Չինուհին մեկ տարի բնակվել է «զուգընկերոջ» հետ և պատկերացում անգամ չի ունեցել, որ նա իրականում կին է
Չինուհին, որն առաջին ամուսնությունից մեկ երեխա ունի, ապշել է, երբ իր տանն իսկ բնակվող զուգընկերը անհետացել է ոչ մի հետք չթողնելով:
Ինչպես գրում է Oddity Central-ը, այն, ինչ կինը բացահայտել է նրա անհետանալուց հետո, էլ ավելի է ցնցել իրեն. պարզվել է, որ իր «ընկերն» իրականում քողարկված կին է եղել:
41-ամյա Վենգ Ցին իրենից երիտասարդ «տղամարդուն»՝ Ցիանին, հանդիպել էր առցանց 2016-ին: Ամիսներ անց, չնայած կնոջ առարկումներին, որ իրենք համապատասխան զույգ չեն լինի, նա և Ցիանը սկսեցին հանդիպել: Ցիանը Վենգին նույնիսկ իր ծնողների հետ է ծանոթացրել:
2017-ին նրանք նույն տանն էին բնակվում: Ցիանն առաջարկել էր կնոջը նույն սենյակում քնել, սակայն մինչ ամուսնությունը հարաբերություններ չպետք է ունենային:
Նրանց համատեղ կյանքն ավարտվեց 6 ամիս անց, երբ 2017-ի նոյեմբերին Ցիանը հանկարծակիորեն անհետացավ, և կինը չէր կարողանում կապվել նրա հետ ոչ մի միջոցով: Ինքնուրույն հետախուզություն սկսելով՝ չինուհին պարզել է, որ իր «կողակիցն» իրականում կին է եղել, որի վրա ինքը 300 000 յուան էր ծախսել:
Այժմ նա օրինապահ մարմիններին է դիմել՝ իր գումարը ետ ստանալու համար: