Qırğızıstan prezidenti Qazaxıstana gedir

Qırğızıstan prezidenti Sooronbai Jeenbekov-un qonşu Qazaxıstana rəsmi səfəri başlanıb. Bu səfər ikitərəfli münasibətlərin gərgin dönəminə təsadüf edir.


Dekabrın 25-də Astanaya çatan Jeenbekov-un qazaxıstanlı həmkarı Nursultan Nazarbaev, baş nazir Bakytzhan Sagintaev-lə görüşləri planlaşdırılır.


Jeenbekov-un sələfi Almazbek Atambaev Qazaxıstanı Qırğızıstanda 15 oktyabr prezident seçkisinə müdaxilədə ittiham edəndən sonra münasibətlər gərginləşib. O, həmçinin Nazarbaev-i uzun müddət prezident postunda qaldığına görə tənqid etmişdi.


Atambaev Qazaxıstan hakimiyyətini prezidentliyə namizədlərdən Omurbek Babanov-a açıq dəstək verməklə Qırğızıstanın daxili işlərinə müdaxilədə ittiham edirdi. Babanov Atambaev-in dəstəklədiyi namizəd Jeenbekov-un əsas rəqibiydi.


Qazaxıstansa ittihamları rədd edib.