Автобелгеч кышкы тәгәрмәчләрне җәйгеләренә алмаштыру өчен иң кулай вакытны атады

Җылылыкны аергач, кышкы тәгәрмәчләрне җәйгеләрен алмаштырырга ярый. Бу лайфхакны автоэксперт Дмитрий Попов сөйләде, дип яза «Радио 1» сайты.

Ул әйткәнчә, уртача тәүлеклек температура +8 градустан артып киткәч, кышкы тәгәрмәчләрне җәйгеләренә алмаштырырга була.

«Җылылыкны аерган вакытка йөз тотарга мөмкин: аны аергач, тәгәрмәчләрне алмаштырырга була», – дигән Попов.

Ә «Авто.ру» журналы эксперты Иван Ананьев белдергәнчә, мотоцикл сезонын уртача тәүлеклек температура +10…+15° градус чамасы булгач башларга була.

«Хәтта мартта яки апрельдә берничә җылы көн булуга гараждан мотоциклларны чыгарырга була дигән сүз түгел. Мотоциклчылар өчен көндезге уңай температуралар гына түгел, ә тәүлек әйләнәсе тотрыклы һава торышы урнашу мөһим», – дип кисәткән Ананьев.