Ստամբուլում սպանել են հայտնի վրացի «օրենքով գողի»
Ստամբուլում սպանվել է Վրաստանից հայտնի «օրենքով գող» Դավիդ Ալխանիշվիլին, որը քրեական աշխարհում առավել հայտնի է որպես Դաթո Պանկիսկի, այս մասին հայտնում է վրացական apsny.ge կայքը:
36-ամյա Ալխանիշվիլին սպանվել է ստամբուլյան ռեստորաններից մեկի մոտ: Երբ հայտնի քրեական հեղինակությունը ռեստորանում ընթրելիս է եղել՝ նրա հեռախոսին զանգ է եկել, և վերջինիս խնդրել են դուրս գալ ռեստորանի դիմաց: Հենց այդ ժամանակ էլ Ալխանիշվիլիի ուղղությամբ մի քանի փամփուշտ է արձակվել:
Ըստ «Коммерсантъ» պարբերականի՝ Պանկիսկիի սպանությունը կարող է վրիժառության ակտ լինել, քանի որ վերջինս անդամակցում էր Տարիել Օնիանիի կլանին, որը թշնամական հարաբերություններ ունի այժմ Ռուսաստանում կալանքի տակ գտնվող Զախարի Քալաշովի (Շաքրո Մոլոդոյ) կլանի հետ: