"Лаьмнийн вежаршка" кехат яздина оьрсийн дизайнеро

Нуьцкъала адамашка гечдар дехийтаран хьокъехь социалан машанехь "Лаьмнашкарчу веше диллина кехат" аьлла, кхайкхам бина дизайнеро Лебедев Артемийс. ТIаьххьарчу шерашкахь Къилбаседа Кавказан регионашкахь, цкъа хьалха Нохчийчохь, цул тIаьхьа кхечу республикашкахь а даьржина ду нах къинтIерабахар.


Хьенан цIарх ша кехат яздо, дуьйцуш дац Лебедевс. Ша тидам бина боху цо, керлачу ламастан - муьлхха а критика хезнехь, бехказло лоьхуьйту, хьоьга гома хьаьжнехь а, бехк цабиллар доьхуьйту, хьан йишех ларамза дош алахь а, къинтIера валар доьхуьйту.


"Нагахь санна паяльник сайна тIе лацахь, тоька чу и ца йоллахь а, камерана хьалха ас муьлхха а дешнаш эр ду, бехказа волуш. Массо а суна бевзачара а дийр ду изза", - яздина дизайнеро.


"Хьо ницкъ болуш ву, хьо майра ву, хьоьх массо а кхоьру. Амма кхетахьа, хьоьга гечдар доьхучара доггах олуш ма дац и дешнаш. Видео тIехь и дешнаш хезнарш а тешаш ма бац", - ду кехат тIехь яздина.


"Хьуна-м хета тарло, хьо ницкъ болуш хилча, массеран а хьоьга ларам бу аьлла. ХIан, хIан, сан хьомениг. Вайн менталитет жимма кеп-кепара ю.


Тхан културехь ахь дечу гIуллакхашка, хьан хьекъале, сине, даге хьожжий хуьлу хьоьга болу ларам а.


Хьан културехь а ду лараме хьекъал, амма къаналлехь. Ас цхьа хьехар дийр ду хьуна_- масал эца шайн къанойх. Цаьрга ларам хила мегар ду, церан дегIа тIе паяльник яхьа а ца оьшуш, цивилан адамашка санна", яздина Лебедев Артемийс шен кехатехь.