«Бенфика» футболчиси Престианнининг «Реал»га қарши либоси аукционга қўйилди

Португалиянинг «Бенфика» клуби вингери Джанлука Престианнининг Мадриднинг «Реал»ига қарши ўйинда кийган футболкаси аукционга чиқарилди. 17 февраль куни бўлиб ўтган ЕОФА Чемпионлар лигаси плей-офф босқичидаги илк учрашувда «Реал» 1:0 ҳисобида ғалаба қозонган, баҳс эса Престианнининг ирқчилик бўйича эътирозлари билан ҳам ёдда қолган. Бу ҳақда euro-football.ru хабар беради.

Футболка «Бенфика»нинг расмий ҳамкори бўлган Match Worn Shirt платформаси орқали сотувга қўйилди. Ҳозирча лот бўйича 46 та таклиф келиб тушган, энг юқори нарх 1 минг еврони ташкил этмоқда.

Аргентинанинг «Велес Сарсфилд» академияси тарбияланувчиси Престианни 2024 йилдан буён «Бенфика» сафида тўп сурмоқда. Жорий мавсумда у 30 та ўйинда майдонга тушиб, 2 та гол урди ва 2 та голли узатмани амалга оширди.