Новости за 12.07.2021

(Чаллы, 12 июль, «Татар-информ», « Шәһри Чаллы »). Яр Чаллы картиналар галереясендә 13 июльгә кадәр яшь рәссам Руслан Ибраһимовның «Передвижка» уникаль проекты уза. Руслан Ибраһимов Энтузиастлар бульварында пленар рәсем буенча мастер-класс оештыра. Көн саен 12:00 сәгатьтән башлап рәссам шәһәрнең истәлекле урынын, Чаллы шәһәренең үзенчәлекле визит карточкасы — Илдар Хановның «Ангел-хранитель» скульптурасы яза, диелә хәбәрдә. Рәссам иҗаты милли татар тарихына һәм мәдәниятенә багышланган. Күргәзмәдә... Читать дальше...

(Казан, 12 июль, «Татар-информ»). Ульяновск шәһәренең 2нче тарихи Җәмигь мәчетендә мәктәп балалары өчен беренче тапкыр көндезге җәйге лагерь эшли башлады. Малайлар һәм кызлар биредә Ислам дине йолаларын өйрәнә, Коръән серләре һәм намаз уку тәртибе белән таныша. Мәчет имам-хатыйбы Рәсүл хәзрәт Фәткуллов белдергәнчә, программа буенча лагерьда төрле спорт уеннары, бәйгеләр дә каралган. Төшке аштан соң балалар өйлә намазында катнаша. Моннан, тыш шәһәр буйлап төрле экскурсияләр, теплоходта Идел буйлап сәяхәтләр дә планлаштырылган. Читать дальше...

(Казан, 12 июль, «Татар-информ», Надежда Гордеева). Пандемия цифрлаштыру кирәклеген күрсәтте һәм аның инструментларын гамәлгә кертү процессын тизләтте. Бу хакта Татарстан Премьер-министры Алексей Песошин Президент академиясенең тугызынчы халыкара җәйге кампусында белдерде. «Әлбәттә, цифрлаштыру белән бәйле барлык бурычларны да тормыш үзе куя. Башкарма хакимиятнең һәр органында, Президент Аппаратында белгечләр махсус өстәмә белем алды. Һәм хәзер бу процессны туктатырга мөмкин түгел. Пандемия болай да булган цифрлаштыру кирәклеген искәртте. Читать дальше...

(Казан, 12 июль, «Татар-информ», Полина Шевчук). «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә хәбәр итүләренчә, бүген 13.48 сәгатьтә шаһитлардан Яшел Үзәндә Гарин күлендә ир-ат батуы турында хәбәр килгән. Чакыру буенча барган 2нче зона-коткару отряды водолазлары 33 яшьлек ир-ат мәетен алты метр тирәнлектә ярдан 15 метр ераклыкта табып алган. Мәетне ярга чыгарып,  хокук сакчыларына тапшыралар. Шунысын да билгеләп үтәргә кирәк, ир-ат һәлак булган урын коену өчен җайланмаган.

(Казан, 12 июль, «Татар-информ»). «Бөтен дөньяда коронавирус авырулары саны дүртенче атна рәттән арта бара», — дип белдерде Бөтендөнья сәламәтлек саклау оешмасы генераль директоры Тедрос Адхан Гебрейесус брифингта. Бу хакта РИА Новости хәбәр итә. «Моннан тыш, үлүчеләр саны кимеп, ун атна узганнан соң тагын артты», — дип өстәде ул. Бөтендөнья сәламәтлек саклау оешмасы башлыгы хәзерге вакытта дөньяда коронавирус инфекциясе белән хәл кискенләшә, дип искәртте. «Бу кеше тормышы өчен тагын да зур куркыныч тудыра... Читать дальше...

(Казан, 12 июль, «Татар-информ», Эвелина Киселева). Казанның «Ривьера» аквапаркында агуланган бала реанимациядә кислород битлеге аша сулый. Бу хакта «Татар-информ» корреспондентына Балалар республика клиник хастаханәсенең матбугат хезмәтендә хәбәр иттеләр.  «Баланы ВВЛга - югары ешлыклы кислород битлегенә тоташтырдылар, бу ИВЛ түгел», – дип искәрттеләр агентлык белән әңгәмәдә. Шулай ук Балалар республика клиник хастаханәсендә баланың хәле тотрыклы авыр торуын әйттеләр.  «Хәзерге вакытта Балалар республика... Читать дальше...

