Իմ ու գեներալ Սեյրան Սարոյանի հարաբերությունները շատ լավ են, եթե չխառնեք, մեր հարաբերությունները շատ լավ կլինի. Ս. Ալեքսանյան (տեսանյութ)
Իմ ու գեներալի հարաբերությունները շատ լավ են, եթե չխառնեք, մեր հարաբերությունները շատ լավ կլինի: ԱԺ-ում լրագրողների հետ զրույցում այսկերպ արձագանքեց ԱԺ «Հայաստանի Հանրապետական կուսակցություն» խմբակցության պատգամավոր Սամվել Ալեքսանյանը՝ անդրադառնալով մամուլում հրապարակված լուրերին, թե իր և գեներալ Սեյրան Սարոյանի հարաբերությունները լարված են:
Հարցին՝ ասում են, թե նա գեներալի գործարանի օղին չի տարել Քրդստան, քանի որ վնասում է իր բիզնեսին, Ալեքսանյանը պատասխանեց. «Մամուլի սաղ սուտլիկ բաները դուք եք գրում»:
Դիտարկմանը, որ երեկ Սեյրան Սարոյանը, գնաճի մասին խոսելով, հայտարարեց, թե «ամոթ ունենան, չեն թանկացնի, գետինը մտնեն», Ալեքսանյանն արձագանքեց. «Ճիշտ է ասել գեներալը, ով որ թանկացրել է, ճիշտ է ասել»:
Այն ընթացքում, երբ Սամվել Ալեքսանյանը պատասխանում էր հարցին չէ՞ որ ինքն է կարագի հիմնական ներկրողը, միացավ Սեյրան Սարոյանը և նկատեց. «Ինքը ձեթ ծախող ա, ինքը կարագ ծախող չի»:
Սեյրան Սարոյանը ևս հերքեց, թե իր և Սամվել Ալեքսանյանի հարաբերությունները լարված են: