Սոչիում կայացել է Վլադիմիր Պուտինի Բաշար ալ Ասադի հանդիպումը
Սոչի քաղաքում կայացել է Ռուսաստանի Դաշնության նախագահ Վլադիմիր Պուտինի և նրա սիրիացի գործընկեր Բաշար ալ Ասադի հանդիպումը:
Ինչպես նշում է ria.ru-ն, Սիրիայի Արաբական Հանրապետության ղեկավարը ՌԴ է ժամանել աշխատանքային այցով:
Աղբյուրը մանրամասնում է, որ ՌԴ նախագահի հետ զրույցում Ասադն ընդգծել է, որ Մոսկվային և Դամասկոսին հաջողվել է պահպանել Սիրիայի տարածքային ամբողջականությունն ու անկախությունը:
Պուտինն իր հերթին շնորհավորել է Ասադին այն արդյունքների կապակցությամբ, որոնց Սիրիան հասնում է ահաբեկչական խմաբավորումների դեմ պայքարում:
Բացի այդ, ՌԴ ղեկավարն առանձնահատուկ ընդգծել է սիրիացի ժողովրդի քաջությունը ծանր փորձությունների միջով անցնելու,աստիճանաբար հաղթանակին մոտենալու, ինչպես նաև ահաբեկիչներին վերջնական ջախջախելու հարցերում:
Հիշեցնենք, որ ռուսական օդուժն աջակցում է Սիրիայի կառավարական բանակին «Իսլամական պետություն» ահաբեկչական խմբավորման դեմ պայքարում: Հայտնի, էր Ռուսաստանը Սիրիայում գործում է ԱՄՆ-ի գլխավորած միջազգային կոալիցիայից անկախ: