په کابل کې د هند سفیر د سیمې د امنیت په اړه د افغان ولسمشر دریځ ستایلی
من پریت وهرا پرون د افغانستان د ملي امنیت له سلاکار محمد حنیف اتمر سره لیدلي دي او دا څرګندونې یې کړې دي.
د هند د سفیر ښاغلي وهرا د څرګندونو په اړه د ملي امنیت شورا ویاند قادرشاه ازادي راډيو ته وویل:
"د هندوستان سفیر وویل چې د دوی د سیمې د ثبات او امنیت په برخه کې د افغان ولسمشر له لرلید ملاتړ کوي. ده وویل هڅه کوي چې د افغانستان له اقتصادي پروګرامونو په سیمهییزه او نړیواله کچه د ملاتړ فضا رامنځته او پیاوړې کړي."
د من پریت وهرا او حنیف اتمر د لیدنې په اړه د ملي امنیت شورا همداراز یو بیان هم خپور کړی چې پهکې د هند له بشري مرستو او له ترورېزم سره د مبارزې په برخه کې ستاینه شوې ده.
د هند او افغانستان اړیکې له پخوا هم ښې وې او د جنوبي اسیا په اړه د امریکا د ستراتېژۍ تر اعلان وروسته چې ولسمشر ډونالد ټرمپ له هنده غوښتي څو له افغانستان سره مرستې زیاتې کړي د دوو هېوادونو اړیکې لا تودې شوې دي.