Кейлор Навас Мессидан ҳам, Роналдудан ҳам Неймарга тан берди
Кейлор Навас фаолияти давомида бир жамоада ҳам Лионел Месси, ҳам Криштиану Роналду билан бирга ўйнаган. Шунга қарамай, костарикалик дарвозабон энг катта таассуротни бошқа футболчи — Неймар қолдирганини айтди. Бу ҳақда euro-football.ru хабар беради.
Наваснинг сўзларига кўра, Неймар истеъдод жиҳатидан уни ҳайратда қолдирган: бразилиялик ҳужумчи тўп билан хоҳлаганини қилар, ўнг ёки чап оёғида фарқ сезилмасди. Дарвозабон уни ўйинларда кўрганида, гўё ўз фарзандларига қарши майдонга тушгандек ҳиссиёт пайдо бўлганини таъкидлади.
Ҳозир 34 ёшли Неймар “Сантос” сафида тўп сурмоқда. У аввалроқ Европада “Барселона” ва “ПСЖ” клубларида ҳам ўйнаган.