Кышка керер алдыннан 26 балалар бакчасында ремонт башладылар
26 нчы “Чыршыкай” балалар бакчасында капиталь төзекләндерү бара.
Атап әйткәндә биредә түбәне һәм тәрәзшләрне алыштыралар. Әлеге гамәлгә балаларын шушы бакчага йөртүче ата-аналарның шикаяте сәбәпче булды. “1 каттагы кечкенәләр төркемендә салкын. Балалар өши, салкын тиеп авыру гадәти күренеш. Башка бакчаларда балалар эчке киемнән йоклаганда, безнекеләр җылы киенергә мәҗбүр. Бакча хезмәткәрләре төркемнәрдә салкынлыкның сәбәбе котельныйның тулы көченә эшләмәвендә дип саный. Җылыткычлар куеп кына да проблеманы хәл итеп булмый. Шуның аркасында балаларыбыз хроник авыруларга әйләнеп бара”, - дип яза “Халык контроле”н Алия С.
Бүген бакчада түбә һәм тәрәзә алыштырырга керешкәннәр. Эшләр 30 ноябрьдә төгәлләнергә тиеш.