Равшанбек Собиров, соҳибкори шинохта ва раиси Созмони тоҷикони Қирғизистон ба номи Абуабдуллоҳ Рӯдакӣ, мушовири президенти ин кишвар таъйин шуд. Дар ин бора рӯзи 5-уми феврал фармони раиси ҷумҳури Қирғизистон, Содир Ҷабборов, нашр гардид.
"Дар ҳоле ки дар Тоҷикистон ҷойи кори муносиб нест, донишгоҳҳои зиёд чӣ даркор?" Ин суоли хабарнигорон аз вазири маориф ва илми Тоҷикистон буд, ки дар нишасти матбуотии рӯзи 5-уми феврал баҳси гармеро ба по кард.
Дар як соли охир вобаста ба тақсиму фурӯши замин дар Тоҷикистон беш аз 11 ҳазор мавриди қонуншиканиро сабт кардаанд.
Дар Кумитаи сохтмон ва меъмории Тоҷикистон гуфтанд, ширкати "Комил-2010"-ро, ки бо номи “ширкати Бег Сабур” машҳур аст ва дар Душанбеву минтақаҳои дигар биноҳои баландошёна месозад, ба "рӯйхати сиёҳ" ворид карданд.
Масъулони Донишгоҳи давлатии Хуҷанд гуфтанд, соли гузашта бар асари бемории илтиҳоби шуш ё "пневмония" чаҳор устоди донишгоҳ ҷони худро аз даст додаанд.
Раиси Кумитаи замин дар Тоҷикистон гуфт, д ар назар аст, манзилҳое, ки дар гузашта, ба қавли ӯ, "ғайриқонунӣ сохта шудаанд", имсол афв шаванд.
Сокини Ворухро, ки бо дархости Бишкек дар Русия боздошт шуд, як моҳ ба ҳабс гирифтанд.
Аввалин мансабдори баландпояи Иттиҳоди Аврупо, ки баъд аз соли 2017 ба Маскав рафтааст, гуфт, ҳабси Алексей Навалний ва саркӯби эътирозгарон робитаҳои Брюсселу Маскавро ба “сатҳи поинтарин” расонд.
Дар ҳамлаи шабонгоҳии Толибон ба як посгоҳи амниятии Кундузи Афғонистон дастикам 16 узви нирӯҳои амниятӣ кушта ва ду нафар маҷрӯҳ шуданд. Ғуломраббонии Раббонӣ, як узви шӯрои Кундуз рӯзи 5 феврал гуфт, ки ҷангиён ба посгоҳи Тори Ахтари ноҳияи Хонобод ҳамла карданд ва даргириҳо се соат идома дошт. Ба иттилои ӯ, ду корманди дигари ин посгоҳ гаравгон гирифта шуданд. Як мақоми дигар гуфт, ки Толибон тамоми силоҳу муҳимотро бо худ бурданд. Мақомот гуфтанд, ки ин посгоҳ зери назари раёсати амнияти миллии Афғонистон буд. Читать дальше...
Коронавирус баъзе сокинони деҳоти Тоҷикистонро аз ҳам дур кард.
Дар Маскав муҳоҷирон ба ваксинаи бепули зидди коронавирус майл нишон намедиҳанд.
Додгоҳи ноҳияи Кугарчини Бошқирдистон дар Русия Фурқат Абдуфаттоев, шарҳванди Тоҷикистонро, ки бо дархости Қирғизистон рӯзи 1-уми феврал дастгир шуд, як моҳ ба ҳабси пешакӣ гирифт. Масъулони консулгарии Тоҷикистон дар шаҳри Уфа гуфтанд, барои ҳимоят аз Абдуфаттоев ва озод шудани ӯ талош доранд.
Президенти ИМА Ҷо Байден рӯзи панҷшанбе дар мулоқот бо кормандони Департаменти давлатии ин кишвар гуфт, мухолифи рус Алексей Навалний бояд аз зиндон озод карда шавад. Байден аз суҳбати телефонии ахири худ бо ҳамтои русаш Владимир Путин ёдовар шуд. Ба гуфтаи Байден, замоне, ки ИМА дар баробари фаъолиятҳои Русия таслим мешуд, ба поён расидааст. Ӯ дахолат ба интихоботи президентӣ ва ҳамлаҳои ҳакерии Русияро намуна овард. Байден ба иштирокдорони вохӯрӣ таъкид кард, ки Москва ҳанӯз ҳам дар фикри зарба задан ба демократияи Амрико аст. Читать дальше...
Дар Русия мурофиаи нави додгоҳии Алексей Навалний шурӯъ шуд. Ин навбат раҳбари мухолифонро аз рӯи моддаи "таҳқир" ва "тӯҳмат" дар як шарҳаш дар Твиттер муҳокима мекунанд, ки ба як навори видеоии рӯ ба Кремлин рабт мегирад. Навалнийро ба таҳқири як собиқадори Ҷанги дуюми ҷаҳон айбдор мекунанд, ки дар навори видеоии таблиғотӣ тарафдории худро аз тағйироти конститутсияи Русия баён карда буд. Ин тағйирот, ки порсол қабул шуд, ба президент Владимир Путин имкон медиҳад, ки бемӯҳлат дар интихоботи президентӣ иштирок кунад. Читать дальше...
