Португалиялик футболчи 20 ёшида ҳаётдан кўз юмди

Португалиянинг “Боавишта” клуби ҳужумчиси Эду Феррейра 20 ёшида ҳаётдан кўз юмди. Бу ҳақда клубнинг матбуот хизмати маълум қилди. Футболчига 2016 йил ноябрида саратон ташхиси қўйилганди.

Футболчи саратонга чалингани маълум бўлгандан кейин спорт фаолиятини тўхтатиб, саратон билан курашиб келган.

Декабрда “Боавишта” футболчини қўллаб-қувватлаши белгиси сифатида у билан шартномани 2018/2019 йиллардаги мавсум охиригача узайтирган.

“Эду кетди, бироқ у бизни ҳеч қачон тарк этмайди! Бугун осмонда яна бир юлдуз пайдо бўлди. Эду, охиратинг обод бўлсин!”, деб айтилган хабарда.

Манба: Kun.uz