Новости за 18.11.2020

Aşgabat şäherinde 18-nji noýabrda irden gar ýagdy. Türkmen paýtagtyna ýylyň ilkinji gary ýagan mahaly, Lebap welaýatynyň oba ýaşaýjylary doňduryjy sowuk howa şertlerinde gaz, elektrik we suw üpjünçiliginden şikaýat edip, ýylynmakda uly kynçylyk çekýändiklerini aýdýarlar. Bu ýagdaýlar barada Azatlyk Radiosynyň habarçylary Aşgabatdan we Lebapdan habar berdiler. 18-nji noýabrda irden paýtagtda howanyň temperaturasy -1 gradusy görkezýän mahaly, sagat 7 töwereginde ilkinji gar ýagdy we aradan bir sagat çemesi geçenden soň eredi. Читать дальше...

Türkmenistanda ilatyň azyk üpjünçiligi uly mesele bolmagynda galýar. Kesgitlenen nyrhdan çäkli möçberde azyk satýan döwlet dükanlarynda nobatlar we dawa-jenjeller köpelmese, azalmaýar. Adamlar gijeden nobata durup, azyk önümleriniň ýany bilen dürli harytlary satyn almaga mejbur bolýarlar. Munuň bilen bir wagtda, azyk önümleriniň hususyýetçilerdäki bahalary yzygiderli gymmatlaýar. Bu barada Azatlyk Radiosynyň habarçylary ýurduň dürli sebitlerinden habar berýärler. 18-nji noýabrda Mary welaýatynyň... Читать дальше...

“Ýedinaýa Rossiýa” partiýasyndan bir kanun çykaryjy Russiýada raýatlaryň ýygnanyşmak hukuklaryny mundan-da beýläk has-da çäklendirýän iki kanun taslamasyny teklip edýär.

Türkmenistanda COVID-19 alamatlary bilen geçýän keselçilik ilat arasynda köp duş gelýär. Balkan, Daşoguz we Lebap welaýatlarynda keselleýänler köp. Türkmenabatdaky ýokanç keseller hassahanasy hassadan hyryn-dykyn. Bu ýeräki köpugurly klinikanyň işgärleriniň arasynda COVID-19 hadysalary bar, birnäçe lukman reanimasiýada bejergi alýar. Azatlygyň habarçylary bu barada ýerli saglyk edaralaryndaky çeşmelere salgylanyp habar berýärler.

Lebap welaýatynyň käbir edara-kärhanalarynda we önümçilik zawodlarynda derňew işleri dowam edip, onuň çäginde ýene-de ençeme kärhana ýolbaşçysy we jogapkär işgärleri, şol sanda howpsuzlyk gulluklarynyň wekilleri tussag edildi. Azatlyk Radiosynyň sebitdäki habarçysy Aşgabatdan gelen barlag toparynyň üstüni açan käbir ýagdaýlarynyň jikme-jiklerini hem anyklamagy başardy.

Türk parlamenti Azerbaýjan bilen Ermenistanyň arasynda Russiýanyň araçylygynda gazanylan ylalaşyga gözegçilik etmek üçin goşun ibermek çözgüdini tassyklady. Prezident Rejep Taýýip Erdogan Azerbaýjanda meýilleşdirilýän gözegçilik merkezine goşun ibermegi teklip edenden soň, parlament 17-nji noýabrda bu çözgüdi kabul etdi. Türkiýe bölünip aýrylan Daglyk-Garabag sebitiniň üstünde Azerbaýjan bilen etniki ermeni güýçleriniň arasynda alty hepde dowam eden çaknyşyklarda Azerbaýjany goldady we geçen... Читать дальше...

"Türkmen alabaýy" Aşgabadyň günbatarynda gurlan täze etrapçada ýerleşýär. Itiň 15 metrlik altynsow ýadygärligini gurmak pikiri prezident Gurbanguly Berdimuhamedowa degişlidir. 10-njy noýabrda ýadygärligiň uly dabara bilen açylan güni ýurduň dürli künjeklerinde köçelerdäki itler rehimsizlik bilen öldürildi.

ABŞ prezidenti Donald Tramp ýokary derejeli federal kiber howpsuzlyk resmisini işden boşatdy. Ol prezidentiň giň ýaýran galplyk baradaky öňe sürmelerini ret edip, 2020-nji ýylyň prezident saýlawlarynyň howpsuz bolandygyny aýdypdy. Tramp Kristofer Krebsi işden boşadýandygyny 17-nji noýabrda Twitterde yglan etdi. Prezident Krebsiň ýolbaşçylyk edýän agentliginiň saýlawlaryň howpsuzdygyny aýdan beýanatynyň “gaty ýalňyşdygyny” aýtdy. Trampyň ýazan twitleri ölen adamlaryň adyndan ses berlendigi, synçylaryň saýlaw merkezlerine goýberilmändigi... Читать дальше...

Russiýanyň parlamentiniň aşaky palatasy - Döwlet Dumasy öňki prezidentlere ömürlik eldegirmesizlik hukugyny berjek kanun taslamasynyň birinji maslahatyny tassyklady. Bu kanunçylyk geçen tomus referendumda tassyklanan konstitusion üýtgetmeler toplumynyň bir bölegidir. Täze konstitusion üýtgetmeler prezident Wladimir Putine 2036-njy ýyla çenli häkimiýet başynda galmaga mümkinçilik berýär. Täze kanun taslamasy öňki döwlet baştutanlaryna we olaryň maşgalalaryna jenaýat ýa-da administratiw jogapkärçiliklere... Читать дальше...

Ukraina soňky 24 sagadyň dowamynda COVID-19 bilen bagly täze rekord, 256 ölüm hasaba aldy, jemi heläk bolanlaryň sany 10 müň 112 adama ýetdi diýip, ýurduň saglyk ministri 18-nji noýabrda aýtdy. “18-nji noýabrda Ukrainada 12 müň 496 täze COVID-19 hadysasy resmi taýdan hasaba alyndy. Olardan 529 medisina işgärine we 535 çaga kesel ýokaşdy” diýip, Maksym Stepanow aýtdy. Soňky 24 sagadyň dowamynda Ukrainada 1 müň 668 adam COVID-19 alamatlary bilen hassahana ýerleşdirildi. Ýurt boýunça umumy hadysalaryň sany 570 müň 153 adama ýetdi.