Закононь колыцятнень манчемань од схема (эрзя)
Управляющей компаниясо важодицянь лем ало сынь манчить ломантнень кедьстэ Госуслугас совамонь кодонть. Манчицясь гайневти ломанентень, лемди прянзо управляющей компаниясо важодицякс ды корты, што кудов совамонь таркасо кармить полавтовомо кенкштнэ, кевкстни, зяро панжомат эрявить квартирань азоронтень? Седе тов манчицясь пачти, што эрьва квартирань азоронть ней карми домофононь эсензэ код, кона ней сы сообщениясо – сонзэ эряви пачтямс панжоматненень кодонь максомга. Нама, те аволь домофононь код, те Госуслуги порталс совамонь код. Мезе эряви теемс, бути тынь ёвтынк кодонть манчицятненень: сеске моледе МФЦ-в, мартонк саинк паспортонть ды СНИЛСэнть. Тосо тыненк лездыть полавтомс Госуслугасо пароленть ды одс совамо. Тень пингстэ пекстынк банктнесэ счёттнэнь – теемс тень мереви пси линиянь телефононть пачк. Теде мейле сёрмадодо яволявтома полицияв.