«Կյանքիս մեծագույն երազանքի իրագործումը». Քլոե Քարդաշյանը հղիությունն ապացուցող առաջին լուսանկարն է հրապարակել (լուսանկար)
Ամերիկյան Keeping Up With The Kardashians իրապատում շոուի աստղերից Քլոե Քարդաշյանը վերջապես հաստատել է, որ հղի է առաջնեկով, գրում է The Daily Mail-ը:
Երեսուներեքամյա հայուհին սոցկայքերում հրապարակել է լուսանկար, որում երևում է զգալի կլորացած փորը: Թեև կադրում դեմքեր չկան, սակայն երևում են Քլոեի և նրա 26-ամյա ընկերոջ՝ բասկետբոլիստ Տրիստան Թոմփսոնի ձեռքերը:
Հայտնի է, որ լուսանկարն Instagram-ում մի քանի միլիոն հավանում է ստացել:
Քլոեն խոստովանել է, որ մինչև հիմա չի հավատում երջանկությանը:
«Առաջնեկիս ունենալը կլինի մեծագույն երազանքիս իրագործումը»,-ասել է հեռուստաաստղը: Նա նաև գովել է երեխայի հորը՝ Թոմփսոնին, իր նկատմամբ այդքան ուշադիր ու սիրառատ լինելու համար:
Այնուհետ նա նոր լուսանկար է հրապարակել, որն արվել է պտղի ուլտրաձայնային հետազոտման ժամանակ: