Новости за 19.05.2022

Сарвар Бахтӣ, писари шоир, дар ин бора рӯзи 19-уми май дар Фейсбук хабар дод. Иллати марги ӯ гуфта нашудааст.

Намоиши "Манқурт" аз рӯйи асари Чингиз Айтматов ва дар коргардонии Барзу Абдураззоқов, ки бояд шоми 20-уми майи имсол дар Душанбе рӯйи саҳна меомад, боздошта шудааст.

Манобеи Радиои Озодӣ гуфтанд, ба зидди Улфатхонум Мамадшоева, фаъоли ҷомеаи шаҳрвандии Бадахшон, ба иттиҳоми “даъвати оммавӣ барои сарнагунии ҳокимият” парванда боз шудааст.

Сокинони Бадахшон мегӯянд, амалиёт дар Рӯшон барои саркӯби тазоҳуроти мардуми оддӣ буд, ки ба нишони эътироз аз амалкардҳои мақомот дар шаҳри Хоруғ шоҳроҳи Душанбе-Қулмаро бастанд. Ин роҳ Тоҷикистонро ба Чин васл мекунад.

Чанд сокини ноҳияи Рӯшони ВМКБ, ки ба далели амниятӣ номашонро зикр намекунем, гуфтанд, рӯзи 19-уми май ҷасади 21 кушташударо гирифтаанд. Дар ибтидо сухан аз 17 ҷасад мерафт.

Сенати порлумони Қазоқистон дар ҷаласаи рӯзи 19-уми май созишнома байни ҳукумати ин кишвар ва ҳукумати Чинро дар бораи пешгирӣ аз интиқоли маводи ҳастаӣ ва партовҳои радиоактивӣ ба тасвиб расонд.

Вазорати корҳои дохилии Тоҷикистон 19 май гуфт, дар ҷараёни амалиёти ба қавли мақомот "зиддитеррористӣ" дар ноҳияи Рӯшон 114 нафарро дастгир кардаанд. Сокинони Бадахшон мегӯянд, амалиёт дар Рӯшон барои саркӯби тазоҳуроти мардуми оддӣ буд.

Ҳаёти оилаҳои ҷангиёни собиқ ДОИШ дар урдугоҳҳои сурия чӣ гуна аст?

Чанд созмону кишварҳои ғарбӣ ба воқеаҳои ахир дар Бадахшон вокуниш карданд. Онҳо аз мақомот хостаанд, эътирозгарони осоиштаро саркӯб накунад. Ҳамзамон ду тарафро ба муколама даъват кардаанд.

Толибон фармон додаанд, ки хабарнигорони зан дар Афғонистон ҳангоми муаррифии барномаҳо дар телевизион чеҳраи худро то чашм бипӯшонанд.

Рӯзи 18-уми май чаҳор бозии даври ҳаштуми мусобиқаи қаҳрамонии футболи Тоҷикистон миёни дастаҳои лигаи олӣ баргузор шуд. Пешсафи ҷадвали мусобиқа – “Хатлон”-и Бохтар - дар майдони худ “Равшан”-и Зафарободро бо ҳисоби 1:0 мағлуб кард. Голи Нуриддин Ҳамроқулов дар дақиқаи 57-ум ба бохтариҳо се имтиёз овард. «Хатлон» аз ҳама бештар – дар 5 бозӣ пирӯз шудааст. “Истиқлол”-и Душанбе дар Варзишгоҳи марказии ҷумҳуриявӣ “Регар-ТадАЗ”-и Турсунзодаро бо ҳисоби 3:1 шикаст дод. Голҳои “Истиқлол”-ро Манучеҳр Ҷалилов... Читать дальше...

Оқохон (Оғохон)-и чаҳор, пешвои исмоилиёни ҷаҳон, аз ҷумла дар Тоҷикистон, гуфтааст, аз такрори нооромиҳо дар Вилояти Мухтори Кӯҳистони Бадахшон "сахт нигарон аст". Ӯ рӯзи 18-уми май дар паёме аз пайравонаш дар вилоят хост, "ихтилофҳоро бо муколама ва дар рӯҳияи эҳтирому ҳамдигарфаҳмӣ ҳал кунанд."

Фикр мекунам, на танҳо дар инҷо, балки дар ҳар кишвари демократию ҳуқуқбунёд ва ҳар ҷое, ки озодии андешаву баён аз тарафи қонуни асосии он кишвар кафолат дода шудааст, баргузории тазоҳурот амре маъмулист.

Муҳаммад Аброриддинов, варзишгари тоҷик, дар мусобиқаи байналмилалии бокс ба хотираи Қаҳрамони Иттиҳоди Шӯравӣ генерали артиш Сагадат Нурмагамбетов, ки дар шаҳри Алматои Қазоқистон баргузор шуд, медали нуқра ба даст овард.  Муштзани тоҷик, ки дар рақобатҳо дар вазни беш аз 92 кило ба финал роҳ ёфт, дар қувваозмоии ниҳоӣ аз варзишгари қазоқ Дамир Тойбай мағлуб шуд ва бо медали нуқра сарфароз гашт.   Ба иттилои сомонаи sports.kz дар ин мусобиқа беш аз 180 варзишгар аз ҳамаи манотиқи Қазоқистон... Читать дальше...

Дастаи мунтахаби наврасони Тоҷикистон (U-16) рӯзи 18-уми май дар бозии севумаш дар мусобиқаи қаҳрамонии CAFA (Созмони футболи Осиёи Марказӣ)-2022 миёни наврасони то 16-сола, ки дар шаҳри    ушанбе ҷараён дорад, аз тими Узбекистон бо ҳисоби 0:2 шикаст хӯрд. Дар бозии дигари даври чаҳоруми қаҳрамонии CAFA-2022 мунтахаби Эрон тими Афғонистонро бо ҳисоби 1:0 мағлуб кард. Дар мусобиқаи қаҳрамонии CAFA-2022 дастаҳои мунтахаби наврасони то 16-солаи Афғонистон, Қирғизистон, Тоҷикистон, Узбекистон ва Эрон ширкат доранд. Читать дальше...

Созмони Дидбони ҳуқуқи башар ё Human Rights Watch бо нашри як баёния аз воқеаҳои ахир дар Вилояти Мухтори Кӯҳистон Бадахшон ибрози нигаронӣ карда, аз мақомот хостааст, иллати хушунат дар эътирозҳои ахирро баррасӣ кунад ва масъулони онро мавриди бозхост қарор диҳад.

Вазорати маорифи халқии Узбекистон дастурамали баргузории маросими хатми мактаб - "Занги охир"-ро таҳия кардааст. Вазорат ин дастурамалро ба ҳамаи мактабҳои миёнаи Узбекистон ирсол кардааст. Бино ба дастурамал, чорабинӣ дар саҳни мактаб баргузор ва бегонагон ба ҳудуди мактаб роҳ дода намешаванд. "Занги охир" аз соати 8:00 то 8:45 дақиқа давом мекунад. Дар маросим ба хонандагони пешсаф сипосномаҳо тақдим мегардад. "Хотиррасон мекунем, ки дар ин маросим ҷамъоварии маблағ аз хонандагон қатъиян манъ аст"... Читать дальше...

Вазорати ҳифзи тандурустии Қирғизистон хабар дод, ки 111 муассисаи хусусии тиббӣ дар ин кишвар баста мешавад. "Ин муассисаҳо ба талаботи тиббӣ ҷавобгӯ нестанд", -мегӯянд мақомот. Моҳи апрели соли ҷорӣ комисияи вижаи вазорати тандурустӣ фаъолияти 730 муассисаи хусусии тиббиро санҷид. Дар натиҷаи санҷиш маълум шуд, ки фаъолияти 111 муассиса ба талабот ҷавобгӯ нест. Ба илова, ба 148 муассисаи дигар, ки ба талаботи беҳдоштӣ ҷавобгӯ набуданд, барои ислоҳ муҳлат дода шуд. Ҳамзамон вазорати ҳифзи тандурустӣ хабар дод... Читать дальше...

Нозияи 32-сола, сокини вилояти Хатлон пас аз талоқ бо ҳамсараш бо се фарзанди ноболиғ дар хонаи иҷора дар шаҳри Бохтар зиндагӣ мекунад. Ӯ мегӯяд, бо вуҷуди ин ки додгоҳ ба пардохти алименти фарзандонаш ҳукм содир кардааст, аз соли 2018 ба ин сӯ ҳамсари собиқаш ин қарорро иҷро намекунад. Ниҳоят додгоҳ қарор кард, ки шавҳари собиқи Нозия барои ин қонуншиканӣ ба шаш моҳи зиндон маҳкум шавад.

Нозияи 32-сола, сокини вилояти Хатлон пас аз талоқ бо ҳамсараш бо се фарзанди ноболиғ дар хонаи иҷора дар шаҳри Бохтар зиндагӣ мекунад.