Օդի ջերմաստիճանը վաղվանից կնվազի 10-15 աստիճանով, սպասվում են տեղումներ․ ԱԻՆ

Այսօր Շիրակում, Արագածոտնում, Արարատում և Արմավիրում, նոյեմբերի 22-23-ը՝ Հայաստանի շրջանների զգալի մասում սպասվում են տեղումներ: Նոյեմբերի 22-ին լեռնային շրջաններում, նոյեմբերի 23-ին՝ նաև նախալեռնային շրջաններում սպասվում են տեղումներ ձյան, հովտային շրջաններում՝ ձնախառն անձրևի տեսքով:


Արտակարգ իրավիճակների նախարարության հաղորդագրության համաձայն՝ նոյեմբերի 21-22-ը առանձին շրջաններում սպասվում է քամու ուժգնացում, նոյեմբերի 22-ին լեռնային շրջաններում՝ բուք և ցածր հորիզոնական տեսանելիություն:


Օդի ջերմաստիճանը նոյեմբերի 22-23-ը կնվազի 10-15 աստիճանով:


Երևանում այսօր սպասվում է փոփոխական ամպամածություն, առանձին հատվածներում հնարավոր է թույլ անձրև, նոյեմբերի 22-23-ը ժամանակ առ ժամանակ սպասվում են տեղումներ: