Яңа Кәшер балалары янгын сүндерергә өйрәнә
Янгынга каршы көрәш хезмәте Әлмәт бүлегенең Яңа Кәшердәге даими постына кунакка балалар килде.
“Көнбагыш” бакчасына йөрүчеләрне пост командиры Ришат Зарипов каршы алды. Аларга янгын сүндерүчеләр эше, чакыруларны кабул итү бүлмәсе белән таныштырды. Балалаларны аеруча янгын сүндерү машиналары торган гараж кызыксындырды. Сабыйларга машинага күз салырга гына түгел, утырып карарга да рөхсәт иттеләр. Башларына каска киеп, кулларына сүндерү җайланмаларын да тотып карады алар.
Әлеге мавыктыргыч сәяхәтне оештыручылар мондый чара баланың белемен, күзаллавын үстереп кенә алмый, һөнәргә кызыксыну уята һәм янгын куркынычсызлыгы кагыйдәләре белән дә таныштыра.