Түбән Камага 2 мең доза вакцина кайтартылачак
(Казан, 1 февраль, «Татар-информ»). Түбән Камада коронавирустан вакцинациянең беренче этабын 576 кеше узды. Ә 150 кеше прививканың ике этабын да ясаткан. Түбән Камада яшәүче тагын 5 меңгә якын кеше дәвалау оешмаларына прививка ясату теләген белдереп, мөрәҗәгать иткән. Бу турыда Түбән Кама муниципаль районы рәсми сайты нда хәбәр ителә. Узган атна ахырында Татарстанга 19 мең доза «Спутник V» вакцинасы партиясе кайтартылган, аларның 2 меңе якын көннәрдә Түбән Камага кайтарылачак.