Новости за 23.02.2021

پاکستان کے وزیراعظم عمران خان 2 روزہ سرکاری دورے پر سری لنکا پہنچ گئے ہیں۔

بھارت میں کسانوں کا احتجاج جاری ہے۔ بھارتی کسانوں نے مطالبات منظور نہ ہونے پر8 مارچ کو پارلیمنٹ کے گھیراؤ کا اعلان کردیا ہے۔

اسلامی جمہوریہ ایران کی مسلح افواج کے چیف آف اسٹاف میجر جنرل محمد باقری نے شہید میجر جنرل سلیمانی کی شہادت کے بارے میں تازہ ترین تفصیلات بیان کرتے ہوئے کہا ہے کہ شہید میجر جنرل سلیمانی سعودی عرب کے پیغام کا جواب لیکر عراقی وزير اعظم کی سرکاری دعوت پر عراق پہنچے تھے جہاں امریکہ نے انھیں شہید کردیا۔

اسلامی جمہوریہ ایران کے وزیر خارجہ نے بین الاقوامی ایٹمی ایجنسی کے ساتھ این پی ٹی کے دائر میں تعاون جاری رکھنے کی طرف اشارہ کرتے ہوئے کہا ہے کہ ایرانی حکومت نے ایرانی پارلیمنٹ کی قرارداد کے مطابق بین الاقوامی ایٹمی ایجنسی کے ساتھ اضآفی پروٹوکول کوآج سے متوقف کردیا ہے۔

رہبر معظم انقلاب اسلامی نے خبرگان کونسل کے نمائندوں سے ملاقات میں پارلیمنٹ کے قوانین پر عمل کرنے کی تاکید کی ہے۔

پاکستان کے شہر راولپنڈی میں شہید بے نظیر بھٹو اسپتال کے آرتھوپیڈک آپریشن تھیٹر میں گیس لیکیج سے دھماکہ و آتشزدگی ہوئی جس سے عمارت و املاک کو شدید نقصان پہنچا تاہم رات کے وقت آپریشن تھیٹر بند ہونے کے باعث عملہ و مریض محفوظ رہے۔

مرحوم آیت اللہ سید محمد حسین حسینی زابلی کے پیکر پاک کو تشییع جنازء کے بعد امامزادہ صالح میں سپرد خاک کردیا گیا ۔

رہبر معظم انقلاب اسلامی حضرت آیت اللہ العظمی خامنہ ای سے خبرگان کونسل کے نمائندوں نے ملاقات کی۔

برطانوی وزیراعظم بورس جانسن نے کورونا وائرس کے سبب نافذ لاک ڈاؤن میں مرحلہ وار نرمی کا فیصلہ کرتے ہوئے اس حوالے سے روڈ میپ کا اعلان کیا ہے۔

شمالی امریکی ملک میکسیکو میں فوجی طیارہ گرنے کے نتیجے میں 6 اہلکار ہلاک ہوگئے۔

ہندوستان کے زیر انتظام کشمیر میں علیحدگی پسند تنظيم کل جماعتی حریت کانفرنس نے بھارتی وزیر اعظم نریندر مودی کے کشمیر کے دورے کی مخالفت میں مکمل ہڑتال کرنے کا اعلان کیا ہے۔

بین الاقوامی ایٹمی ایجنسی میں اسلامی جمہوریہ ایران کے نمائندے نےکہا ہے کہ ایران نے پارلیمنٹ کی قرارداد کے مطابق بین الاقوامی ایٹمی ایجنسی کے اضافی پروٹوکول کو کل رات 12 بجے کے بعد سے متوقف کردیا ہے۔

نیوزی لینڈ نے پہلے ٹی 20 میچ میں آسڑیلیا کو 53 رنز سے شکست دے دی۔

افریقی ملک کانگو میں اقوام متحدہ کے قافلے پر حملے کے نتیجے میں اطالوی سفیر ہلاک ہوگئے۔