Շվեդիայի լավագույն ֆուտբոլիստ ճանաչված Գրանկվիստը կատակել է, որ առաջիկա օրերին կքնի ոչ թե կնոջ, այլ` մրցանակի հետ

Շվեդիայի հավաքականի և ռուսական «Կրասնոդարի» պաշտպան Անդրեաս Գրանկվիստը, ով ճանաչվել է Շվեդիայի` տարվա լավագույն ֆուտբոլիստ, կատակել է, որ առաջիկա օրերին քնելու է ոչ թե կնոջ, այլ` տիտղոսի հետ:

Այս մասին 32-ամյա ֆուտբոլիստը պատմել է «Sydsvenskan»-ին տված հարցազրույցում.

«Մի քանի օր կքնեմ տիտղոսի հետ, իսկ կինս` Սոֆին, կքնի հյուրերի համար նախատեսված սենյակում: Ինձ համար մեծ պատիվ է արժանանալ այս մրցանակին, լավագույնն, ինչ կարող էր տեղի ունենալ: Սա երազի է նման, չէ՞ որ նախկինում կար մի տղա, ով տարիներ շարունակում արժանանում էր այս կոչմանը (խմբ. - Զլատան Իբրահիմովիչը): Հեշտ չէր նրան դիմակայելը:

Իտալիայի հետ անցկացրած փլեյ-օֆֆ խաղերից հետո ես մտածում էի, որ կարող եմ ստանալ այս մրցանակը: Իտալացիաների հետ անցկացրած երկու խաղերը լավագույնն էին կարիերայիս ընթացքում, հատկապես` վերջինը:

Ես ունեի իմ ֆավորիտը, դուք երբեք չեք կարող հենց ձեզ տեսնել հաղթողի դերում, թիմային հաջողությունները կարևոր են, բայց ես հպարտ եմ, որ ժյուրին հենց ինձ ընտրեց: Ես միշտ փորձել եմ օգնել թիմին հասնել հաջողության հասնել»,- ասել է Գրանկվիստը:

Հիշեցնենք` 32-ամյա խաղացողի համար սա առաջին մրցանակն է: Նախորդ 10 տարիներին երկրի լավագույն ֆուտբոլիստ էր ճանաչվում «Մանչեսթեր Յունայթեդի» հարձակվող Զլատան Իբրահիմովիչը, ով վերջերս ավարտել էր միջազգային կարիերան:

Գրանկվիստը Շվեդիայի հավաքականի ավագն է: