Пьер Карденни коллекциясын сакълайдыла

Белгили Пьер Карденни Мода юйюнден коллекция Къарачай-Черкесиягъа биринчи кере келликди.

- Бу бизни регионнга бек уллу маданият саугъады, бизни джергили дизайнерле кеслерин мийик джетишимлеге ие болгъан адамлагъа кёргюзюрге мадар табхандыла, - дейди бу ишни къурагъан Эбзеланы Анастасия. – Пьер Карденни Россияда эмда СНГ-де келечиси баронесса Де Буар Черкесскеге моданы ыйыгъына иш этиб келликди. Эм иги дизайнер бла эм иги моделге ол

болушургъа артха турмазлыгъын да билдиргенди. Ол аланы Москвагъа эмда Франциягъа чакъырлыкъды.

Шимал Кавказда «Cherkessk Fashion Week»-ни къурагъанла, алай бла, тюрлю-тюрлю кёрмючлеге джол бергендиле - Шимал Кавказ федерал округ бла Къыбыла Россияны визажистлери, стилистлери, суратчылары, видеографлары кеслерин кёргюзюрге боллукъдула.

Черкесск шахарда моданы ыйыгъы сентябрны 5-ден сентябрны 8-не дери бардыкъды – «Royal Hall» деген къонакъ-кёз ачыу комплексде. Анга къараргъа келгенле кёб сейир зат кёрлюклерине да ажымсызлыкъларын билдиредиле аны къурагъанла.