Զլատան Իբրահիմովիչը նվերներ է բաժանել Մանչեսթերի դպրոցների երեխաներին (լուսանկարներ)
«Մանչեսթեր Յունայթեդի» հարձակվող Զլատան Իբրահիմովիչն անակնկալ կերպով այցելել է ՄՅՈւ-ի մարզաբազայում գտնվող մարզումային համալիր, որտեղ մարզվել են քաղաքի տարբեր դպրոցներից երեխաներ:
Երեխաները տեղյակ չեն եղել աստղային ֆուտբոլիստի ժամանման մասին և սպասել են, որ նրանք կհանդիպեն «Manchester United Foundation»-ի մարզիչներից ոմանց հետ, որոնք համագործակցում են Մանչեսթերի մի շարք դպրոցների հետ:
Բայց անակնկալ կերպով մարզմանն այցելել է Զլատանը, ով իր հետ Սուրբ Ծնունդի նվերներ է բերել երեխաներին ակումբի կողմից:
Բրիտանական ԶԼՄ-ները կատակել են, որ այս միջոցառման ընթացքում Իբրահիմովիչը ցույց է տվել իր մյուս` մարդկային կողմը, ջերմ շփվելով երեխաների հետ: Նրանցից յուրաքանչյուրը որպես նվեր ստացել է «FIFA 18» համակարգչային խաղը, ՄՅՈւ-ի ստորագրված մարզաշապիկ և այլ նվերներ ակումբի հովանավորների կողմից: