World News in Tatar

Россия хаҗиларын Согуд Гарәбстанына хаҗга алып бару программасын РФ Транспорт министрлыгында килештерделәр. Рейсларның план-графигын министр урынбасары Владимир Потешкин җитәкчелегендәге киңәшмәдә расладылар, дип хәбәр иттеләр ведомствоның MAX каналында.

«Тукай дөньясы» сайты бөек татар шагыйре Габдулла Тукай турында материаллары булган кешеләрне хезмәттәшлеккә чакыра. Сайт һәм интернет-басма мөхәррире Лилия Гаделшина «Татар-информ» мәгълүмат агентлыгында узган матбугат очрашуында шул хакта әйтте.

Татарстанда 23-26 апрель көннәрендә бөек татар шагыйре Габдулла Тукайның тууына 140 ел тулу уңаеннан Милли кино көннәре акциясе узачак. Бу хакта millikino.ru сайты хәбәр итә.

«Тукай дөньясы» сайты һәм интернет басмасы мөхәррире Лилия Гаделшина сүзләренчә, алга таба мультимедиа технологияләреннән файдаланып эшләү, фото-видеолар куллану бурычы тора. Бу хакта ул «Татар-информ» мәгълүмат агентлыгында узган матбугат очрашуында әйтте.

Татарстан Рәисе Рөстәм Миңнеханов Ташкент шәһәре Татар иҗтимагый мәдәни-агарту үзәге Советы рәисе Рим Гыйниятуллинның вафат булуына бәйле рәвештә кайгы уртаклашу телеграммасы җибәрде. Бу хакта ТР Рәисенең матбугат хезмәте җитәкчесе Лилия Галимова хәбәр итә.

Тукай – үзенең исеме һәм иҗаты белән татар әдәбияты тарихында урынны иң түрдән алган, әдәбият күгендәге иң якты йолдыз. Ул калдырган әдәби мирас, андагы рухи байлык – милләтебез горурлыгы. Тукай – буыннар шагыйре. Татар халкы булган җирдә Тукай бар, татар халкы яшәгәндә Тукаебыз да яшәячәк.

Татарстанда алты ярминкә көнендә фермерлар 552,6 миллион сумлык авыл хуҗалыгы продукциясе саткан, дип хәбәр итә ТР Авыл хуҗалыгы һәм азык-төлек министрлыгы матбугат хезмәте.

Быел бөек татар шагыйре Габдулла Тукайның тууына 140 ел тулу уңаеннан «Тукай дөньясы» интернет басмасы яңартылган, аның дизайны да үзгәргән. Сайтта Тукай турында күбесенчә рус телендә эзлиләр. «Татмедиа» акционерлык җәмгыятенең медиа директоры Алсу Исмәгыйлева «Татар-информ» мәгълүмат агентлыгында узган матбугат очрашуында шулай дип белдерде.

Татарстан Рәисе Рөстәм Миңнеханов Россия Хөкүмәте Рәисенең беренче урынбасары Денис Мантуров белән Үзбәкстан Премьер-министры Абдулла Арипов очрашуында катнашты. Бу хакта ТР Рәисенең матбугат хезмәте җитәкчесе Лилия Галимова хәбәр итә.

Прокуратура Smartavia авиакомпаниясен «Казан» аэропортында рейс 22 сәгатькә тоткарланган чакта пассажирларны кунакханәгә вакытында урнаштырмаган өчен җәзага тартуга иреште. Бу хакта Татар транспорт прокуратурасы хәбәр итә.

Татар теленең киләчәге бармы? Ни өчен тугандаш халыклар арасында сәяси-мәдәни бәхәсләр чыга һәм бүгенге татар эстрадасы нигә «такмакка» калган? Татарстанның халык шагыйре Рәдиф Гаташ белән иҗат, милләт язмышы, Тукай белән Җәлилнең бүгенге көндәге урыны һәм рухи кыйммәтләрне саклап калу юллары турында сөйләштек.

Мәскәү татарлары чираттагы тапкыр «Аулак өй» кичәсендә җыелган. Катнашучылар өчен туган телдә аралашу, яңа дуслар һәм фикердәшләр табу, татарча җыр-биюләр белән күңел ачу мөмкинлеге булдырылган. Бу хакта Мәскәү татарлары штабы хәбәр итә.

Татарстан Рәисе Рөстәм Миңнеханов «Иннопром. Үзәк Азия» күргәзмәсе белән танышты. Татарстан Республикасы форумда 18 компания урнашкан үз стендын тәкъдим итте. Чарада республиканың 120дән артык эшлекле даирә вәкиле катнаша, дип хәбәр итә ТР Рәисенең матбугат хезмәте җитәкчесе Лилия Галимова.

Казанның Бигичев урамындагы күп фатирлы торак йорт тәрәзәсеннән хатын-кыз егылып төшкән. Шәһәр интернет-берләшмәләренең берсендә шулай дип белдерделәр.

Быел «Күрше фест» проектында махсус «Мирас» юнәлеше кертелә. Бу хакта «Татар-информ» мәгълүмат агентлыгында узган матбугат очрашуында сөйләделәр.

Алексеевск районының Алексеевское бистәсе Салих Баттал урамында социаль ипотека программасы буенча 96 фатирлы йорт төзелеше дәвам итә. Бу хакта ТР Төзелеш, архитектура һәм ТКХ министрлыгы матбугат хезмәте хәбәр итә.

Свердловск өлкәсе Михайловск шәһәрендә «Халкым мирасы» балалар татар халык иҗаты өлкәкүләм ачык конкурсы узган. Татар мәдәнияте бәйрәмен Татарстан Республикасының Свердловск өлкәсендәге даими вәкиллеге ярдәме белән Михайловск шәһәре хакимияте, «Михайловск шәһәре мәдәният һәм ял үзәге» һәм «Мирас» мәгариф үзәге оештырган. Бу хакта Татарстан Республикасының Свердловск өлкәсендәге даими вәкиллеге хәбәр итте.

Филология фәннәре докторы, Галимҗан Ибраһимов исемендәге Тел, әдәбият һәм сәнгать институтының баш фәнни хезмәткәре Дания Заһидуллина Габдулла Тукай әдәби музеенда бөек татар шагыйре Габдулла Тукайның Җаек һәм Казан чоры иҗатларына күзәтү ясап, кызыклы фактларга тукталды. «Тукай укулары-2026» кысаларындагы Бөтенроссия конференциясенең пленар утырышында ул «XXI гасырның фәнни-мәдәни фикерендә Габдулла Тукай» темасына чыгыш ясаган иде.

Студентки ГАПОУ «Нижнекамский медицинский колледж», представлявшие Татарстан на Итоговом (межрегиональном) этапе Чемпионата по профессиональному мастерству «Профессионалы», заняли призовые места. Об этом сообщает Минздрав РТ.

«Профессионаллар» һөнәри осталык чемпионатының йомгаклау (төбәкара) этабында Татарстан исеменнән чыгыш ясаган «Түбән Кама медицина көллияте» студентлары призлы урыннар яулады. Бу хакта ТР Сәламәтлек саклау министрлыгы хәбәр итә.

Санкт-Петербургта бөек татар шагыйре Габдулла Тукайның тууына 140 ел тулуны зур тантана белән билгеләп үткәннәр. Милләтләр йортында узган әдәби-музыкаль кичә хакимият вәкилләрен, мәдәният эшлеклеләрен һәм татар җәмәгатьчелеген бергә җыйган. Бу хакта «Санкт-Петербург» телевидениесе хәбәр итте.

Раис Татарстана Рустам Минниханов на площадке международной промышленной выставки «Иннопром. Центральная Азия» провел встречу с хокимом Кашкадарьинской области Муротжоном Азимовым. Об этом сообщает руководитель пресс-службы Раиса РТ Лилия Галимова.

Татарстан Рәисе Рөстәм Миңнеханов «Иннопром. Үзәк Азия» халыкара күргәзмәсе мәйданчыгында Кашкадәрья өлкәсе хокимы Муротжон Азимов белән очрашты. Бу хакта ТР Рәисенең матбугат хезмәте җитәкчесе Лилия Галимова хәбәр итә.

ТР Дәүләт Советының Бюджет, салымнар һәм финанслар комитеты рәисе Леонид Якунин һәм комитет рәисе урынбасары Камил Ногаев Лисичанск һәм Рубежное шәһәрләрендә булды. Сәфәрдә аларны Татарстан Республикасы Премьер-министры урынбасары Ринат Садыйков озата йөрде.

Төмәндә «Тоталь диктант» Бөтенроссия акциясе кысаларында себер татар телендә диктант яздылар. Мондый диктант беренче тапкыр 2019 елда – Төмәндә, ә киләсе елларда Төмәндә һәм Тубылда үткәрелә башлаган. Бу хакта Төмән өлкәсе себер татар милли-мәдәни автономиясе хәбәр итә.