Вазири маориф ва илми Тоҷикистон гуфт, соли гузашта 3 ҳазор ҷавони тоҷик ба донишгоҳҳои хориҷӣ дохил шуда, вале бо сабаби баста будани марзҳо натавонистанд, ба макони таҳсилашон раванд.
Додгоҳе дар Стокҳолм ҳукми сафедкунандаи се мақомдори собиқи ширкати азими мухобиротии Telia-ро, ки дар порадиҳӣ ба духтари президенти пешини Узбекистон Гулнора Каримов дар ҳаҷми 320 миллион доллар айбдор мешуданд, бетағйир гузошт. Ларс Нюберг, собиқ раҳбари иҷроияи Telia ва ду ҳамкори собиқаш барои порадиҳӣ ба собиқ коршарикашон дар Узбекистон дар солҳои 2007 то 2010 гунаҳгор шуданд, худи онҳо иттиҳомро рад мекунанд. Додгоҳи таҷдиди назари Стокҳолм рӯзи 4 феврал ҳукми додгоҳи зинаи поёниро дар бораи сафед шудани ин се нафар дастгирӣ кард. Читать дальше...
Вазири маориф ва илми Тоҷикистон рӯзи 5-уми феврал ба хабарнигорон гуфт, Узбекистон хостори таъсиси донишгоҳи муштарак шуд.
Президенти ИМА ҷо Байден ваъда дод, ки дар сиёсати хориҷии кишвар аҳди нав фаро расидааст ва паёми он “Бозгашти Амрико” аст, ки, аз ҷумла, муқобила бо “худкомагиҳо”-и Чину Русия ва наздикшавӣ бо муттафиқонро дар назар мегирад. Зимни суханронии 4-уми февралаш Байден гуфт, ки баъди чор соли маъмурияти Доналд Трамп дар сиёсати хориҷӣ тағйироти ҷорӣ карда, дубора нақши пешбарандаи ИМА дар арсаи байналмилалиро барқарор хоҳад кард. Байден, аз ҷумла, гуфт, ки ИМА барои ҳимоят аз манфиатҳои худ ва мардумаш дар баробари Русия истиҳола намекунад. Читать дальше...
Дар Кумитаи сохтмон ва меъмории Тоҷикистон гуфтанд, ширкати "Комил-2010"-ро, ки бо номи “ширкати Бег Сабур” машҳур аст ва дар Душанбеву минтақаҳои дигар биноҳои баландошёна месозад, ба "рӯйхати сиёҳ" ворид карданд.
Ҳамкорони Алексей Навалний дар фурсати наздик дигар даст ба эътироз заданӣ нестанд. Дар ин бора Леонид Волков, раҳбари ситодҳои минтақавии Navalny.LIVE хабар дод. Радио Свобода менависад, дар паи намоишҳои сартосарии эътирозии 23 ва 31-уми январ ва инчунин 2 февралу ҳабсҳои фаъолон эҳтимоли масдуд шудани кори тими Навалний ва ҳам камаҳамият шудани эътирозҳо вуҷуд дорад. Илова ба ин, бархе фаъолон дар минтақаҳои Русия бо таҳдиди парвандаҳои ҷиноӣ рӯбарӯ ҳастанд. Волков гуфт, эҳтимолан эътирозҳои хиёбонӣ аз баҳор азсар гирифта шаванд. Читать дальше...
Маҳмадсаид Зувайдзода, раиси Кумитаи сохтмон ва меъмории Тоҷикистон, рӯзи 5-уми феврал дар нишасти хабарӣ гуфт, "минбаъд барои сохтмони манзилҳои бисёрошёнаи истиқоматӣ ба ин ширкат ("Комил-2010") қарордод баста намешавад".
Жозеп Боррелл, раиси сиёсати хориҷии Иттиҳоди Аврупо рӯзи 5 феврал дар мулоқот бо вазири хориҷаи Русия Сергей Лавров мавзӯи ҳабси раҳбари мухолифони ин кишвар Алексей Навалнийро матраҳ кунад. Боррелл, ки рӯзи 4 феврал бо як сафари серӯза вориди Маскав шуд, норозигии шадиди Иттиҳоди Аврупо бо Маскавро дар робита бо “низоъ дар ҳамсояи наздиктарини худ” баён кард. Кишварҳои аврупоӣ ҳабси Навалний ва ширкатдорони намоишҳои эътирозиро маҳкум карданд. Навалний баъди бозгашт аз табобати заҳролудшавӣ дар Берлин боздошт ба мӯҳлати 2 солу 8 моҳ ҳабс шуд.
Ширкати азими дорусозии Johnson & Johnson аз мақомоти дахлдори ИМА дархост кард , ки воксинаи сохтаи он бар зидди COVID-19-ро ба таври изтирорӣ сабтином кунад. Агар ин воксина иҷозат дода шавад, ширкати сеюм дар Амрико мешавад, ки воксинааш барои истифода иҷозат дода мешавад. Як бартарии воксинаи ин ширкат дар он аст, ки ба фарқ аз воксинаҳои Pfizer/BioNTech ва Moderna, шарт нест, ки дар ҳарорати сард нигаҳдорӣ шавад ва на аз ду, балки як дафъа сӯзанзанӣ иборат аст. Johnson & Johnson гуфт... Читать дальше...