Россия Геройа Андрей Григорьевы – уус алданнар күтүөппүтүн – Суоттуга көрүстүлэр

Россия Геройа Андрей Григорьевы – уус алданнар күтүөппүтүн – Суоттуга үөрүүлээх быһыыга-майгыга көрүстүлэр. Андрей Николаевич-Тута ийэтиниин Ольга Егоровналыын, кэргэниниин Октябрина Дмитриевналыын биэс оҕолорун илдьэ кэлэн күндү ыалдьыт буоллулар.

Кинилэр Суотту орто оскуолатын эркинигэр Уус Алдан Геройдарын стендэтин үөрүүлээх арыллыытыгар кытыннылар, итиэннэ байыаннай дьайыы кыттыылаахтарыгар анаммыт стендэни билистилэр. Салгыы оскуола саалатыгар хорсун геройу кытта оскуола үөрэнээччилэрэ, нэһилиэнньэ көрүстүлэр.

Россия Геройа мустубут дьоҥҥо үгүһү сэһэргээтэ, үүнэр кэнчээри ыччакка сахабыт тылын умнумаҥ, саха буоларгытынан киэн туттуҥ диэн хаста да туһаайан эттэ. Оттон ийэтэ Ольга Васильева хорсун, күүстээх санаалаах геройу иитэн таһаарыым кистэлэҥин үлэнэн ииппиппэр көрөбүн диэтэ.
Мария Аргунова, @uamurusahargata@ulusmedia

Сообщение Россия Геройа Андрей Григорьевы – уус алданнар күтүөппүтүн – Суоттуга көрүстүлэр появились сначала на SAKHALIFE.