Новости за 06.03.2026

Казанда 2 яшьлек малай кер юа торган машинага эченә кергән һәм барабанда кысылып калган. Ул үзе чыга алмаган, әти-әнисе дә баланы тартып чыгара алмаган. Шуннан соң алар коткаручылар чакырган, һәм алар баланы машина эченнән чыгарган.

Казанда революциягә кадәр төзелгән соңгы агач мәчетне реставрацияләү төгәлләнеп килә. «Рәҗәб» мәчете имамы Булат хәзрәт Сәфәров төзелеш эшләре барышы, мәчеткә ярдәм итүчеләр һәм Җиләк бистәсе мәхәлләсе үзенчәлекләре турында сөйләде.

Юрист Александр Кузнецов искәрткәнчә, бәйрәм көннәрендә эшләү югарырак тариф буенча түләнергә тиеш. Сүз якынлашып килүче 7–9 март ял көннәре турында бара, алар Халыкара хатын-кызлар көне бәйрәме белән бәйле, дип хәбәр итә «РИА Новости».

Казан Көлке көне бәйрәме традицияләрен яңарта. Шул уңайдан 1 апрельдә «Чәк-чәк шоу» була. Биредә 2027 елда оештырылачак Зур юмор фестивале тәкъдим ителәчәк. Бу турыда оештыручылар хәбәр итте.

Мәдәният министрлыгы бинасында узган «Татмедиа» Республика матбугат һәм массакүләм коммуникацияләр агентлыгы коллегиясе утырышында журналистиканың бүгенге торышына анализ ясалды һәм яңа максатлар куелды. ТР Рәисе Администрациясе җитәкчесе Әсгать Сәфәров медиатармактагы авырлыкларга да тукталды.

Алабугада яшәүче ир-ат телефон аша мошенниклар корбаны булган һәм 8 миллион сумга якын акчасын югалткан. 87 яшьлек ир-ат соңгы тапкыр җинаятьчеләр белән сөйләшкәннән бер көн үткәч полициягә гариза белән мөрәҗәгать иткән. Бу турыда «Татарстан 24» хәбәр итә.

Җырчы Гөлназ Шәрипҗанова Идел буе федераль округы буенча туйлар алып баручылар арасында үткәрелә торган премиянең финалына узган. Гөлназ узган ел да әлеге бәйгенең җиңүчесе булган иде. Ул анда татар туйларын тәкъдим итеп, «Туйлар алып баручы хатын-кыз» номинацияcендә иң яхшы алып баручы исеменә лаек булды.

«Татар теле – халкым теле» конкурсына гаризалар кабул итү башланды. Иҗади бәйгенең темасы: «Төрле фәннәрне татар телендә укытуда заманча технологияләр куллану». Ярышта үз фәннәрен татар телендә укытучылар катнаша ала. Бу турыда Бөтендөнья татар конгрессы хәбәр итте.

Татарстанда танылган спорт журналисты Рөстәм Кулеев вафат булган. Аңы 69 яшь иде. Бу турыда «Казанские ведомости» яза.

Машина йөртүчеләргә пычрак фаралар өчен 500 сум күләмендә штраф яный. Бу хакта «РИА Новости» агентлыгына юрист Валентина Бачурина сөйләгән.

Җырчы Гөлназ Асаева авариягә эләккәннән соң беренче концертын куячак. Ул моңа кадәр булган концертларының барысын да күчергән иде.

Татарстанда яшь гаиләләр торак сертификаты ярдәмендә яшәү шартларын яхшырта ала. Ул яңа яки икенчел торак бәясенең бер өлешен капларга, үз йортыңны төзергә яки ипотеканы ябарга мөмкинлек бирә. Түләүгә кемнәр дәгъва итә ала, чиратка ничек басарга һәм гаризаны кая тапшырырга?