(Казан, 12 июль, «Татар-информ», Надежда Гордеева). Татарстанда «Зөя калкулыклары» спорт-сәламәтләндерү комплексында Президент академиясенең тугызынчы халыкара җәйге кампусы ачылды. Чарада 16 илдән һәм Россиянең 17 төбәгеннән 180 студент катнаша. «Сезне кунакчыл Татарстанда сәламләвемә шатмын. Биредә кампус үткәрү матур традициягә әверелде. Бу, һичшиксез, чараның югары дәрәҗәдә уздырылуы, биредә иң яхшы экспертлар катнаша», - диде мәгариф форумында катнашучыларга ТР Премьер-министры Алексей Песошин. Читать дальше...

(Казан, 12 июль, «Татар-информ»). Татарстанда тагын ике кеше коронавирус инфекциясеннән үлгән. Алар 1949 һәм 1953 елда туган ир-атлар. « Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диелгән хәбәрдә. 12 июльгә коронавирустан барлыгы 567 үлем очрагы теркәлгән.

(Казан, 12 июль, «Татар-информ»). «Спутник V» вакцинасы, Vaccines халыкара журналында бастырылган Гамалея исемендәге фәнни-икшеренү үзәге тикшеренүләре нигезендә, коронавирусның яңа штаммнарына каршы эффективлыгын күрсәткән, дип хәбәр итте Россия туры инвестицияләр фонды. РИА Новости хәбәр иткәнчә, «РФ Сәламәтлек саклау министрлыгының Н. Ф. Гамалея исемендәге эпидемиология һәм микробиология тикшеренү үзәге һәм Россия туры инвестицияләр фонды, «Спутник V» белән вакциналаштырылган кешеләрдән алынган... Читать дальше...

(Казан, 12 июль, «Татар-информ», Эльза Кузнецова). Мәгариф үсеше проблемалары һәм перспективалары: законнардагы үзгәрешләр, укытучылар әзерләү, федераль дәүләт белем бирү стандартлары һәм туган тел — бу һәм башка мәсьәләләр турында 13 июльдә РФ Дәүләт Думасы депутаты Илдар Гыйльметдинов #Татарстан-Онлайн программасының туры эфирында сөйләячәк. Спикер мәгариф системасында кирәкле үзгәрешләр темаларына кагылачак, шулай ук педагоглар әзерләүдә нәкъ менә нәрсәне үзгәртергә кирәклеге һәм туган телне ничек укытачаклары турында сөйләячәк. Читать дальше...

(Казан, 12 июль, «Татар-информ», Эльвира Мөхәммәтдинова). Татарстанның атказанган табибы, Чаллының 5нче шәһәр хастаханәсе табиб-реаниматологы Галина Соловьева Covid-госпитальнең «кызыл» зонасыннан видео яздырган. Ул шәһәр халкын коронавируска каршы вакцинациядән баш тартып, потенциаль үтерүчеләр булмаска чакырган. «Менә бу ишек артындагы реанимация бүлегендә авырулар күп. Алар коронавирус йогышы белән көрәшә. Кайчагында күп көч куеп без аларны коткарып кала алабыз, ләкин кайвакыт авырулар җиңелә», — дип искәртә үз мөрәҗәгатендә табиб. Читать дальше...

(Казан, 12 июль, «Татар-информ», Эвелина Киселева). Соңгы мәгълүматларга караганда, Казанның «Ривьера» аквапаркында агуланган өлкән кеше госпитализациядән баш тарткан. Зыян күргән балаларның берсе реанимациядә. Бу хакта «Татар-информ» корреспондентына Татарстан Сәламәтлек саклау министрлыгының матбугат хезмәтендә сөйләделәр.   «Өлкән кеше госпитализациядән баш тартты. Республиканың Балалар клиник хастаханәсендә реанимациядә бер бала, икесе табиблар күзәтүендә калдырылган», — дип аңлаттылар ведомствода «Татар-информ» корреспондентына. Читать дальше...

(Казан, 12 июль, «Татар-информ»). Чаллы мөхтәсибәте балалар өчен гадәти булмаган чара уздырды. «Нур Ихлас» мәчете янында «Garage Sail» балалар ярминкәсе һәм уены үтте. Мәчетнең уң ягына һәм сул ягына 10 сату урыны урнаштырылды. 5 яшьтән 15 яшькә кадәрге яшь сәүдәгәрләр мәхәллә халкына үз товарларын тәкъдим итте, дип хәбәр итә ТР Диния нәзарәте. Балалар уенчыклар, кул эшләнмәләре, китаплар, камыр ризыклары, эчемлекләр һәм башка бик күп әйберләр сатты. Шунысы игътибарга лаек, җыелган акчаларның... Читать дальше...

(Казан, 12 июль, «Татар-информ», Арсений Кәримов). Казанда һөнәри бәйрәм уңаеннан «Татарстан почтасы»ның иң яхшы хезмәткәрләрен бүләкләделәр. Учреждениедә бөтен республика буенча сигез меңгә якын кеше эшли. Почтальоннарны һәм башка өлкә вәкилләрен күпьеллык хезмәтләре һәм тармак үсешенә керткән өлеш өчен бүләкләделәр. «Почта хезмәткәре — ул гаилә әгъзасы диярлек, бигрәк тә өлкән буын өчен. Аның белән сөйләшергә, күңелне бушатырга була. Безнең чорда болар барысы да бик мөһим. Моннан тыш, сез хәбәрләр җибәргән кешеләрне берләштерәсез... Читать дальше...

(Казан, 12 июль, «Татар-информ»). Бүген Казан Кремлендә Татарстан Республикасы Президенты Аппаратының 30 еллыгына багышланган тантаналы чара узды. Анда ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Президенты Аппараты Җитәкчесе Әсгать Сәфәров, ТР Министрлар Кабинеты, ТР Дәүләт Советы вәкилләре катнашты. Бу хакта республика җитәкчесенең матбугат хезмәте хәбәр итә. Рөстәм Миңнеханов билгеләп үткәнчә, Татарстанда югары дәүләт вазифасын — Президент постын гамәлгә кую республика тарихында әһәмиятле роль уйнады. Читать дальше...

(Казан, 12 июль, «Татар-информ»). Ульяновск Мәләкәс районы Филип авылында туып үскән, хәзер Истанбул шәһәре университетында белем бирүче профессор, тарих фәннәре докторы Ильяс Камалов Төркия Президенты Рәҗәп Тайип Эрдоган кулыннан бүләк алды.​ «Алтын Урданың Руська йогынтысы» дип исемләнгән фәнни монографиясе өчен Ильяс Камаловны «Фән үсешенә ярдәм күрсәтү» фондының медале белән бүләкләделәр. Бу турыда Бөтендөнья татар конгрессы хәбәр итте. Ульяновск дәүләт университетын уңышлы тәмамлаган Ильяс Камалов... Читать дальше...

​​​​​​​Состязания, приуроченные к Международному дню шахмат, пройдут 15 и 16 июля.

(Казан, 12 июль, «Татар-информ»). Яңа коронавирус штаммнары, шулай ук чир таралуның яңа сценарийлары барлыкка килү сәбәпле, Россия Сәламәтлек саклау министрлыгы авыру йоктырган кешеләрне дәвалау алымнарын яңартырга планлаштыра. Үзгәрешләр вируска каршы көрәш буенча вакытлы методик рекомендацияләрнең яңа, 12нче версиясендә күрсәтеләчәк. «Хәзер чир таралуның яңа сценарие белән бәйле рәвештә, без аны иртәрәк дәвалый башларга кирәклеген аңладык, — дип белдерде „Известия“га интервьюда РФ Сәламәтлек... Читать дальше...

(Казан, 12 июль, «Татар-информ», Арсений Кәримов). Почта хезмәткәрләре зур игътибарга лаек, алар, организмдагы кан тамырлары кебек, кешеләрне бөтен ил буенча бәйли. «Татарстан почтасы» хезмәткәрләрен котлау тантанасында «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев шул хакта әйтте. «Без сезне һәрчак яратачакбыз, кәефегезне белергә һәм нәтиҗәле хезмәттәшлек юлларын табарга тырышырбыз. Безнең белән эшләү һәрвакытта да җиңел түгел, әмма без — сезнең беренче фикердәшләр һәм дусларыгыз. Читать дальше...

(Казан, 12 июль, «Татар-информ», Арсений Кәримов). Хат ташучының эше — ул зур хезмәт кенә түгел, батырлык та. Әлеге һөнәр ияләре көн саен үз сәламәтлеген, кайвакыт хәтта гомерен дә куркыныч астына куеп, иңендә авыр йөк йөртүен аңларга һәм аларны кадерләргә кирәк. «Татмедиа» АҖ генераль директоры Шамил Садыйков «Татарстан почтасы» хезмәткәрләрен котлаганда шул хакта әйтте. «Соңгы ярты елда безнең газета-журналларга язылу тиражы 220 мең данәдән артты. Шуларның 190 меңе почта аша уза. Һәркайсын укучыга җиткерергә кирәк. Читать дальше...

​​​​​​​Продажа арбузов и дынь на необорудованных точках, расположенных вдоль автодорог, запрещена, так как бахчевые там не прошли положенную санитарную экспертизу и могут впитать тяжелые металлы, которые содержатся в выхлопных газах.

Быелгы Әлмәт фестиваленең яңалыгы дип Чаллы яшьләренең URBANTATAR оешмасы антилекторийләр сериясен атарга була. Фестиваль дәвамында фестивальгә килгән һәркем лекцияләрдә, ми давылларында һәм ачык бәхәсләрдә катнаша алды.

(Казан, 12 июль, «Татар-информ»). Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәме белән «ШАЯН ТВ» каналы «Мин — татар баласы» республикакүләм иҗади эшләр бәйгесе игълан итә. Оештыручылар хәбәр иткәнчә, бәйгегә татар халык әкиятләренә, шулай ук татар халык мәкальләренә нигезләнеп иҗат ителгән рәсемнәр һәм кул эшләре, эшләнмәләр кабул ителә. Бәйгенең максаты — татар халкы тарихын, милли мәдәниятен өйрәнү, укучыларның иҗади эшчәнлеген арттыру, үсеп килүче буында милли үзаң тәрбияләү. Читать дальше...

(Казан, 12 июль, «Татар-информ», Дарья Сәйфиева). Коронавирус вазгыяте аркасында Россия Дәүләт Думасына сайлауларны күчерү турындагы мәгълүмат чынбарлыкка туры килми. Бу хакта Кремльнең рәсми вәкиле Дмитрий Песков белдерде. Элегрәк  массакүләм мәгълүмат чараларында РФ Хөкүмәте сентябрь сайлауларын илдәге катлаулы эпидемиология вазгыяте белән бәйле рәвештә соңрак вакытка күчерү вариантын карый, дигән мәгълүмат барлыкка килгән иде. «Боларның барысын да инде ун тапкыр кире кактык. Юк,  юк. Бу ялган мәгълүмат»... Читать дальше...

(Казан, 12 июль, «Татар-информ»). Иртәгә, 13 июльдә, Татарстан территориясендә һава шартларының бозылуы көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә. Төнлә һәм көндез республикада, шул исәптән Казанда, кыска вакытлы яшенле яңгыр, боз явуы, төньяк-көнчыгыштан искән җилнең тизлеге урыны белән секундына 15-20 метрга кадәр көчәюе көтелә. Моннан тыш, 13.00 сәгатьтән 22.00 сәгатькә кадәр кайбер урыннарда җилнең тизлеге секундына 24 метрга кадәр җитүе ихтимал, дип кисәтә синоптиклар. Читать дальше...