Հնդկաստանում վայրի վագրը հարսանիքի ահաբեկված հյուրերին շենքի տանիք է «հանել» (տեսանյութ)
Հնդկաստանի Մասուլհապա գյուղի բնակիչները, որոնք հրավիրված էին հարսանիքի, ստիպված են եղել վայրի վագրի հարձակումից պաշտպանվել՝ բարձրանալով շենքի տանիք:
Ինչպես նշում է upi.com կայքը, միջադեպը տեղի է ունեցել դեկտեմբերի 11-ին: Դեպքի վայրում ֆիքսված կադրերում երևում է՝ ինչպես է գիշատիչը հայտնվում թփերի միջից, մինչ ահաբեկված հյուրերը, կտուրում հավաքված, լուսանկարում են վագրին:
Հյուրերից մեկը պատմել է, որ կենդանին անսպասելիորեն հայտնվել է հարսանեկան տոնակատարության ամենաթեժ պահին, ինչից հետո հավաքվածները որոշել են փրկվել՝ բարձրանալով տանիք:
Նշվում է, որ տան հարակից տարածքում մի քիչ թափառելուց հետո, գիշատիչն անտառ է վերադարձել՝ ոչ ոքի չվնասելով: