Պատգամավորները վերջին՝ 11-րդ անգամ գնացին ընդմիջման, բայց ոչ թե «Ելք»-ի, այլ ՀՅԴ-ի պահանջով
63 կողմ քվեարկությամբ ընդունվեց «Պետական տուրքի մասին» Հայաստանի Հանրապետության օրենքում լրացում եւ փոփոխություններ կատարելու մասին նախագիծը:
Հայտարարվեց, որ քվեարկության է դրվում վերջին ՏԻՄ մասին ՀՀ օրենքի նախագիծը: Մինչ վարման կարգով ձայն կխնդրեր «Ելք» խմբակցության ղեկավար Նիկոլ Փաշինյանը, նրանից առաջ ընկավ ՀՅԴ խմբակցության քարտուղար Աղվան Վարդանյանը:
«Պարոն Փաշինյան, թույլ կտաք, ԱԺ կանոնակարգ օրենքի 63-րդ հոդվածի 3-րդ մասի համաձայն՝ ՀՅԴ խմբակցությունը վերցնում է 20 րոպե ընդմիջում»: Պատգամավորները ժպիտով վերջին անգամ գնացին ընդմիջման: