یوناما د ننګرهار په غني خېلو کې پر ملکیانو برید غندلی او ویلي، چې باید دا حملې ژر تر ژره ودرول شي. په افغانستان کې د ملګرو ملتونو مرستندوی ماموریت یوناما ویلي، د ملکیانو د هدف ګرځولو دوامداره حملې باید ژر تر ژره پای ومومي. یوناما دغه څرګندونې د ننګرهار د ننني برید د غندنې په پار یوه بیان کې کړي دي. دغه بیان کې چې د یوناما پر ټویټر خپور شوی راغلي، چې د ننګرهار په برید کې د ماشومانو په ګډون یو شمېر ملکیان ټپیان شوي دي. په ننګرهار کې د طالبانو د... Читать дальше...
په افغانستان کې د ملګرو ملتونو مرستندوی ماموریت یوناما ویلي، د ملکیانو د هدف ګرځولو دوامداره حملې باید ژر تر ژره پای ومومي. یوناما دغه څرګندونې د ننګرهار د ننني برید د غندنې په پار یوه بیان کې کړي دي. دغه بیان کې چې د یوناما پر ټویټر خپور شوی راغلي، چې د ننګرهار په برید کې د ماشومانو په ګډون یو شمېر ملکیان ټپیان شوي دي. په ننګرهار کې د طالبانو د اطلاعاتو او فرهنګ ریاست مسولانو ازادۍ راډیو ته ویلي، چې چاودنه د غني خېلو ولسوالۍ په شیرګړ بازار کې د یوه محلي مسوول پر موټر شوې ده. دوی ویلي، پېښه... Читать дальше...
د پاکستان تحریک انصاف د مشر عمران خان په وینا، د هغه ګوند غړو او پلویانو د جون ۲۰مې پر ماخوستن د اسلام اباد، پېښور او مردان په ګډون په یوشمېر ښارونو کې مظاهرې وکړې. عمران خان احتجاجي جلسو ته په ویډیويي وینا کې تور پورې کړ چې حکومت د ګرانۍ په کمولو او اقتصاد سمولو کې پاتې راغلی دی. حکومت وايي، اقتصادي بحران د عمران خان د څه د پاسه درې کلنې واکمنۍ زېږنده دی. ویډیويي رپورټ.
د ورزشي اژانسو د راپورنو له مخې، د سعودې عربستان فوټبال لوبډله د ازبکستان پر وړاندې په بریا سره په لومړي ځل د اسیا ۲۳کلونو کم عمره اتلولۍ مقام ته ورسېده. د اسیا اتلولیو ۲۳کلونو کم عمرو فوټبال وروستی پړاو سیالۍ چې د ازبکستان او عربستان لوبډلو ترمنځ د تاشکند ښار بنیاد کار لوبغالي کې تېره ورځ ترسره شوه په پایله کې عربستان د ۲/۰خپل سیال ته ماتې ورکړه او په لومړۍ ځل یې د اتلولۍ مقام ترلاسه کړ. دغه سیالۍ دوه اونۍ وړاندې د ازبکستان په پلازمېنه تاشکند کې پیل شوې وي.
د کابل د بدن ښکلا فدراسیون په خپل فېسبوک پاڼه لیکلي چې د بدن ښکلا او فټنس په دغو سیالیو کې د پلازمېنې له څلورو زونو څخه ۲۰۰ ورزشکارانو برخه اخیستې وه. دغه سیالۍ چې د یوې ورځې لپاره وې تېره ورځ ناوخته پای ته ورسېدې. د سياليو موخه هم د کابل ښار منتخب ټيم ته د غوره څېرو پېژندنه ښودل شوي وه.
عبدالله جان له شاوخوا ۳۵ کلونو راهیسې په پاکستان کې د کډوالۍ ژوند تېروي. نوموړی وايي، د ژوند زیاتره برخه یې د پاکستان په بېلابېلو ښارونو کې په مزدوریو او خوارۍ تېره کړه او هره ورځ دا هیله لري چې یوه ورځ به افغانستان ته ستون شي. نوموړي دا څرګندونې د کډوالو نړیوالې ورځې په مناسبت له مشال راډیو سره کړې دي. د کډوالو ورځ هر کال د جون پر ۲۰مه لمانځل کېږي. عبدالله جان اوس په پښین کې اوسي او بزګري کوي. ویډیويي رپورټ.
د اسیا په کچه د تکواندو د اتلولیو سیالیو ۲۵م پړاو د جنوبي کوریا په کوربه توب ترسره کېږي. د افغانستان د بدني رزونې او ورزش ریاست په خپل فېسبوک پاڼه لیکلي، دغه سيالۍ چې د روانې میلادي مياشتې په ٢٣مه پيلېږي، د افغانستان په استازيتوب پنځه لوبغاړي: محسن رضايي، حکمت الله زين، رامش حسيني، حسين لطفي، علي اکبر اميري پهکې ګډون کوي. د دې ریاست د معلوماتو له مخې، د دې ټیم سره یوازې یو روزونکی او لوبډلمشر هم کوریا ته سفر کوي. د جنوبي کوريا په (چون چان) ښار کې د اسيايي تکواندو په سيالۍ کې د څه دپاسه ٣٠ اسيايي هېوادونو ورزشکاران ګډون کوي.
په غلام خان بندر کې ناروغ لرونکي وايي، د څو څو ورځو انتظار وروسته هم اجازه نه ورکول کېږي، چې خپل عاجل ناروغان د درملنې لپاره پاکستان ته واړوي. دوی وايي، پاکستان ته د غلام خان پر لاره د ډاکټرانو په سپارښتنه عموماً هغه ناروغان وړل کېږي، چې د زړه، پښتورګو او کېنسر/سرطان په ګډون نورې سختې ناروغی ولري. د ناروغ لرونکو په وینا، له دې ځایه هره ورځ د سلګونو ناروغانو له ډلې ایله شاوخوا لسو ناروغانو ته د اوښتو اجازه ورکول کېږي او د ورځې په پای کې پاتې کسان نهیلي خپلو کورونو ته ستنیږي.
د اوکراين ولسمشر ولودمیر زلنسکي ویلي، روسي ځواکونه به د ډېرو سیمو د نیولو لپاره حملې شدیدې کړي. د جګړې د شدت او اوږدېدو وړاندوینې داسې مهال کیږي چې د همدې اونۍ په پای کې اروپایي ټولنه غونډه کوي چې اوکراین ته د غړیتوب دپاره د نوماندۍ حیثیت ورکړل شي او که نه. د اوکراین ولسمشر وایي، د همدې اونۍ په ترڅ کې به دوی د دغه هېواد په ختیځ کې "په ښکاره ډول" د روسي ځواکونو د جګړیزو فعالیتونو د زیاتېدو شاهدان وي. ولودمیر زلنسکي پرون په خپله شپنۍ وینا کې وویل چې د دوی دفاعي ځواکونه د روسیې د حملو زیاتېدو ته چمتوالی لري. Читать дальше...
د کمیسارۍ مرستیال عبدالوکیل عزام وايي، د پاکستان لوري ورسره ژمنې کړي، خو تر اوسه يې د اوښتونکو ناروغانو شمېر نه دی ډېر کړی.
په ننګرهار کې د طالبانو د حکومت د اطلاعاتو او فرهنګ ریاست یوه چارواکي چې له رسنیو سره یې د خبرو اجازه نه لرله، د نوم نه ښوولو په شرط مشال راډیو ته وویل، په ژوبلو کې پینځه طالبان هم شامل دي.
د خیبر پښتونخوا د سرکاري سکولونو نویو استادانو د پېنشنونو ختمېدو ضد د اسلام اباد په بني ګالا کې د تحریک انصاف ګوند مشر عمران خان کور مخې ته احتجاجي پرلت وهلی دی. دوی د جون پر ۱۹مه د احتجاج پیلولو پر مهال مشال راډیو ته وویل، صوبايي حکومت د نویو ګومارل شویو سرکاري کارکوونکو پېنشن ختم کړی دی او پر ځای یې د کنټرېبیوټر پراوېډنټ (سي پي) فنډ په نوم یو صندوق پرانیستی دی چې پکې هر کارکوونکی د تنخا یوه برخه وراچوي او حکومت هم پکې له خپلې خوا پیسې اچوي. په دې توګه کارکوونکي د تقاعدېدو یا ریټاېرېدو پر وخت د... Читать дальше...
دې سازمان نن د کډوالو د نړیوالې ورځې په مناسبت خپره شوې شوې اعلامیه کې لیکلي، یو شمېر هېوادونو کې افغان کډوال له خپلو انساني حقونو برخمن نهدي. دانش افغان چې د ترکیې په استانبول کې افغان کډوال دی او له دوی سره د ترکیې د پولیسو د چلند کیسه کوي وايي، په کور، کار ځای او هیڅ یوه سیمه کې خوندي نهدي. نوموړی وايي: "پرون موږ د استانبول په یوه فابریکه کې کار کاوه، پولیسو راغلل یو ځل یې پوښتنه وکړه او بیا یې چاپه ووهله. له هغه ځای موږ ووتلو او یو بل ځای ته راغلو. نن سبا ډېر بد وضعیت دی، افغانان ډېر زیات... Читать дальше...
د ننګرهار د اطلاعاتو او فرهنګ ریاست یوې سرچینې چې نه یې غوښتل نوم یې خپور شي ازادي راډیو ته وویل چې په ټپیانو کې پنځه نظامي طالبان هم شامل دي. اخوا د غني خېلو لپاره د طالبانو ولسوال مولوي صدیق الله باختر اژانس ته ویلی چې چاودنه نن سهار نږدې نهه بجې د یادې ولسوالۍ په شیرګر بازار کې د ولسوالۍ د عامې روغتیا د مدیر په موټر شوې ده. نوموړي دغه شان ویلي چې چاودنه د چسپکي ماین له امله رامنځته شوې ده. خو د سیمې یو شمېر اوسېدونکو او عیني شاهدانو ازادي راډیو ته د وژل شویو شمېر څلور تنه یاد کړی او ویلی دي چې د یو شمېر ټپیانو روغتیايي حالت هم نازک دی.
د طالبانو د صنعت او سوداګرۍ وزارت په خپل ټویټر پاڼه لیکلي چې په دغې کارخونه کې یو افغان سوداګر نږدې یو میلیون امریکايي ډالره پانګونه کړې. د وزارت په وینا، یاده کارخونه اوس مهال خپل تولیدات اروپايي هېوادونو، روسیې، چین او ټایلنډ ته صادروي. د طالبانو د صنعت او سوداګرۍ وزارت په داسې حال کې په دغه کمپنۍ کې خلکو ته د کار زمینو برابرولو خبره کوي، چې په افغانستان کې بېکارۍ او فقر له هر بل وخته د خلکو ژوند له سختو کړاونو سره مخ کړی. له دې وړاندې نړېوالو سازمانو هم په افغانستان کې د بېکارۍ او فقر کچه... Читать дальше...
د افغانستان د سوداګرۍ او پانګونکې خونې چارواکو په روسیه کې له یوشمېر روسي سوداګرو سره په لیدنه کې له هغوي افغانستان ته د نفتي او خوراکي موادو د وارداتو او صادارتو په برخه کې د همکارۍ غوښتنه کړې. د سوداګرۍ او پانګونې خونې تېره ورځ ناوخته په یوې خبرپاڼه کې ویلي، د خونې چارواکو دغه شان د کریمیا په چارو کې د روسیي ولسشمر له ځانګړي استازي سره هم په ورته مسایلو خبرې کړي دي. د خونې په خبره، افغان پلاوي د اوړو، غنمو، غوړیو، او نفتي موادو د وارداتو او صادراتو په برخه کې له مقابل لوري د همکارۍ غوښتنه کړې. Читать дальше...
په عراق کې د فنا کېدو له خطر سره مخامخ ځانګړي هوسۍ په دښتو کې خپل خوراک لټوي، خو په دې کې زياتره د اقليمي بدلون او د خوړو د نيشتوالي له وجې مړې کېږي. د عراق په ساوا کې په تېره يوه میاشت کې د نري ښکر لرونکو رِم هوسيو شمېر له ۱۴۸ څخه ۸۷ ته راټيټ شوی دی. په دې اړه ګل اياز د فرانس پرېس اژانس له ويډيو څخه راپور جوړ کړی دی.
د کابل په کارته پروان سیمه کې د هندوانو او سېکهانو په ګرودواره د شنبې د ورځې تر حملې ورسته، د هند حکومت لسګونه افغان هندوانو او سېکهانو ته انلاین ویزې ورکړې دي، خو هند ته تللي يو شمېر سيکان او هندوان هلته له سختو اقتصادي ستونزو سره مخ دي. شمي سینګ هند مېشتی افغان سېکهـ، په هغه هېواد کې د مېشتو افغان هندوانو او سېکهانو د اقتصادي ستونزو په اړه وايي: "تېر کال راغلم په ۲۰۲۱ کې، کوم کسان چې دلته راغلي، اقتصاد یې ډېر ټېټ دی، ژوند یې ډېر مشکل دی، هلته یې هم د نا امنۍ له وجې دوکانونه، کورونه هر څه پاتې... Читать дальше...