СКЕЙТ-ПАРК ГIАХЪЫРТIЫТI
Черкесск город амэр Тамби Руслан йгIаджвыквцIарала «АдзыгIвбжьа ЙачIва» культура-тшпсщара
парк йаныргIалу «Лукоморье» аллея апны уыжвгIанчIви скейт-парк руыхватI. Аспортобъект Черкесск город йахъыцIыз асквш 191 йазынархаз агвыргъьахъв андыртлапIуз йгIахъыртIытI. Квадрат метр 800 айхIа гIазцIазкIуа аскейт-парк ангIахъыртIуаз Тамби Руслан йгIайззаз драйхIвахIвтI.
– Асабикви чкIвыныргIи рызгIвадара сазхъвыцуата зныкI ахъазла аскейт-парк ауыхвара йгьацсымкIуазтI. Ауаса ароликквала, самокатла, велосипедла йныкъварныс бзи йызбауа агород абзазагIвчва ари аспортплощадкIа йшазыбжаз ангIасгвынгIвы ауыхвара джвыквхIцIатI йгьи абар уахьчIва аскейт-парк гIахъхIтIитI. АчкIвынчви ахIвсси аскейт-парк апны швангIатагIвзуа швхъа швазсакъхарныс сшвыхIвитI,–йхIватI Тамби Руслан.
Аскейт-парк ангIахъыртIы амщтахь «Экстрим Спорт Ассоциация» йалу аспортсмен-райдерква асамокатквала, ароликквала, скейтбордла, ВМХ-велосипедквала йшныкъвауа гIадырбатI.