Խաղաղ օվկիանոսում բարեհաջող վայրէջք է կատարել Dragon տիեզերանավը

Միջազգային տիեզերակայանից ուղեբեռ տեղափոխող Dragon բեռնատար տիեզերանավը բարեհաջող վայրէջք է կատարել Խաղաղ օվկիանոսում: Ինչպես հայտնում է РИА Новости-ն, բարեհաջող վայրէջքի լուրը հաստատել է SpaceX ընկերությունն իր թվիթերյան էջում:

Dragon-ը միակ բեռնատար տիեզերանավն է, որն ունակ է ուղեբեռ հասցնել միջազգային տիեզերակայանից Երկիր:

Միջազգային տիեզերակայան սարքավորումը ժամանել էր դեկտեմբերի 17-ին, որտեղից 1.9 տոննա ուղեբեռ է տեղափոխել Երկիր, ինչպես մշակված նյութերը, այնպես էլ գիտափորձերի արդյունքները, այդ թվում և 20 ողջ լաբորատոր մուկ, որոնց վրա գիտնականները փորձարկում են ձգողականության ազդեցության նվազեցումը մկանային հյուսվածքների վրա: Երկիր են վերադարձել նաև ուղեծրում աճեցված բույսերի նմուշները դրանց հետագա ուսումնասիրության համար: