Ўзбекистоннинг ташқи қарзи йил бошидан буён $4,8 миллиардга ошган
Мазкур нашрда 2020 йилнинг 9 ойида давлат ташқи қарзи ўсиш тенденсиясини сақлаб қолгани ва бу жараён COVID-19 вирусининг тарқалиши оқибатида юзага келган инқирознинг ижтимоий-иқтисодий таъсирини юмшатиш учун ҳамда ҳудудлар ва иқтисодиёт тармоқларини ривожлантириш бўйича давлат дастурларини молиялаштириш учун янги қарзларнинг жалб қилиниши билан изоҳланиши таъкидланади.
Шу тариқа Ўзбекистон ташқи қарзининг умумий ҳажми 2020 йил бошидан 19,7% га ёки 4,8 млрд долларга ошган ҳолда, 2020 йил 1 октябрь ҳолатига 29,3 млрддолларни ташкил қилмоқда.
2020 йилнинг 9 ойида давлат сектори қарздорлигининг ўсиши 2,9 млрддолларни, хусусий сектор қарздорлигининг ўсиши эса 1,9 млрд(умумий 3,0 млрд) долларни ташкил қилди.
Хусусий сектор қарздорлигининг ошиши, асосан, банклар томонидан қарз олиш ҳажмининг ошиши натижасида юз берди.
Қайд этилишича, 2020 йилнинг 9 ойида хусусий сектор томонидан умумий миқдорда 3,0 млрд доллар қарздорлик жалб қилинди. Қарзларни асосан банклар - 2,6 млрддоллар, текстиль ва тўқимачилик сектори корхоналари - 95 млндоллар ва иқтисодиётнинг бошқа секторлари томонидан - 260 млндоллар жалб қилинган.
Шунингдек, ўрганилаётган давр мобайнида давлат ташқи қарзи бўйича 454,8 млндоллар миқдордаги асосий қарз ва 263,4 млндоллар миқдордаги фоиз тўловлари амалга оширилган.
Хусусий ташқи қарз тўловлари асосий қарз бўйича1,3 млрддоллар ва фоиз тўловлари бўйича 242,1 млндолларни ташкил қилди. Бунда, асосий қарз ва фоизлар бўйича тўловларнинг энг катта қисмини ҳанузгача нефт-газ ва энергетика сектори корхоналари ҳамда банклар амалга оширмоқда.