Новости за 04.03.2026

И-и-и! Хәзер кызларның кияүгә чыгарга ашкынып тормаганнарына ушларым китә. Башта яхшы машина, затлы фатир, аннан гына кияү кирәк. Безнең заманда киресенчә иде шул: башта кияү, аннан гына бергәләп затлы фатир, яхшы машина.

Лия Гәрәфетдинова дуатлон буенча дөнья чемпионы булды. Бу турыда «Татар-информ» яза.

Җырчы Зәринә Асылкаеваның Бали утравында ялда булуы турында язган идек. Якын Көнчыгыштагы вазгыять кискенләшкәч, ул да ялдан кайта алмый. Аның рейсын гамәлдән чыгарганнар. Ул Казанга Абу-Даби аша кайтырга тиеш булган.

Бу көннәрдә Россиянең мода индустриясе тармагының иң танылган затлары - Казанда. Кемнәр генә юк! Бу уңайдан чаралар да бик күп, йөреп, матур кызларга сокланып өлгер генә, Юлай. Кичә, мәсәлән Казанда БРИКС матурлык конкурсы кысаларында мода күрсәтү узды.

Кабер кешеләр февраль ае өчен хезмәт хакына өстәмә алачак. Бу турыда «Татар-информ» яза.

Россия гражданнарына фатирда сасы ис булган өчен 20 мең сумга кадәр штраф яный. Бу хакта «РИА Новости» агентлыгына Г.В. Плеханов исемендәге Россия икътисад университетының дәүләт һәм муниципаль финанслар кафедрасы доценты Ольга Леонова хәбәр иткән.

Фитр садакасы мөселман кешесе тарафыннан үзе тәэмин итәргә тиеш булмаган кешеләргә бирелә. Шулай ук садака бирүче, турыдан-туры яисә читтән булса да, бу гамәленнән матди керем алырга тиеш түгел, дип аңлаталар «Хозур дин турында» сәхифәсендә.

Кинережиссер Илшат Рәхимбай һәм оператор Айдар Шәрипов Уфада булачак кинематографистлар белән очрашкан. Бу хакта Заһир Исмәгыйлев исемендәге Уфа дәүләт сәнгать институтының Кино режиссурасы буенча Аскаров һәм Римович остаханәсе хәбәр итә.

Ульяновск өлкәсенең Николаевка районы Зур Чирекле авылы урта мәктәбендә ана (татар) теле һәм әдәбияты атналыгы Советлар Союзы Герое, Ленин премиясе лауреаты, патриот-шагыйрь Муса Җәлилнең 120 еллыгына багышланган иде. 1-11 класс укучылары өчен «Муса Җәлил безнең күңелләрдә…» дип исемләнгән әдәби-музыкаль кичә үткәрелде.

Быел «Fashion» ифтар унынчы тапкыр үткәрелә. «Татар-информ» агентлыгында узган матбугат очрашуында ифтар турында җентекләп сөйләделәр.

Казан кешесе чит илдән арзан бәягә иномарка алырга теләп, мошенникларга 3 миллион сум акча күчергән.

2006 елгы Олимпия чемпионы Татьяна Навка фигуралы шуучы Камилә Вәлиеваның популярлыгы турында фикерен белдерде. Бу турыда «Татар-информ» яза.

Гүзәл Уразова җырчы Филипп Киркоров белән «чәй эчкән», аны әнисе пешергән шәңгә белән «сыйлаган». Дөрес, күңелле төш җырчыны тормыш иптәше Илдар уятканчы гына дәвам иткән.

Татарстанда быелгы кыш аномаль карлы булып тарихка кереп калды, ә февраль ае явым-төшем буенча бөтен рекордларны узып китте. Март башында җепшетүгә дә карамастан, синоптиклар Татарстанга салкын фронт килүе турында кисәтә. Фаразлар буенча, быел яз озакка сузылачак, ә язгы ташу көчле булачак.